J J 小評 新舊片大雜燴 (含內容)
本帖最後由 lkljason 於 2014-1-23 11:15 編輯神探伽俐略2 真夏方程式
唔嫌節奏慢d同想睇下靚仔褔山雅治可以一看，個人覺得無”嫌疑犯X的獻身” 咁好睇，可能少左個堤真一同佢勢均力敵既對手，所以太過一面倒略遜色，故仔尚算過得去，不過千其唔好抱咁大期望。
http://blog-imgs-58-origin.fc2.com/m/a/s/mashabros26/galileohk.jpg
極樂帝國 2154 Elysium
戲院上時影評一般，所以未有抽空去睇，睇完後無想像中咁差，個人覺得娛樂性都ok添，其實貧富懸殊加科幻呢個配搭真係無得輸，但奈何套戲犯駁位都唔小，結局亦都比較兒戲，所以口碑唔太好係正路，不過唔太執著呢點純當爆米花電影黎睇我覺得都唔錯。
http://hd.stheadline.com/movie/images/img_201308291828242207_7_cover245.jpg
索女•重炮•神經刀
睇戲名已經知道係Cult片，唔夠索女 喪 C 機關槍玩得盡，三步曲黎講上集因為未睇無得比較，鐘意呢類型既片應該都會收貨，唔鐘意既朋友相信唔會頂得順超過10分鐘。
http://movie.now.com/images2/Movie/9106/MacheteKills_b.jpg
盜海狙擊 Captain Phillips
湯漢斯主演既"盜海狙擊"，係以索馬里海盜真人真事改篇，成套戲叫做做到緊張剌激無乜冷場，不過千其唔好比個戲名呃到，以為動作連連阿老湯一打七既Rambo，佢只係做返一個負責任既船長，套戲主要以文戲為主，船長最後當然係無事救得翻啦，如果唔係都憶述唔翻成個故仔比人改篇！不過成套戲你可能擔心個海盜多過個船長~~~~一笑！
http://wmoov.com/assets/movie/photo/201309/CaptainPhillips_HKPoster_1379078624.jpg
時凶獵殺 Looper
時空交錯既電影最怕犯駁位，因為現代同未來互相影響，一個唔為意就臭蟲滿載。呢套戲除左兩個男主角較有號召力外，我覺得都幾低成本制作，而好唔好睇就好取決於故仔。其實個故事唔算太覆雜，故仔講因果循環有d禪味，不過略嫌佢拖得長左d有點兒悶場，如果濃縮d可能更好，聽講大陸票房都唔錯，唔知關唔關上海取景事呢？
http://www.moviehk.com/sites/default/files/Image00001_85.jpg
簡而清，初時都睇漏眼，盜海狙擊真係幾正
頁:
[1]