同人唔同命，SONY 發佈會 趣事分享 (Part 2 #22)
本帖最後由 阿定 於 2009-8-20 16:15 編輯話說昨日中午有個 SONY 發佈會，SONY 自己就好似好神秘咁，叫晒d傳謀出席，但係人都知，之前果晚外國已經宣報出PS3 Slim，定價USD299，所有規格，功能都有晒資料，唔好話實物，拆箱報告都有，作為遊餐機網站的小餅主，呢d新聞一早已經貼晒各大論壇，又點會唔知，不過發佈會撞正Lunch Time，無理由唔過去睇下，所以就約左網主同另一個小餅主過去睇熱鬧啦！
由於只有網主收到傳媒信，網主大人又有準時的習慣(即係last min 先出現果隻)，我同另一個小餅主一齊先到達會場，我都知我地呢d 二打六無人識架啦，但點估都估唔到，要份新聞稿都話要卡片，填form，三張A4紙都咁，在場記者數埋無廿個，我除左死番一邊等網主到，都無咩好講，話晒我都係小餅主中的首領，所以我都提一提另一位小餅主，人地其它記者係搵食的，宜家無咩人，我地好去影下相，一陣d大哥會搶位影相，我地唔好同人迫啦，免得被人撞倒，反正我地都係業餘性質，無謂阻人開工！
說時遲，那時快，唔同的腳架開始左飛右飛，網主大人又到啦，點知SONY仍然係一個Party只有一份新聞稿，呢個時候我真係唔知比咩反應，發佈會我去得唔多，但作為代表一間咁大規模的公司Marketing會唔會老土左d呢，我真係未見過有人會要求多份新聞稿會被人say no，學某人所講，就算果個擺明係二打六，飛去service center，幾十蚊份都局要影印架啦，不過我唔怪佢，反正一份又好，兩份又好，d資料除左香港首賣的日期時間外，都無咩我昨晚未見過，希望果個唔係佢地d staff，係PR公司而己吧！
好啦，果show開始啦，好彩我有睇星星同學會，如果唔係，請唔好怪我無知，楊琤小姐做MC，今次SONY唔再搵0靚毛，搞到我隔離果小餅主完全唔知呢個係咩人，仲話佢講錯野，講左PS3做手提機，好搞笑，今次真係唔知Top Model唔打機，還是PR份稿起得遲，無比人準備啦！
http://www.hacken.cc/bbs/attachments/day_090819/0908191609dba1dd970df1cda9.jpg
有人睇先打下半Part！ 場內記者爭位影相，專業 = 霸王？ 記者怒罵PR！ 小弟好有興趣想知記者點鬧 PR~~ 我都有興趣喎~~ 期待中！ 小弟好有興趣想知記者點鬧 PR~~X2{:6_190:} 去買花生先 {:6_174:} 等緊part 2~ 楊琤都唔識咁佢真係......{:6_136:} 期待... 楊琤都唔識咁佢真係......{:6_136:}
skenstudio 發表於 2009-8-20 10:54 http://www.post76.com/discuss/images/common/back.gif
唔打機唔曉都唔出奇，但咁都穩佢做MC就真係奇怪d勒！