物以罕為貴 港初版CD炒價近萬元
http://www.am730.com.hk/article-198237本港唱片業持續不景氣，購買正版雷射唱片(CD)的人愈來愈少，但近年二手CD市場相對蓬勃，成為逆市奇葩。有專營二手CD的影音店負責人指出，「炒風」局限在80年代由西德及日本錄製的本港歌手初版CD；由於數量稀少，成為內地人近年「淘寶」目標，不論歌手本身是否天王巨星，其初版CD同享「天王級」回收價，由千多元至近萬元也不足為奇。有樂評人直言，願花數千元購買二手CD的人，屬於投機居多，形容「聽好歌唔會買」。
旺角信和中心是本港其中一個二手CD主要「回收場」，單是地庫已有三、四間專營二手CD的小舖，「高價收碟」、「二手回收」等廣告牌隨處可見。在信和地庫角落開業多年的鍾先生，可謂見證著二手CD回收業的發展，「最初係(03年)自由行，開始有大陸人嚟買，可能係情意結啦，佢哋嗰陣想買都買唔到，所以好多人嚟買番80年代嘅碟返去收藏」。他形容，現在到店面問價的幾乎清一色是內地自由行旅客，「香港人唔會俾幾千蚊買碟」。
回收商：物以罕為貴
二手CD回收價急升，鍾先生以五字簡單總結——物以罕為貴。他解釋，CD在80年代初興起，但當時唱片公司仍主力錄製黑膠唱片，「香港要去到90年代先有錄製CD嘅技術，最初係(將母帶)送去日本同西德錄製」；加上當時出產數量不多，因而回收價持續高企，「基本上80年代出嘅碟都有(炒)價，唔理邊個歌星，蔡楓華都可以收幾千蚊，鄧麗君、陳百強、譚詠麟就更加犀利……90年代嘅『四大天王』出得太多喇，所以係最唔值錢」。不過，鍾先生直言「炒CD」的高峰期已過，回收價亦較4年前回落不少，「陳百強(痴心眼內藏專輯)試過收過萬蚊，依家收得好小心喇」，他笑言擔心店內「存貨」隨時變成賣不出的「蟹貨」。不過，CD保養質素直接影響回收價，鍾先生指CD底部若有花痕，甚至碟邊出現「甩青」(脫落)，回收價可「勁跌」超過一半，而盒內的歌詞紙只要保持完好，亦有助提高叫價。隨著消費者轉到網上購買音樂，甚至非法下載，令CD出產量持續下跌，他估計假以時日，二手CD高價回收的情況或再現。
讀者盧先生亦向本報透露，上周成功放售4隻80年代出產的CD，包括張德蘭(86年版)、林子祥(87年版)、關正傑(83年版)及鄧麗君(83年版)4名本港歌手。他稱，自己並非專業音響發燒友，無法分辨出細緻音質，「好似俾幾萬蚊玩紅酒，同飲可樂冇分別」；加上得知舊版CD有價有市，於是帶到信和碰一碰運氣，結果4隻CD的回收價「超乎想像」達共5,800元，而當初在中環購買時每隻僅值90元左右，他笑言這絕對是一個「favorable experience」。 亞里安：對樂壇零影響
樂評人亞里安表示，全世界都有人炒賣二手CD，但香港與外國情況有所不同，「香港炒風大約10年前初現，主要係炒首版，因為數量少，得嗰千零隻，但外國係炒獨立限量版，而唔係炒首版」。
他又認為，炒賣二手CD屬於「衍生市場」，對本港樂壇影響可謂「完全冇」。對於部分人聲稱這些首版CD音質較好，亞里安不感認同：「個人唔覺首版特別靚聲，要靚聲聽黑膠更加合理」，他形容願意花數千元購買二手CD的人多為投機，「除非好有錢，真係聽音樂唔會俾幾千蚊買首版，買多幾隻咪仲實際」。 http://www.am730.com.hk/uploads/articles/198237/139473716641400photo.jpg
旺角信和中心有不少收購CD店舖。(林振東攝)
http://www.am730.com.hk/uploads/articles/198237/139473716740115photo.jpg
部分天價
本地歌手CD(二手)
歌星 產地 標價
譚詠麟 日本 5,980元
譚詠麟 西德 3,980元
張國榮 日本 3,980元
鄧麗君 日本 1,580元
資料來源：綜合二手市場 炒賣無所謂，有錢就買，無錢就無計，咁先係自由社會自由市場。
(Post76 Android 手機版送出) 寶囡不嬲都貴過人！
佢d價除2就系市場價了{:8_402:} 謝謝分享！ 好多碟都炒到好貴~香港系真系中意首版~謝謝分享 pekkle69 發表於 2014-3-14 18:07 static/image/common/back.gif
旺角信和中心有不少收購CD店舖。(林振東攝)
幾千蚊隻CD唔算貴啦。
陳百強隻痴心眼內藏 東芝版 CD，街價賣緊$2萬4左右啦！{:1_260:}
係有人成交既。 呢篇野出埋，相信會火上加油………………
亦都有助新碟銷情……………………