20150204 Tiffany@Incheon Airport
lamwaikit007 發表於 2015-2-6 00:32 static/image/common/back.gif
http://facepop.nextmedia.com/realtime/news/20150205/53408390
對腳真係冇得頂....
pork-bun 發表於 2015-2-6 06:17 static/image/common/back.gif
20150204 Tiffany@Incheon Airport
好靚女喎 {:8_372:}
(Post76 Android 手機版送出)
150206 ME!雜誌採訪內容
Jessica 自己話事
韓國女團多如繁星，大抵市場太激烈，自然要靠人多勢眾，多雙長腿幫手站台點都着數啲嘅！人氣韓星 Jessica（鄭秀妍）卻逆市而行，去年退出天團少女時代，單飛後以個人眼鏡品牌 BLANC& ECLARE創作總監姿態出擊，更拍住細妹 Krystal拍真人騷賺人氣，愈戰愈勇！「個人發展後，我可以真正做番自己，選擇自己喜歡的工作……依家我手頭上有好多工作，但唔可以透露咁多，只可以話你知我睇緊一啲劇本！於我來說，中國是一個很大的市場……我有好多計劃，相當享受呢個 moment！」她以一副活得比從前快樂的姿態話你知，依家進攻退守自己話事，滿腹大計！重要是， 25歲少女，前面仲有大把選擇！
我忙到飛起
訪問當日， Jessica剛由夏威夷旅行回來，曬黑了，卻笑得燦爛，似乎之前的退團風波，已事過境遷，當中是非，依然是個謎，前塵往事，她經理人早講明唔想再提。 OK！過氣新聞亦冇深究必要，反而想知，從團體到單飛，九人變一人，慣唔慣？
「凡事都有好壞的一面，依家我忙到飛起！自創立品牌開始，就同所有老闆一樣，工作雖然可以自己話事，想放假就放，但責任大咗，反而比以前更大壓力！」咁又係，冇咗大樹遮蔭，自負盈虧下，當然要特別上心。
「我覺得自己好幸運，可以做自己喜歡的工作，不論是演藝工作，還是成立個人品牌，對我都同樣重要。其實好多 artist都有雙重身份，重要是如何管理時間，我感激身邊有很優秀的團隊幫我！
「眼鏡品牌才剛起步，即又推出了圍巾系列，嚟緊仲會有香水等其他產品……」一講起時裝生意，就停唔到口，之後有冇諗過專注做老闆娘？
「絕對唔會顧此失彼！我好鍾意唱歌，依家仲睇緊劇本，不過暫時唔可以透露咁多。」咁神秘？之前訪問時你提過想同王家衞合作，有意打入國際？
「我期待開拓不同國家的市場，我很慶幸自己在美國長大，流利的英語，有利我事業發展。」初生之犢目光當然唔會局限在韓國，目標夠清晰兼國際化。 Jessica仲話自己係番書女，最愛接觸唔同文化同周圍去。
「就好似自家品牌嘅每副太陽眼鏡，都用自己喜歡的城市命名，例如貓眼鏡代表了法國，同樣 chic嘛！香港就係 aviator款，我細細個睇好多香港電影，俾我感覺好有型！」開口埋口講生意，知你事業心重喇！
男友一定要專一
唔講唔知， Jessica曾被美國電影網站 TC Candler選為「 2012世界最美臉蛋」排行榜中第五位，位列亞洲女星第一……咁當然，靚向來各花入各眼，對於被譽為亞洲第一美人， Jessica笑得開懷。
「很多謝有人這樣稱呼我，我覺得還有很多人比我漂亮！其實我覺得美是來自內在的，心善則美。（你覺得自己最靚邊部份？）額頭吧，哈哈！」此時目光不禁聚焦在她額頭上……一時反應不來！
「好多人都知我係一個鞋癡，我細細個時，曾經諗過大個要嫁給一個賣鞋的。」兒時想法當然唔可以當真，女大十八變，今日的要求已不可同日而語。不過韓國女星講起感情都係……例牌封口。唔講愛情，透露吓心目中的 Mr. Right要求都得啩！
「一定要專一！無論甚麼時候，都要在我身邊，分享我的開心與難過。仲要聰明、幽默、口才好同有魅力……最緊要知道點引我笑！」唔……這個完美情人，唔知係咪講緊傳聞中的富商 K先生呢！
很欣賞媽媽
我知我知，話咗唔講感情事，咁講姊妹情冇問題啦！有「冰公主」之稱的 Jessica，向來被傳高傲難親近，更傳被其他少女時代隊員排擠……
「我係比較怕醜，危機意識比較低，不善辭令嘅我，好多時都會選擇少數服從多數，依家學習緊外向同 talkative啲。」嗱！就當日訪問睇， Jessica的確比較慢熱，但人前人後都相當有禮貌㗎！計我話，怕醜都係睇對象，早前同細妹 Krystal一齊拍真人騷時，不知幾健談。
「跟細妹工作好開心，我哋都好鍾意食嘢，成日一坐埋就講食經，發掘新餐廳。」咁夾，有冇諗住姊妹檔拍住上再組女團？
「將來嘅事，甚麼都有可能發生，好難講實。不過做咩都要 step by step，像當初我創立品牌時也沒想太多，因鍾意太陽眼鏡，就由草圖畫起，繼而就諗襯咩鏡框同顏色，之後品牌就逐漸成形了。所以如果將來時機到， why not？」的確，將來事冇人知，就正如 Jessica當初在韓國街頭被星探發掘，同樣是她意料之外。
「我相信如果我唔係入咗娛樂圈，今日好可能已是一名時裝設計師了。我自細已經受媽媽影響，她是一位很 elegant的女士，我很欣賞她！旅行時也特別喜歡留意周遭人的打扮，我發現歐洲人著衫比較 colorful，而亞洲人就鍾意貼身設計，對我的眼鏡設計有很大的啟發。」講起時裝就停唔到口，就知佢有幾熱愛，相信連她也想不到十二歲進入 SM娛樂公司後，轉眼竟當了七年練習生。
「仲記得嗰時一放學、放假就去公司練習，像參加課外活動般，哈哈。不過我信所有事都係環環相扣的，有過去，先有今日坐在這裡被訪問的機會。」想不到，年紀輕輕，已練就一副老練口吻！
Cr.ME!雜誌官網
keke323 發表於 2015-2-6 08:57 static/image/common/back.gif
好靚女喎
(Post76 Android 手機版送出)
唔係你估{:9_430:}
ME!有冇實體雜誌？
tiffany+范冰冰
pork-bun 發表於 2015-2-6 17:32 static/image/common/back.gif
tiffany+范冰冰
同一表情，不同感覺
冰冰雖敗猶榮
icefatgirl 發表於 2015-2-6 15:02 static/image/common/back.gif
150206 ME!雜誌採訪內容
Jessica 自己話事
想殺死人咩 {:6_157:}
(Post76 Android 手機版送出)
pork-bun 發表於 2015-2-6 16:17 static/image/common/back.gif
ME!有冇實體雜誌？
有，買忽然一週附送{:6_236:}
