音茶樂Flat4-KURO：分享與討論
音茶樂 Flat4-KURO (玄)由於muffy師兄已經出過文，所以呢篇分享放左係度好耐都無發表。我對KURO係係日本首次預售已經買左返黎，但發現KURO潛力非常之大，所以無好快就出分享。係呢段時間亦入左手唔同前端器材，亦未停過咁煲KURO，發現KURO能夠發揮得好既KURO實在令人愛不釋手。以我而家手上器材可能都未能夠好好發揮到KURO，睇下遲下會唔會可以更好地發揮到佢，再黎個小更新啦。
前言
係山岸亮發表左Flat4-SUI以及KAEDE之後我一直對Flat4系列好有興趣。音茶樂網頁上面既介紹令我覺得係技術層面之上Flat4系列有突破性。用對列單元消除餘震以及外加導管做高頻扶正等等既概念都相當有意思。當然理想同現實成日都有一段距離，所以出左SUI以及KAEDE我都唔敢出手。到到之後見到KURO推出前山岸亮對KURO既改進非常有自信，我就把持唔住，整左對返黎。
Flat4-KURO
KURO既評價都頗兩極化。某部分台灣以及國內用家嚴厲批評指出佢地非常唔喜歡KURO，但又有部分歐美以及日本用家就對KURO愛不釋手。
我覺得KURO本身既表達較為近身，但遠近分明；換句話講佢唔係一對laid back走向既耳塞。風格走向較為踏實；而我會用結實黎講KURO既聲音表現。整體音調稍暗，但會因為前端唔同而有所唔同。KURO絕非驚艷型，但細聽落去我發現KURO實在係非常唔錯。
我覺得推得好以及推唔好既KURO分別可以好大。發揮好既KURO空氣感強，動態強，瞬間動態強，分析力高，細緻度高，密度高，具定位能力，具全面性，具穿透力，具還原力， 涵接優秀。對於鋼琴以及低音部樂器，比如大提琴以及低音大提琴，既表現係眾多耳機之中我最喜歡既。我玩過既音響器材實在唔多，但KURO係至今第一對我覺得佢聲音organic既耳機。而發揮得唔好既KURO嘛，會有氣無力，高頻乾而尖，低頻肥鈍，中頻發虛，涵接奇差。
發揮好KURO
係經過較長既一段使用時間，以及邀請左唔同師兄一齊試聽同埋討論過之後，要發揮好KURO，我暫時覺得有兩點比較值得分享。
第一點就係要用耳棉。KURO本身配戴並非非常優秀，客易丟出黎。用上耳膠既KURO漏聲嚴重，低頻會因為漏音而失去個種密度以及下潛，高頻就會比較標，客易令人覺得失控。相信因為咁令到即使前端有足夠能力發揮KURO都會唔少人覺得KURO齒音較重而且無控制力。
第二點就係電流要大。出街時侯我主要用Just Audio AHA-120較到最大電流輸出推KURO。然後因為坐飛機唔想咁快無電，就以將電流配置較到最低。之後一段時間都覺得KURO難聽左好多，失去左本身既密度，有形但無神。最後手痕較返做最大電流先發現，KURO非常能夠反映出電流對耳機表現既影響。相信呢點應該同對列既10毫米雙動圈單元有關啦。
設置分享
講講我覺得能夠將KURO發揮到一定程度既設置啦。
便攜既話，我主要用RWA iMod + Just Audio AHA-120，開High Gain用最大電流去推。當初一開初聽KURO，覺得無咩大不了。但聽左幾隻歌之後，就快訓著既期間，隨機跳到Dvorak-Burghauser Cello Concerto in A Major*，大提琴一入既段落即刻醒左。非常organic既聲音，以耳塞而言，KURO做到具真實感既大提琴聲，沉穩而帶空氣感，表現到大提琴個種質感。之後轉聽其他鋼琴獨奏，表現亦非常唔錯。由於KURO聲音密度高涵接順暢，加上frequency range 大，令我覺得KURO既聲音可以做到結像，感覺就好似有座小鋼琴係度咁。RWA iMod + Just Audio AHA-120呢一個組合既缺點係高頻有時仍然會有輕微失控，以及密度非能完全發揮得到最高。但AHA-120夾KURO個種organic既聲音，係我未從係其他器材聽過既。
台機既話，試過Lehmann Black Cube Linear以及Beyerdynamic A1，效果都唔太理想，但係夾Violectric V800+V200既KURO非常非常地踏實。我主要都係用Violectric V800+V200黎玩玩KURO。我覺得V800本身動態明顯但聲音較為衝，而V200就較為格調較暗但就相當沉實；兩部一齊用還算可以， 有一定程度長短互補，有動態得黎唔會過衝，踏實得黎唔會沉悶。用V800+V200推KURO，基本上就係我上半部分所提及到既空氣感強，動態強，瞬間動態強，分析力高，細緻度高，密度高，具定位能力，具全面性，具穿透力，具還原力， 涵接優秀。
後語
當然，上面寫到天花龍鳳，KURO並非咩無敵神器。KURO有缺點。
聲音方面，逐方面逐方面咁比質素或者有唔少耳機耳塞比KURO好。 發揮好既ER4S比KURO更能表達到精準既感覺。發揮好既IE800亦會比KURO更寬容大氣。論刺激感1PLUS2會比KURO更出色。論特別音色亦無得同K3003個種有貴氣既聲音比。比音場大小既話耳機比佢做得更好。KURO有脫塞感，但即使發揮到好好，KURO都只係一對入耳式耳塞。而對於主要聽流行樂既師兄們KURO有一個致命傷：暫時好似並無辦法可以將佢既齒音完全壓下去。
而單就KURO而言，我覺得缺點包括前端資源既投放，換耳棉既洗費，偏低既隔音能力，單元體積大，直型插頭等等。基本上出街都唔係太適合用KURO呢。
但KURO作為一對入耳，發揮好之後聲音能夠達到咁樣既全面性以及全面既連貫性，我覺得實在非常難得。係我手上既耳機，無可否認我最鐘意既係KURO。但我同時間都非常期待DONGURI(櫸)。非常喜歡與非常討厭音茶樂兩種玩家，明顯我係前者{:1_352:}
最後有一點就係，睇相望見開發者主要都係配用Sony既播放器。或者Sony機下既KURO又係另一番景像，可惜我未能親身試用呢。
* 當時聽既版本係Jamnik, Netopil: Prague Radio Symphony Orchestra，但更推介Jaffe, Raiskin: Staatorchester Rheinische Philharmonie以及Isserlis, Harding: Mahler Chamber Orchestra的版本；前者表現更具活力，後者感染力更高。
多謝斯路兄咁精彩既分享
你出動到V800+V200呢套西裝, 非常吸引呢!
我都承認當初我其實未能完全發揮到佢既能力就放左
而加忽然有D想玩番添!
其實用耳棉的確可以減少齒音, 不過我最後都係主要因為呢個原因而出售
個人對齒音容忍度比較低, 但呢對絕對係一對非常特別既耳機! 大約一個月前係 KCR 跌左對 Kuro，心痛到現在啊！
出到 V880/V200 來餵佢又好似誇左 D，但我都經常用 DX100 既 high gain 來推 (IEM 計其本上係得 Kuro 和 ER4s 會用 High Gain)，尤其動態較大既音樂，聽 mid gain 時會忍唔住拍佢上 High gain 來 Hi 返陣，我直推無加 amp，也只能如此了！
Muffy 兄快 D 再買 Kuro 啦，我擔凳仔排頭位等你！{:1_343:} 多謝分享 !!! {:6_193:}{:6_193:} Andykong 發表於 2014-2-15 11:51 static/image/common/back.gif
大約一個月前係 KCR 跌左對 Kuro，心痛到現在啊！
出到 V880/V200 來餵佢又好似誇左 D，但我都經常用 DX10 ...
而加太多其他新野啦
最近買到破曬產...... 多谢斯路兄一篇詳細而客觀既報告!
講起呢對茶，我上次响金猩想换對耳綿試，店員死都唔肯，結果慳返，亦令我响該宝号既交易記錄至今仍然维持O既狀態。
奉勸各位有心試demo既師兄請自備架生! henryctw 發表於 2014-2-15 14:54 static/image/common/back.gif
多谢斯路兄一篇詳細而客觀既報告!
講起呢對茶，我上次响金猩想换對耳綿試，店員死都唔肯，結果慳返，亦令 ...
你自備綿?
(Post76 Android 手機版送出) mu779uppy 發表於 2014-2-15 17:03
你自備綿?
(Post76 Android 手機版送出)
店员唔肯妥協既態度，已令我blacklist左呢間野。 我都試過呢種情
但我都明白
用耳棉佢地未必清潔到
我見佢地d耳膠比人試完都會用濕紙巾清潔番 本帖最後由 斯路 於 2014-2-15 21:56 編輯
muffy 發表於 2014-2-15 11:03 static/image/common/back.gif
多謝斯路兄咁精彩既分享
你出動到V800+V200呢套西裝, 非常吸引呢!
我都承認當初我其實未能完全發揮到佢既能 ...
又唔會咁講，但KURO係硬件上比較多要求。但其實而家咁樣搞法，有部分track都會無咩齒音。或者NAMI會更好? 記得師兄講過NAMI音頻改善左。
師兄近來準備緊分享邊d玩具呢{:1_343:}
Andykong 發表於 2014-2-15 11:03
大約一個月前係 KCR 跌左對 Kuro，心痛到現在啊！
出到 V880/V200 來餵佢又好似誇左 D，但我都經常用 DX100 既 high gain 來推 (IEM 計其本上係得 Kuro 和 ER4s 會用 High Gain)，尤其動態較大既音樂，聽 mid gain 時會忍唔住拍佢上 High gain 來 Hi 返陣，我直推無加 amp，也只能如此了！
Muffy 兄快 D 再買 Kuro 啦，我擔凳仔排頭位等你！嘩 竟然係跌左，真係非常唔好彩{:1_332:}
其實睇返價錢，用V800+V200推都唔算太過分呀。萬幾蚊前端。一部imod+dock out+高級少少既便攜耳放都唔差得太遠。
咁師兄而家轉返用4S?
henryctw 發表於 2014-2-15 14:54
多谢斯路兄一篇詳細而客觀既報告!
講起呢對茶，我上次响金猩想换對耳綿試，店員死都唔肯，結果慳返，亦令我响該宝号既交易記錄至今仍然维持O既狀態。
奉勸各位有心試demo既師兄請自備架生!
唔比用棉試聽都情有可願既，的確唔太衛生嘛。買一對新既30-40蚊，重可以留返以後試其他耳塞都可以用，都可以諗諗。當然，如果佢地個陣態度唔太好，又難免師兄咁唔gur