國務院開綠燈~次世代主機有望進軍內地~老任股價造好
本帖最後由 @肥狗仔@ 於 2014-1-9 11:47 編輯中國國務院喺2000年基於國外遊戲可能影響內地青年人心智為由，頒布禁制令禁止國外遊戲主機引進。14年後嘅今日，根據reuters報導，有關當局早前決定暫時取消禁制令，容許好似Sony, M$,老任哩類外資公司在上海專屬經濟區立足，並將主機行銷全國。
對於哩舊價值830億人民幣的"肥豬肉"，唔少遊戲廠商老早就虎視眈眈，特別係任天堂。近期佢旗下嘅WiiU主機銷情真係用個{:6_194:} 勝過千言萬語。第三方幾乎全面撤軍之餘，其花左11個月達成的三百幾萬銷量經過年末商戰一役，已經被PS4以6個星期賣出四百二十萬台的銷售紀錄輕鬆打破，被XBO迎頭趕上亦都係遲早問題。如今眼前突然撲出一片大綠洲，老任嘅次世代主機(?)還有佢嘅馬里奧究竟可以喺內地市場食到幾多金幣實在係難以預測。不過市場人士貌似對此十分睇好，BBC最近就報導自遊戲機禁制令取消的消息公佈之後，任天堂在東京交易所的股價狂升11%達到15,850日元。
事實上老任的如意算盤打得響唔響仲視乎其他因素，上年十月就有報導指SONY在內地註冊了"Sony Entertainment Network"的簡體中文服務，可能係PS4推出內地行貨的先兆。就算缺少同行競爭，中國遊戲市場經歷14年嘅閉關自守，本土網遊早就統治三分二市場份額，當中仲未計無數咁多嘅山寨貨。中國地大脈博機遇處處，亦隨時風雲色變。若果他日有幸喺大陸見到老任主機行貨，個人希望除咗馬里奧家族相關遊戲之外仲會有其他選擇...
希望大廠重視中國市場出多 D 中文版遊戲，我地變相都受惠到
(Post76 Android 手機版送出) 我看大6係玩PC game多, 而要玩PS/Xbox/Wii的人一早有方法, 我估受惠有限了. lego_cyris 發表於 2014-1-9 13:12 static/image/common/back.gif
希望大廠重視中國市場出多 D 中文版遊戲，我地變相都受惠到
(Post76 Android 手機版送出) ...
我就係怕佢出殘體字....我情願睇英文。 大陸之前以公佈左有XBO，仲有大陸版遊戲，
不過我D大陸朋友都係果句:「唔買大陸版」，正如IPHONE一樣，佢地都係鐘意買港版。
頁:
[1]