琴日身痕DIY將對國產分體高音換咗粒德仔電容
琴日經網友推介入咗對德國Mundorf Mcap supreme 靚dd既油浸電容換咗落對國產分體高音度，不過自己只是第一次D.I.Y焊嘢未知效果如何所以唔夠膽直上頂級電容只當小試牛刀形式買了中低價貨色，雖然唔係咩頂級發燒級別不過簡單換走原裝對大陸電容及線材，再用WBT焊錫焊上粒德仔電容及neotech 喇叭線後⋯整體未run-in初步聽感已經完全脫胎換骨，音場好明顯闊咗嘹亮咗；由其女聲明顯甜美咗"浪耳"咗 ！配合埋我對cheap cheap書架仔喇叭都有種明顯重生既感覺，期待run-in一排後再有驚喜⋯多謝收看！！
想問下CHING粒電容嘅規格有冇要求，駛唔駛與原來的電容匹配。 psu2013 發表於 2014-3-13 13:37 static/image/common/back.gif
想問下CHING粒電容嘅規格有冇要求，駛唔駛與原來的電容匹配。
其實我都係一知半解咋⋯不過我本身粒電容係0.68uF 100v～我唔知加加減減"uF"數後d聲底變成點，所以我選擇用回0.68uF不過"V"數大咗⋯聽d師兄講雖然落喺分體高音用唔著禁大V數，不過係對音質；空氣間感有正面影響的⋯同埋如果想cut翻多d中頻落喇叭等隻分體專心超高頻的話，可以減少粒電容"uF"數，所以睇你想點改而決定加減⋯
不過再重申我只是初學者，如果我有錯wellcome大家指點指點{:8_387:}
頁:
[1]