唔想寫, 但係最後都寫左出黎既SONY PHA-2 評測
本帖最後由 甜鬆潤 於 2014-3-10 01:24 編輯其實一直都想幫pha-2寫評測, 但係就一直都唔知點寫。
今次其實都係夾硬幫佢寫, 所以我有預感我會寫得唔好睇。
點講呢, 我唔係話佢唔好喎, 因為我都幾常用佢, 當我返工既時候, 我就放係架車到IPT-PHA2 line out聽歌, 返到屋企我又會駁佢usb再出hp-v1聽耳牛, 基本上佢某程度係我既生活上最常見既物品之一。
但係我又真係偏偏諗唔到點寫佢。
因為太合理, 功能, 外型, 音質, 價錢都太合理, 力度夠, 差唔多所有耳機都推得起, 某D耳牛亦難唔到佢, 而且太多玩法, 我除左話因為太合理所以我覺得平凡無性格之外, 我都唔知點挑剔。一樣無乜得挑剔既產品, 都幾難出評測。
不過依排ZX1見街, 多左人講依部PHA-2, 依個時候, 我反而就點都要死編評測文出黎。
因為IPT又好, 電腦又好, 甚至乎AK240都好, 我都唔建議你駁ZX1。
因為ZX1係一個有性格既人, 如果你鐘意佢過種性格, 佢本身就已經無問題。
我尤其係鐘意ZX1開左CLEAR AUDIO之後既性格, 更加巴辣, 更加重口味。
PHA-2一野就收服左ZX1, 係, 無可否認, 音質提升一個層次, 扎實左唔少, 本身聽唔到既細節出返黎, BASE變得有質有量, 人聲甜美, 未至於毒, 但係高音表現明顯好左, POWER十足, 整體既質素未至於頂級, 但係就絕對可以話係有質素之作, 開頭一聽, 會覺得PHA-2比左新生命ZX1。
但係聽多幾次, 會發覺佢抹殺左ZX-1既特質。
我本身極度鐘意ZX-1既聽感, 夠爆炸力, 夠特別, 夠重口味 佢絕對唔係一部非常優秀既DAP, 但係我會認為佢好有特色, 好多時其他牌子既DAP都係追求不同既音質, 我會話ZX-1係追求不同既音樂, 至少, 你聽完ZX1, 你唔會講得出同佢類似既DAP, 依個時候通常會有班友出黎插我話咁SONY其他既DAP呢!!!???我會即時兜話係指SONY以外既DAP。不過講真, 就算係同牌子既PCM-D100, 我都覺得完全唔同。
你睇下佢D制同D窿多到呢.....
由於功能齊全, INPUT方面可以AUDIO IN又可以DIGITAL IN(USB, MIRCO USB, 同一個SONY WALKMAN專用頭), OUTPUT方面亦有一個LINE OUT, 變相可用性十分高, 駁電腦後既質素比駁IPT同ZX1高少少, 最重要係駁電腦後可以支援2.8 MHz, 5.6 MHz既DSD, 而且可以一路差電一路聽歌, 唔需要擔心續航力既問題。
有LINE OUT既關係我可以另外再駁AMP。
尺寸大但係續航力唔算高, 官方話得6.5小時, 你信佢8成好哪。
結論就係, 如果你係同我一樣極度鐘意ZX1既特質, 講真無謂浪費金錢買部PHA-2。
相反, 你同我講話想買部功能十足, 性價比高既DAP, 我會建議你買PHA-2。
當然, 如果你係ZX1既用家, 又唔想話成日都聽重口味架話, 我都覺得可以買返部PHA-2(其實ZX1係未淨係配到PHA-2呢? 因為我見好多機都唔SUPPORT ANDROID系統? ) 佢中庸既性格會令所有野都變得耐聽。
多謝分享 !!! {:6_193:}{:6_193:} teddyng637 發表於 2014-3-10 01:29 static/image/common/back.gif
多謝分享 !!!
寫得好客觀 jackorh 發表於 2014-3-10 03:47 static/image/common/back.gif
寫得好客觀
{:6_193:} {:6_193:} (夠爆炸力, 夠特別, 夠味 ) 十分認同{:6_183:}但本人就5係太鐘意開CLEAR AUDIO 係特别 各方面都有提升 但人聲就好似一下收哂 等有空去showroom駁pha2試下{:6_238:} 多謝分享~~~
師兄出文速度超快, 銀包亦常滿 {:6_183:} 如果樓主喜歡用ZX1內置的EQ調味，又想保留PHA-2較高質的擴音部份
何不嘗試用ZX1的Analog out(1. Phone out, 2. WM-Port to SE)方式連接PHA-2
看看效果如何 師兄謙虛,個人覺得寫得好好
如果咁睇ZX-1玩入耳已經好夠,有閒錢先入埋PHA-2
期待師兄下一次既報告 絶對中肯及精采既報告！{:6_193:}