分享日本旅遊-富士急遊樂場。
本帖最後由 tennishk 於 2014-2-13 20:47 編輯其實剛剛年尾完成了一個人的自由行。
真係一個好好既經歷。如果我未結婚既，我一定會再試，但老婆已講明只此一次！
所以，如果可以既，真係可以試試一個人自由行。
一個人，最緊要方便，唔帶相機，唔帶高清手提攝錄機，只帶一部手機影埋相，
租部上網router，買了張山手線一日乘車卷，搭了大約7至8次，去左涉谷買了三隻BEARBRICK 400%，好抵買，5000日元一隻，我買了3隻。
好多時間都係行路，因為有router用可以上網睇地圖，由東京鐵塔行去青山一丁目，如果冇router用，肯定唔知點行，
富士急遊樂場，一早上網訂了來回巴士車票包入場卷，
首先講講，可能好多人會約埋朋友一齊去旅行社買機票連酒店套票，我個人覺得，如果超個四個人或者十個人以上，最好就分開一組組人獨立買，除非你在旅行社買的機票不是團體票，因為團體票有指定，出票時十個人，一定要十個人同時上機，否則全部唔比上，我就見過有例子13個人訂了去大阪，因為其中一個人臨時有事唔去得，結果13個人全部唔上得機！
我不是什麼日本達人，更不是好熟悉富士急遊樂場，只係剛剛去完，想講小小去日本富士急的方法與心得。
去富士急遊樂場，最好就係佢官網訂套票(巴士票連入場卷)。 (由2012年12月1日至2014年2月28日特價6500日元。)
http://www.fujiq.jp/tw/
你照係佢個官網訂巴士來回車票位就得，臨玩之前一日才上去取套票，可以上到去才同佢講話要QPACK套票。
巴士來回車票3400日元，QPACK套票7300日元(2014年2月28日前QPACK套票6500日元。)
去到富士急落車後你會見到條人龍，你千奇唔好排隊，因為這條人龍是買門票的，你照人龍方向行，就可以直接入場，最好第一時間買快証，因為可能會等好耐。
富士急既快証叫絕叫優先卷，你入場後直入一間精品店，入便有得買，冇記錯係1千日元一張，每人最多只可以買4張。
同埋，千奇唔好遲上車，我就係因為玩而MISS左班車，臨場又所有巴士都冇車票買，搞到要搭鐵路，好夜先返到新宿。
就算你訂了來回時間，去取車票時，如果佢有車票未賣，仍然可以除時更改時間。
租了部4G上網router.
一個人的房間。
一日山手線乘車卷。
上網訂了車票後，要在這裡開門行上二機取票
這裡是去富士急遊樂場搭巴士的地方，通常會有三個上車點，要當日問職員才知是那一個站。
這個便是特價的海報。
玩遊戲最好買快証，還要早些小買，因為好快會賣哂，我當日就買唔到！
CHING一個人隻身去日本玩? 果真佩服!{:6_193:} ctmk 發表於 2014-2-9 18:30 static/image/common/back.gif
CHING一個人隻身去日本玩? 果真佩服!
第一日自己一個人有小小孤獨感覺，但第二日已經好享受，
而家往事只能回味！{:1_332:} 佩服ching{:6_193:} 你真係好享受今次經歷 {:6_195:}{:6_195:} 多謝分享！ 希望加稅前可以走轉啦{:6_125:} 十分好推介, 謝謝!
頁:
[1]