2014 強勢開箱篇之一 - Chord Hugo
本帖最後由 muffy 於 2014-3-8 12:03 編輯終於番到屋企啦...
今日係2014年黎講最開心既一日, 因為新玩具終於到手!
廢話少講...去圖啦!!!
包裝聽感等等我會陸續更新, 希望大家可以多多支持!
呢部HUGO絕對係小弟 2014 Best Buy之一!
25/02/2014:
琴晚玩左一整晚, 而加終於坐低分享小小
入手篇:
話說我追左間鋪頭好多次幾時到貨, 佢琴日下午打黎話到貨果刻我真係超級興奮
放工二話不說狗衝去MK拎貨, 由於幫埋朋友所以一次過買左4部...
最後佢重有一部demo, 我朋友即刻買埋...所以總共買左5部...連我自己都覺得好癲 (但據聞另外幾間有拎到貨既店鋪情況都係差唔多)
食個快飯就趕番屋企玩啦!
包裝篇:
番去即刻拆開包裝啦
講真Chord既產品我接觸得好少, 但呢個包裝盒有小小陽春...紙皮都好容易就屈爛 (可能我太暴力)
講下附送既配件先
- 說明書一份
- 保用證一張
- 光碟一隻
- 耐用橡筋6條
- USB - micro USB一條 (1M)
- 光纖線一條 (1M)
- 充電火牛一隻
- HUGO一部
係咁多, 居然無coaxial cable送...
功能篇:
由於時間有限, 我由11點玩到3點, 大概都了解左部HUGO既大部分功能
首先試左我專登收番黎既幾部source, 由於本人試完光纖覺得比較硬聲, 所以應該會主力玩coaxial
比較左C4, DX100同X5三部
真係玩得唔耐所以無任何參考性
感覺DX100好過X5小小, 而C4可能用另一條雙邊RCA頭, 所以明顯地跑出, 有機會我會慢慢再玩下
佢input有micro USB X 2, 光纖, coaxial, 同埋bluetooth
我隨身試左佢既coaxial部分, 基本上連接好, 有個制不停咁按, 直到有個指示燈著左就會有聲, 非常方便
好啦, 主力我其實想試佢既純DAC部分
之後我入左房去試下將佢連接我套CAS既效果會如何
係度講下, 佢既兩個USB IN係唔同既, 其中一個專登為電話等等portable device而設, 但只係解到16/48
重有一個HD USB IN, 需要安裝driver, 但可以解到32/384, 同埋DSD128
另外佢有一個制, 如果按實咁開機會進入volumn bypass模式, 可以真正發揮純DAC既實力
同一個制其實係平時按可以有crossfeed效果, 總共有三個模式, 呢部分我得閒D再試啦
講到有D語無倫次...
佢有幾個指示燈, 分別用唔同顏色去話俾你聽唔同既資訊
最高: 電量剩餘量, 藍(全滿), 綠(90%), 黃(50%), 紅(30%), 同閃紅(要充電啦兄弟)
中間: 顯示你用咩source, 紅(coaxial), 綠(optical), 藍(bluetooth), 黃(普通USB), 白(HD USB)
最低: crossfeed模式, 紅綠藍同無燈
另外充電方面官方話5小時充滿, 佢會自動cut電, 所以可以放心長插火牛
最後輸出方面有一對RCA, 兩個3.5, 同一個6.3
有朋友話唔同插頭有唔同聲, 我未有時間試
我琴日試左純DAC, DAC+AMP, 以及推書檯喇叭, 效果良好
今日講住咁多先
To be continued...
08/03/2014:
差唔多入手已經10多日, 分享多小小使用上既心得同初步既聽感
使用篇
呢10幾日幾乎每日都有用到HUGO, 對我黎講呢部野真係好方便
平時係屋企, 佢會負責解碼既部分, 上文有提到過如何進入純DAC模式
關於早前提過既自動cut電功能我試過, 通霄差住電, 第日訓醒舊電係差滿電既狀態下繼續運作
如果Chord可以做到差滿電自動取用外置電源的話, 對HUGO舊電就會無咁傷
不過當HUGO作為家用純DAC既時候有三大缺點:
1. 佢既RCA out係前面...所以當要再出AMP既時候...真係好鬼樣衰...唔知大家有無好D既方案呢?
2. 佢既RCA插頭設計, 大部分靚頭都未必用得到, 如果刻意加多個adaptor一定無直插咁好, 呢點其實一路都困擾住我...
3. 佢既USB in 係micro頭...雖然而加陸陸續續有其他品牌都會推出adaptor, 不過我都係覺得加多個adaptor一定無直插咁好...我相信大部分CAS玩家都係用A to B USB線, 所以又係好鬼煩...
當出街既時候, 我會將HUGO當成DAC+AMP咁用
如果想輕便, 暫時會直接將X5同佢連接, 咁樣既size可以放到入porter果D袋仔入面+突個PO出黎, 個體積尚算可以接受
至於揀歌就真係無咁方便, 我唯有shuffle成個play list, 如果唔arm聽可以按一下next song, 多添一份神秘感
如果坐低左或者係office, 我會改用C4出俾HUGO, 比起X5, C4聲音整體更厚同埋人聲更有感情, 個人更加喜歡, 不過加埋最近入手既Crystal Reference RCA, 呢個組合真係出唔到街...條線又怕屈爛, 所以都係留係office慢慢欣賞
總括而言部HUGO都好辛勞, 無論在外在內都要不停運作...不過每日一定會俾番幾個小時佢休息下
初步聽感篇
係現階段AMP部分大概runin左60小時左右, 所以講聽感其實言之過早
不過好多朋友可能都想進一步了解多少少HUGO既聲音, 所以我提早分享一下
因為呢部HUGO的關係, 小弟非常敗家地入左對HD800俾佢
HUGO下既HD800有好多我之前遇到既問題都解決左
我記得大約兩年前我玩HD800, 因為前端問題根本推唔到佢 (唔好話推唔推得好, 係根本推唔到)
事隔兩年, 我去試HUGO demo既時候無聊拎左對HD800黎聽, 發現非常大驚喜
我依稀記得之前話過HD800既三大問題:
低頻鬆散
中頻凹
高頻尖
好明顯係推唔到既結果
最近聽番, 低頻結實左, 中頻都係小小凹, 不過可以接受, 同埋幾耐聽下, 而高頻感覺控制得好左好多
整體我都覺得係合格同埋有驚喜, 所以不禁重新敗入多次...
琴晚聽完覺得個密度都係爭小小, 其他部分以一個雖身DAC+AMP黎講我完全收貨, 下一步係換左條原裝線佢
至於耳塞我用左K10黎試
有一點想提下, HUGO既控制力好好, 唔會話推耳牛夠力, 但推耳塞就爆聲
出奇地我覺得佢無推得過龍, 反而好好, 背景亦夠暗
HUGO既聲音可以話幾平衡既
佢無mass kobo 385漂染出黎既毒人聲同延伸, 亦無KM-01增強既中低頻, 總之出黎其實好平均
好多以前聽唔到既聲音而家都聽得到, 而低頻居然可以下潛到個心有小小震既幅度, 之前得耳牛俾到呢種感覺我
整個音場拉闊左好多, 樂器分離度高左唔少, 聽得到D聲由唔同方向發出, 整個演奏廳大左
至於口水聲尾 (唔知點形容, 係吞完口水之後果下聲), 而加都聽得到, 尤其係一D錄音出色既歌曲, 個分別更明顯
我相信如果繼續runin都會再有提升, 但暫時真係已經非常滿意
至於大家一定想知缺點, 我暫時發現比較明顯既有三個:
1. 佢既價錢真係貴, 同埋佢黎緊又話要加價200英鎊, 呢下我覺得有D唔係咁好, 見好賣就加價...
2. 體積方面對唔少人黎講可能比較大, 未算係好出得街, 而佢既coaxial in可以選擇既頭唔多, 我自己用緊Swiftcraft既RCA L頭, perfect fit
3. 對於比較差既錄音, 佢既包容性極低...佢會將錄得唔好既地方放大, 而且毫不留情地解碼出黎...我曾經無聊入左幾首MP3入去, 發現出黎真係好鬼難聽, 重衰過一般既DAP...
最後又黎小小預告先, 我同朋友而加研究緊一套以HUGO作為主打既組合
到時如果可以順利完成一定會再同大家分享
To be continued...
留位更新 打却！全部拎晒出黎{:1_335:}{:1_344:}
大毒梟{:1_262:} 大毒梟＋大大Ching {:1_338:} {:6_195:}{:6_212:}{:6_206:}好想知HUGO+C4,有咩變化 {:6_193:}{:6_196:}! 大毒梟{:1_326:} 米神兄 神級擴 !
毒到不得了!{:1_339:}
好想要 幾時開試毒派對? 打拿拿聲拿晒D玩具來!{:1_346:} Congrats, CHing. So happy {:1_326:}, I am still waiting for mine.
Which RCA cable is that? seems fit very good.{:1_332:}