jastudio 發表於 2014-1-4 16:35 static/image/common/back.gif
都系多得ching你介绍整流膽
(Post76 Android 手機版送出)
到咁應該差唔多。。再攪就係升級了。。。但師兄好似用緊最貴既電阻電容。。。啫係可以聽過世了
恭喜恭喜
(Post76 Android 手機版送出)
本帖最後由 jastudio 於 2014-1-4 16:58 編輯
schmike 發表於 2014-1-4 16:45 static/image/common/back.gif
到咁應該差唔多。。再攪就係升級了。。。但師兄好似用緊最貴既電阻電容。。。啫係可以聽過世了
恭喜恭喜
...
多谢ching...吾知架。。。可能到时又新出多D補品呢, 又或者并多隻0.01银膜。。。{:1_344:}
(Post76 Android 手機版送出)
弓喜師兄開聲大吉大利^^
jastudio 發表於 2014-1-4 16:35 static/image/common/back.gif
都系多得ching你介绍整流膽
(Post76 Android 手機版送出)
可以順便出埋聽感報告. {:1_351:}
ADA 發表於 2014-1-4 18:16 static/image/common/back.gif
可以順便出埋聽感報告.
今晚回家系电脑打,详细D
(Post76 Android 手機版送出)
zoneaudio 發表於 2014-1-4 17:18 static/image/common/back.gif
弓喜師兄開聲大吉大利^^
ching 你系咪打算做多次2A3去推你對3/5? 等你出帖啊{:6_184:}
(Post76 Android 手機版送出)
本帖最後由 jastudio 於 2014-1-6 15:05 編輯
300B 聽感報告：
本來自己整既機器，自己講番真係唔好意思。不過想真d，部機由最初構思，電路，選膽，各項大大小小7日24小時技術支援等等，一路都有各ching比意見呢部機先出到世，煩左各位一段好長既時間， 唔講下真係對唔住各位ching。。。{:6_195:}
最初上電，我用的是桂光4300B。此膽火氣稍燥。聽耐左會覺得累有 hearing fatigue。。。之後記起ching 提過既網屏，買左返黎開聲幼細順耳。再換埋吊燈絲整流膽之後，聽上去既感覺系完全唔同的，不期然成個人坐直左黎聽！常聽人說換整流膽如換機效果，是可能有點誇張，但聲音的改變真係無花假。令我覺得，玩膽機換線，倒不如換整流。更換不同整流膽更會在音場深度闊度，韻味，以及高中低各方面得到不同的效果。
再講下去，無野去比較好難形容。但又想避免同廠機比較；不如就跟之前同樣系小弟做個部超線性單端EL34比較下：
需然話EL34超線性接法有大概9-11W，推屋企對89db Mezzo6 都唔覺腳軟，但系直熱既300B（8-10W，我估我部無10W...）聽落真係食飽飯好多。尤其聽低頻上既滿足度，兩部機一比較之下，不知是否線路不同，EL34陰極電容系用100uf silmic的，低音系枕出黎，無甘實淨，而300B最終方案是每聲道陰極並2隻47uf sprague, 估唔到 300B既低音系可以填滿4百幾尺客廳的，低音線條亦都刻畫清晰，double bass既低頻彈跳力更系subwoofer不能及的。真系想試下用BG做陰極，可惜已經絕種。。。小弟特燈試過用300b去梯Pacific Rim 其中一兩段（捍戰太平洋-超巨型機械人開片）低音一d唔失禮。當然唔夠subwoofer低音震撼地動山搖，但低頻量都足夠令個廳震，下潛深，令小弟看得非常投入。原本以為原子粒機低音先飽滿, 而家我信300B都可以做到。而且我發覺，唔知系咪使用整流膽既關係，低音既線條同發聲既方法都有別於我部EL34（原子粒整流）及一般原子粒機，好特別。
中頻，人聲方面，好像是EL34發聲的強項，可能我用的300B膽唔夠靚？EL34的人聲聽起來真的比較悅耳！人聲在34發聲好似有電腦EQ修飾過甘樣，有一種牽引力，這也可能是有些ching會喜歡34的原因（小弟也非常喜歡EL34的中頻）。300B人聲唔系唔好聽，反而我覺得佢很忠實反映聲音。而且中頻既動態，堂音，都比34實在，臨場感也很好。蔡琴姐姐的一段聽青蛙聲及表達寧靜的背景與蟬聲的對比，300B在此項就比34好。。。在這兩部機狹窄既聆聽經驗得出既結論系：34系好像修飾過的聲音好像棉花糖帶點黏黏的由其女聲，唔好聽也會被它變成好聽。300B就比較真實，都唔乾，音質細緻，還原度亦比較高。
高音黎講，300B是強項。聽34的高音，古典樂，短笛高音，叮叮查查聲，系得d高音，高音亦夠幼細。。。但聽300B同一首歌既高音，通透得黎系有Body的，系多一點空氣感的， 會覺得個三角鈴真係系度敲緊，個銅查查系度震，支笛真係表達到有空氣系管身入面既流動。。。
整體黎講，整部機既音色表現，是膽，線路及輸出牛等既配合出黎。我覺得呢部300B既高低頻比34都去得盡。頻響比較線性，不會覺得某個音域會陷下去的感覺。
一來用膽不同；二來輸出牛試新廠，用料也很滿意；三來電路由高手ching比意見調整。部機已達令小弟十分滿意既程度。{:6_210:}
講左甘多，都只系同屋企部機比較，講到幾好幾好都系閉門造車。。。出到去聽人地d機比較，可能立即被PK掉，只不過由於系自己DIY，自我感覺良好而已{:6_203:}
備註：此期間，小弟用既配件盡量普通，唔希望配件加以獨特音色入去。以下列出以供參考。
fuse：瓷管鍍金fuse，無鉑金，無冷凍，無古河。二幾蚊
電線：Belden 配MK鍍金頭。系兩個頭貴d，共5-600蚊
喇叭線： 好耐以前買既SSP金銀色銅線 ，唔係金銀潤，系金銀色咋（20蚊一 米個d）；配雜麥頭。200以內。
本帖最後由 jastudio 於 2014-1-6 14:48 編輯
多謝各位大佬比分！{:6_195:}
補充一句，需然小弟燈絲整流後就供比300B，但如果各位ching砌300B想玩盡d，做直流燈絲再加穩壓，就記得買牛要預多兩組7.5V（2A） 輸出比兩邊300B燈絲穩壓，如用6SN7需要一組6.3V。。。然後整流膽就看各位喜歡玩什麼膽而決定用5定6.3v。。。
然後整流膽就看各位喜歡玩什麼膽而決定用5定6.3v...
重有4V的整流膽都好正.
ADA 發表於 2014-1-6 16:54 static/image/common/back.gif
重有4V的整流膽都好正.
啊？ ching舉個例用什麼整流膽吧！
