我這晚熱辣辣...
本帖最後由 kitbrian 於 2014-3-15 22:07 編輯從來都唔係好搭得船既我, 為左自已鐘意既野(一直未擁有過, 但細細個已經夢想擁有), 一早就帶住部航天級超輕鈦金屬支架，雙turbo ,麥花臣避震，雙安全帶，四輪驅動，人手轉向，最大馬力0.01匹既水客必備手拖超跑
一支人戰戰兢兢咁過大海買隻超重型仲有兩支巨大粒子炮既超合金, 坐左船廿分鐘左右心知不妙, 以下癥狀全中........{:6_192:}
結果一次過用左3個男人唔鐘意用既{:6_186:} .........嘔吐袋,嘔到個人已經暈下暈下, 總算挨到落船, 係腳踏實地果一刻心情好似中獎咁{:6_191:}
落左船就暈住咁趕去搭地鐵去南昌, 由於暈船浪後遺症, 差D連搭地鐵都頂唔住{:6_186:} , 從來都未試過搭地鐵一個站係咁遠{:6_192:} , 到左中環唔理三七二十一, 衝落車先{:6_168:} ; 係地鐵站企埋一邊休息左十分鐘; 就轉車去南昌; 因為好小過大海; 真係覺得香港既地鐵很好很強大仲好方便{:6_193:} , 到左南昌見仲有時間就沖沖走去食左碗粥水; 之後打比香港既師兄交收; 個師兄真係好人; 原本佢住上水的; 但佢就約我係南昌交收; 唔使我左轉右轉; 真心多謝佢!!{:6_193:} {:6_193:} , 交收左之後我就慢慢自己攪掂唔好阻人時間啦
整理完就馬上拖住件80磅既超合金趕去碼頭搭船回鄉(大多數買到心頭好既人都係咁{:6_237:} )
係搭地鐵時一段小插曲, 因件超合金實左太重{:6_185:} , 我要單人慢慢小心咁搬上車{:6_202:} , 好啦, 人上左, 但個背包比車門夾住左, 係果一刻我色一沉( 求神拜佛果D粒子炮千奇唔好爆呀{:6_125:} , 好在檢查過之後完全無事, 放下心頭大石{:6_143:}繼續上路 )
好在返鄉果程船平平安安, 一落船就梗係馬上去搭的士回家啦, 好啦{:6_137:} , 我唸師兄們都估到發生咩事{:6_150:} ,我用盡我最後既奶力, 將件80磅重既超合金一個人搬去車尾箱, 差D氣絕咁{:6_123:} 上車關門走人.
好在我住果度有電梯{:6_122:} , 唔係都唔知要攪幾耐先返到屋企, 一入到去咩都唔好唸唔好做, 馬上沖埋去個電視櫃度進行搬位大行動{:6_125:} , 攪左個幾鐘{:6_129:} , 終於有位置放件超盒金啦, 之後就馬上安裝粒子炮準備發射{:6_136:}.
安裝完成試發成功之後, 就帶住累到頂點既身驅{:6_197:} , 簡單咁試左幾首歌, 覺得人聲出左立體左厚左暖左{:6_128:} (可能我亂講{:6_204:} ) , 又試左一曲穆桂英掛帥, 第一次感受到咩叫鼓皮震動, 有層次既低音......, 之前用馬仔7005係無果種感覺, 可惜居所地方有限, 無咩發揮既空間, 但已心滿意足!!{:6_122:} {:6_122:} , 試完真係頂唔順{:6_168:} , 關機訓覺{:6_228:}
果兩支巨大粒子炮真係好熱好熱, 我這晚熱辣辣......YEAH YEAH !!{:6_143:} {:6_143:} 正野{:1_326:} 膽機夾JBL ，傳統、多師兄的夾法{:6_193:} 好大力，勁!{:6_193:} 又有好嘢！{:6_193:}{:6_193:} {:6_193:} {:6_193:} {:6_195:} {:6_193:}{:6_231:} {:6_193:} {:6_212:} {:6_195:} 樓主, 到夏天重過引呀...{:1_253:}
頁:
[1]
2