快人一步 ”救火英雄” J J 小評 (含內容)
本帖最後由 lkljason 於 2013-12-27 11:19 編輯無幾可優先場先睹為快，梗係第一時間同大家分享下，講關於消防員既港產電影，相信大家第一時間都會諗起 ”十萬火急”，而較近期既代表就有韓國代表既 ”火海108” 同廣州合拍代表既 “逃出生天” ，雖然呢套大部份都係香港演員，但故事係講廣州消防員，所以不列入香港代表內。而我本人對 “救火英雄” 係有期望，所以標準會較為手緊一D。
其實大部份火災片來來去去都係果幾種原素，所以故事大多大同小異，包括有小朋友、父子 (女) 情、兄弟情、自私既人、消防員新仔……等等，之後某d原因，不同既人物聚集o係火災既地方，所以拍得好唔好睇真係要睇下拍得緊唔緊張，人物關系刻畫得好唔好，火災同救人場面夠唔夠真實，呢套 ”救火英雄” 開始到中段真心覺得拍得唔錯，心諗呢次掂啦，香港代表終於有套似樣既消防員電影，而呢套戲以上所講既原素佢大部份都有齊，但我個人覺得結尾果場戲略嫌拖得太長，將之前既緊張感瞬間冷卻，呢度令我扣唔小分，而霆鋒呢次我覺得佢既表現係有d失手，由開場到結尾都係果個慘樣，可能係角色所限，硬係覺得如果霆鋒做余文樂既角色可能會更好。而胡軍同任達華呢d好戲之人就唔使講，好彩有佢地撐場。呢套係英皇電影，所以直插式既英皇演員你預左。
總結：一套唔可以話唔好睇既戲，但你話非睇不可咩我又唔講得，如果要我講係香港代表，個人覺得仍未能能夠超越 ”十萬火急” ，不過聖誕假期大片欠丰，呢套不失為一套應節既選擇，點應節？話晒套戲都係發生o係平安夜嘛，當然你唔好介意大時大節又死人又菻樓啦！同埋仲有颱風好似對呢次火災無乜影響，唔通係無乜budget所以輕輕帶過就算？仲有其實最後霆鋒究竟有無死呢？對我黎講係一個迷！
係！唔知點解無也大片…外國片都係…{:6_146:}呢套都算有試意… 可能留返農曆年，估計今年港產賀歲片應該會佔一席位掛
可能但過年仲忙…{:6_168:}{:6_231:}{:6_232:} 正, 好想快D可以睇呀!!!!
頁:
[1]