受托充當婚禮攝影師.........~_~
話說, 小弟 12月會一家大小去美國出席老婆表妹既婚禮, 其間, 新娘子竟然唔怕屎叫小弟充當正手攝影師....小弟絕對未做過類似event, 依家臨急抱佛腳, 想向各師兄學習一下, 希望大家可以比多d意見, setting同設備上應該如何處理呢!!!事關, 我真係有d拗底~~~~{:1_333:} 恭喜你老婆表妹先,
咁既情況, 鏡頭要預有最少有28mm-70mm(FF 機計),
而最重要係電池, 包括閃燈同相機, 因為大量工作時, 冇電你有時換唔切, 閃燈回電唔夠快又係問題,
setting 分日影同教堂同晚宴, 教堂就要留意白色婚紗同白色背景, 好容易出現測錯光, 面會under左, 夜晚就係支燈最重要, 隨機應變, 早d到現場試下燈咁喇
記憶咭就唔使講都知要快同夠用, 有時續幾張時發現原來仲未寫完, 要等就有機會錯過了一些重要時刻.
我知就係咁多, 諗到再話你知! THX LOPO兄既分享, 好實戰呀~~~
MANY THX~~~ 幫人影過婚禮 (去飲唔駛做人情.........典型 "呃飯食" {:6_136:}), 發覺有啲地方一定要注意
一定要預先到場地了解光源
無光就無影像, 所以光係最重要既~ 預早到達場地, 了解一下場地光源既特性 (自然光 vs 燈光, 方向, 強弱, 邊喥夠光, 邊喥唔夠), 並且試影一下, 可以令你預早對於取景及補光有一個概念 ; 婚禮一開始, 好多野都無得 take 2, 要一下決勝負!! 及早預備, 諗好點影, 同埋放好器材 (例如副燈 / 反光板), 勝於到時 "拿手唔成世"
一定要有一支主燈 + 一支副燈 + 一塊偏光鏡 / 減光鏡 + 至少兩塊反光板
結婚地方一定大 (教堂又好, 花園又好, 酒樓 / 酒店又好), 好多時除咗要確保主角 (人物) 夠光之外, 背景都唔可以忽略~ 好多人第一次影婚禮, 由於淨係掛住遷就人物, 而搞到背景 under 咗 (室內 / 夜間時最常見) 或 over 咗 (室外 / 日間時最常見)~
另一個常見問題就係, 有啲影師以為閃光打 bounce 就可以完美解決光線不均勻既問題 ; 然而, 教堂 / 禮堂等地方, 往往樓底好高 (可以有三四層樓), 打 bounce 有難度........ 即使打到, 都可能會好弱~ 呢種情況下, 寧願利用閃光燈 + 反光板互相配合, 以反射盡量將場景光 / 閃光打散, 達至均勻 (所以都係嗰句, 一定要預早去地方視察, 好重要!)
閃燈加柔光罩. 係有一定幫助 ; 但始終改變唔到方向性既問題~ 所以千祈唔好懶, 好好利用副燈及反光板補光~
偏光鏡可以將過強既光線對比減低, 光差太大時, 可以用得上~ 同時佢亦可以當作減光鏡咁用 ~ 如果有的話, 不妨帶埋去~
一定要安排一位助手
就算你有三頭六臂, 都無可能拎住相機喺一個位置影相既同時, 又喺另一個位置拎住反光板 / 副燈補光~ 如果吓吓要等你放置反光板 / 副燈, 先至可以影幾張相的話......可能會阻慢婚禮既進行~ 所以, 助手絕對不可不備~
白色婚紗既處理
上面既師兄已經提過, 不再重述~
記憶問題
即使你有用 wallet, 都至少要有三張記憶咭 ; wallet 一定要確保夠電
最好影 RAW
萬一事後發現曝光錯咗, 都仲有得救
事前要同副影師溝通
預早夾好各自既負責範圍, 以免有所誤會 ; 大好日子, 如果因為合作上既問題而鬧出不愉快的話, 就太唔值嘞~ 本帖最後由 ahnel 於 2009-8-13 17:54 編輯
1.一定要同主人家溝通好，知道佢地想要d咩相。有一次我幫friend影佢冇請外面攝影師，但係就有4個friend幫佢影，最後影大合照果陣其餘3個唔見左人，最後我要頂埋。所以事先溝通最緊要。
2.要了解場地，你去到美國禁遠都冇辦法預先了解嫁喇，最好就係早d去到，一去到就搵個人試吓d角度呀setting呀之類o既野。
3.去到你一定要話比人知你係攝影師，最好掛個牌(唔係講笑嫁)。因為家陣數碼相機發達，每人都有一部。有時影張大合照之嘛你身邊隨時有十部相機兩部dv同你同一時間影。最慘就係被人影果d都唔知望邊部機好，最後一張大合照就個個都唔知係望左去邊，你話到時點交功課。所以你係有必要話比你身邊d人知你係攝影師你係要交功課果個而佢地唔係。所以呢盡量著d鮮色衫去，仲要影大合照果陣就舉高手大聲叫 “好喇望望lee邊先，黎一二”就按shutter影。
4.影大合照緊記要影連拍兩張，因為實有人合埋左眼，有兩張都有得揀吓。
5.唔知你會唔會影教堂喇，影教室真係最好用raw，因為教堂d燈光真係好複雜，由其是d七彩玻璃，試過一次影jpeg番黎執到暈低都搞唔掂，差d交唔到功課。
6.如果可以的話幫手出聲搞吓氣氛，如果新人一碌葛錦企響度，你點影d相都好難interesting，相反佢地action多，你求其影張相都會變得有睇頭。
7.如果得你一個影，一支standard zoom加支燈加張bounce咭就算喇。因為得一個人好難影到d咩出樣(除非你係導演啦hehe)，你用支長鏡或者大光圈snap snap吓就會有d姨媽姑姐叫你 “黎黎黎攝影師哥哥，幫我同阿b女影番張相先”，錦你到時轉鏡都轉唔切。
8.電同埋咭係好緊要啦，有後備機就更好啦(廢話)。最好就係響d緊要時刻例如交換戒指呀開頭紗咀咀呀之前望一望夠唔夠memory同埋閃光燈有冇電，如果響lee d時間先出事就真係踢腳。
9.可接受o既情況下推高少少ISO，由其是室內要吸現場光。多少少noise唔緊要，最緊要唔好blur。你影到個好表情，多noise咪當effect囉。
10.之前一晚真係要夠休息，對於我地lee d非專業人士，影一次結婚相都真係幾攰吓。
11.唔好比太大壓力自己去影，結婚係開心事，一張清清楚楚o既記錄相佢地睇番都會好開心，總之放鬆d盡量發揮啦。 本帖最後由 ckman0302 於 2009-8-12 12:58 編輯
小瑟兄,你睇下有冇用 轉貼: 婚禮攝影技巧大公開! http://www.mobile01.com/topicdetail.php?f=257&t=489154 (影像 從心)提昇您的婚禮攝影層次http://www.mobile01.com/topicdetail.php?f=257&t=491725t=491725 再來分享婚禮攝影心得http://www.mobile01.com/topicdetail.php?f=257&t=493226 以我的步調，走自己的攝影之路Part IIhttp://www.mobile01.com/topicdetail.php?f=257&t=730310 [小惡魔的攝影教室]紀錄幸福的瞬間（隨談分享） http://www.mobile01.com/topicdetail.php?f=257&t=749950 Ching 好詳細,
有關燈光有一點補充, 我見好多ching二層樓高樓底都用bounce,(仲唔加其他) 我好唔明...
其實在燈頭上加個散射罩已經改善好多,
不過最重要係支燈要夠力, 正所謂一吋長, 一吋强. 同時有人有power supply最好借用, 回電快好多倍.
仲有, 相機性能同可信性, 以前我怕部機出事而影唔到, 會帶多部做後備, 以防萬一. 3# 小瑟
唔好客氣, 最緊要有用 好正.
>> 4.影大合照緊記要影連拍兩張，因為實有人合埋左眼，有兩張都有得揀吓。
呢點都幾重要. 上次我都發覺幾多相影得唔錯. 但原來總有人係合眼. >> 美國出席老婆表妹既婚禮
除0左預早去教堂現場試下d setting, 諗下點影. 最好了解下婚禮進行中比唔比影. 上次我去關島婚禮進行中係唔比影相.