先拔頭籌: FIIO X5 開箱啦喂!
廢話少講...去圖...今日好開心, 又有新玩具啦~
聽感遲D先講...想中肯D, 而加太興奮啦~ 本帖最後由 muffy 於 2014-1-25 10:33 編輯
24/1: 剛剛開箱, 過度興奮聽感 (不能作準)
首先對於免費送既禮物有點兒O嘴...好似送得多左小小, 雖然話禮多人不怪...
連TEE都送埋呢下真係好野, 唔通想我著住佢自拍放落開箱文....
講少少流程, 由前日訂, 去到今日就收貨, 速度都滿意 (多謝朋友既幫忙), 我性格係絕對無可能等到三月行貨出, 所以冒險一試!
部機造工真係好得, 聲音亦同之前大家劣評既工程版好唔同, 我收貨
部機同IPC差唔多大, 但比IPC都重左唔少
雙插卡設計非常好, 個蓋好緊, 至於個UI...我真係想強調, 真係好鬼得!
首先完全無大陸既味道, 而比起X3根本係兩回事
個無火煮食爐轉盤好順暢, 揀歌好爽快!
呢部機完全改變左我對FIIO呢個品牌既印象, 加左好多分!
至於聲音初步已經肯定大勝X3, 三頻幾平均, 聽落順兒, 不過等我煲下先啦
至於MA8既用家門, 相信你地終於多個選擇, 聲音對比我真係未試得真, 但肯定既就係其他方面呢部X5都拋黎唔少
暫時手上既耳機都唔會話唔夾, 兼容度我大膽地講, 應該比起MA8好唔少
多謝收看, 希望runin一段時間後可以分享多D聲音
25/1: 冷靜番落黎, 小小添加評論
因為琴晚無時間所以只係開住黎runin, 連接埋部385
講下電力先, 時間關係未能試得好徹底, 不過連續播左8個小時, 都係無左兩格電 (total 5格)
持航力有小小驚喜!
另外如果大家有興趣我會建議你地買埋個2A充電器, 因為官方說明書話唔建議用USB連接電腦充, 話要8-9小時
如果用2A充電器就220分鐘會充滿
我無聊試左, 今次部X5好似唔可以PO+LO一齊用, 即係連接左AMP, 佢既PO就被禁止使用 (之前部X3可以插曬兩個洞)
好啦, 最後講多小小聲音, 我主要用對Noble 6+原裝線黎聽
佢PO分析力幾高下, 聲音有小小衝, 分離度都做得唔錯, 低頻都有量, 人聲不過不失, 我覺得整體黎講聲音幾平衡下, 唔會話有某頻特別搶
至於推力就非常強! 佢volumn有120格, 我推N6用H gain, 都係40/120左右, 推HD25就去到65/120, 相信可以處理到大部分既隨身裝備
至於LO, 對比X3MOD更好, 但未去到令人好驚喜既地步, 不過幾平均, 呢度我真係要進一步測試下
最後我發現自己唔記得講配件...除左說明書, 黑色膠套, 充電線呢D機本野, 佢好細心地送左3個3.5MM防塵塞, 呢度我加左好多分! 而加LO同coaxial洞口都被封印哈哈! 另外重有條USB轉micro USB線, 咁如果大家得USB-USB都可以過歌+充電
我覺得FIIO真係有從用家既角度去思考過, 希望其他大品牌係不停推出貴價DAP既同事都可以做到佢咁細心啦!
分享完畢 搶頭位！
無火煮食新概念！
(Post76 Android 手機版送出) domikase 發表於 2014-1-24 16:40 static/image/common/back.gif
搶頭位！
無火煮食新概念！
(Post76 Android 手機版送出)
師兄你係得既!
其實我都覺得好鬼似...但用落個UI超得
根本唔似大陸野 咁得？{:9_428:} 原明 發表於 2014-1-24 16:52 static/image/common/back.gif
咁得？
以呢個3K有找既價錢, 真係好得
相信唔少大品牌都會開始頭痕... Looking good!
finally another high quality DAP to choose from!!! celtic 發表於 2014-1-24 17:07 static/image/common/back.gif
Looking good!
finally another high quality DAP to choose from!!!
Yup it is defiinitely one of the choices recently...
Just that Ak240 is a bit expensive and Calyx m has no news... X5 真想聽下，昨晚去 ssp 見唔到有show 出來...... t1174 發表於 2014-1-24 17:15 static/image/common/back.gif
X5 真想聽下，昨晚去 ssp 見唔到有show 出來......
據我所知市面有幾個地方都有得試
不過好多都係舊版黎, 評論一般, 我訂完都聽過, 差D未開箱就放
但而加手上呢部好好, 聲音改善唔少
不過大家都係耳聽為實啦!