正式版 "ZX1" vs "AK240"
本帖最後由 甜鬆潤 於 2014-2-11 00:42 編輯首先講下我點解買依部AK240先。
我對依部野既印象極度唔好, 認為佢獅子開大口, 兩萬幾蚊既DAP, 我可以買好多其他補品, 仲要係韓國仔野, 實在係搶錢咁搶。
有睇我之前個ZX1既POST既朋友應該知道我係前AK100既用家, 講真我賣左之後真係有D後悔, 因為AK100聽慢歌既感覺幾溫暖, 相反ZX1就較冷。
本身諗住買部AK120填補返心靈上既失落就算, 但係諗諗下, 比萬幾蚊買部人地話仲差過AK100既機, 係未好ON居呢? 又無理由買返AK100丫, 咁未仲ON居過ON居。
我不入地獄, 誰入地獄?
入左手之後我依然覺得佢係性價比極低, 但係就無左獅子開大口既感覺, 的確, 咁既SIZE咁既音質, 係得佢一部, 佢買9萬9都好, 只要依一刻無新機出, 佢都依然係唯一選擇, 感覺就好似以前他媽哥池咁。
總括來講, 買左後既感覺係肉痛大於後悔。
我講明, 我係新手, 我根本唔識分咩高中低頻, 我只係識講感受。
UI方面ZX1較好, 始終行ANDROID, 可以睇片, 可以網上過歌, 可以睇埋EMAIL玩小遊戲, 營幕表現亦係ZX1好好多, AK240比ZX1少左功能, 但係如果你只著重聽歌, 依D都只係題外話。
外貌就各花入各眼, 我自己覺得ZX1襟睇D, AK240就前衛左D囉。
音質豪無疑問AK240較強, 音樂清澈分明, 細緻而又唔混亂, 人聲好好聽, 好溫暖, 比ZX1前好多, 樂器既定位亦都較ZX1清楚, 不過講真, 聽快歌, 我都係揀ZX1。ZX1有一種空間感, 雖然所有野都比AK240差, 但係快歌過種POWERFUL, AK240又比唔到我渦, 我覺得ZX1演技較好, 係, 係演技, 雖然佢比唔到AK240既音質你, 但係佢絕對可以係快歌上帶動我既情緒。
要比拼既話只可以咁講
AK240就好似一部無乜地方可以挑剔既播放器, 所有野都係黎得四平八穩, 葉問咁硬淨, 佢所有野都會附合你既期望, 滿足你既所有要求, 就好似叮噹咁, 我的希望必得到。
但係就......點講呢...........你唔好當佢係出奇蛋, 因為我覺得無驚喜。我覺得入手後我係滿意, 我亦會繼續使用, 因為咁既音質真係暫時市場無敵手。
ZX1我反而會覺得如果你已經聽厭左所謂既音質, 而回歸基本單單追求音樂比你既觸感, 我會覺得ZX1比我既驚喜係大於AK240。
不過有樣野我可以肯定, AK240係我試聽過既PLAYER裡面最出色既一部, 唔好計價錢, 純以音質同SIZE, 我都覺得佢係NO.1。
依家只係聽左10多隻歌, 過多兩日等我煲耐D我再比個更加詳細既感覺大家。
可能係價錢方面令我對AK240既評價唔算太高, 是咁的, 你比左兩皮野出黎想部機識飛(係我錯, 係我諗多左), 但係實情係佢跑得快過其他車我應該都要收貨
有咁多玩具，恭喜你，快D出報告及聽感。 哇~~~~~ 十分利害～個價錢...{:6_121:} 短評
zx1:ak240
外型
10:8
音質
6:10
價錢
10:40
UI
10:7
意想不到師兄對AK240評價相當高呢，本來興趣缺缺，而家開始心動想玩玩。師兄所指既無敵手係包括埋其他播放器加耳放既前端? 斯路 發表於 2014-2-11 02:30
意想不到師兄對AK240評價相當高呢，本來興趣缺缺，而家開始心動想玩玩。師兄所指既無敵手係包括埋其他播放 ...
其實我对佢評價並不高，就兩部player 黎計我鐘意zx1多d, 相應嘅價錢相應嘅質素，我覺得ak240未及炸彈，所以如果唔介意帶炸彈出街，可以唔洗考慮依部，而且炸彈玩法多好多~
Zx1 就好似opus one, ak240就好似latour。
不錯的評論，難得的是樓主以持平的態度去演説感受; 並無將 "兩萬元的虚榮感" 強加於ak240的評分之內{:1_351:} 多謝分享{:1_352:} 師兄容許你叫你一聲
"真 米神"