《食人大鷲TRICO》發售無期~上田文人感到非常抱歉
上田文人的作品以獨特的玩法及藝術風一直以來深受玩家及製作人喜愛，所以其帶領之開發團隊Team ICO的第三部作品《食人大鷲TRICO》(TRICO)自然相當引人關注。不過事實係，有關作品從PS3初期公佈到現在PS4推出仍然未見曙光，即使SCE多翻闢謠及澄稱遊戲未曾爛尾。但隨著上田文人上年離開Team ICO變為自由生，官方公佈的遊戲資訊又愈黎愈少，這部曾經的大作逐漸成為傳說。對於遊戲開發8年之久，上田文人早前就透過EDGE向玩家講咗聲"唔好意思"。
被EDGE問到長達8年的開發，作為一個製作人其背負幾多期望嘅時候，上田無奈表示除咗發售日之外，我只可以向大家講"唔好意思，要大家等咁耐"。上田提到在萬長的開發週期，唯一可以維持製作組的熱情就係對更高品質的追求。但基於製作時間，不單止上田，就連其他製作人都加快開發效率，包括忽略一些細節。同時佢又指自己在本作創意總監一職上的工作已經結束，餘下時間就會專注在一些雜項及自己興趣上面。至於遊戲幾時發售，上田就將個波推俾SCE，聲稱自己無權干涉。
關於點解要辭職，上田的答法非常籠統，總括就係"人望高處"。不過毫無疑問，無論哩位日本鬼才製作人會否離開佢嘅"母校"，只要TRICO繼續延期，遊戲的人氣就會每況愈下。早前吉田修平在PS4首發活動中表示自己最近玩過該遊戲，只係唔記得用DS3定DS4手制玩。言論引起業界猜測本作的開發工作已經幾近完成並鐵定會登陸PS4，或者同時在PS3及PS4上面推出。PS4岩岩發售無耐，對於本年的年末商戰大可以利用其主機的新鮮感及品牌效應作招來。但到咗出年同樣時間，新一批的獨佔遊戲陣容係必不可少。喺《Uncharted》等3A級獨佔大作極可能缺席的情況下，貌似哩隻《食人大鷲TRICO》屆時會成為PS4殺手鐧的不二之選，前題係真係出得到。{:1_352:}
唉～我等咗好耐
頁:
[1]