鬼婆上司，我頂你唔順.....
本帖最後由 Raphael 於 2013-10-31 01:05 編輯返新工一年多，越來越覺得呢間公司，下屬與上司之間周旋，本質上其實等同於仔妹之間拉鋸
美國公司，鬼佬鬼婆特別多，小弟上面件就係鬼婆，年紀同我差唔多，係歐洲鬼
歐洲鬼普遍都高傲過美加鬼（喜歡扮貴族），呢層我未入職之前已經預
反正一年只見條鬼婆一兩次，平日好少會我地頭，我亦唔駛去佢地頭，諗住無乜所謂啦......
成個亞太區都係歸佢，但佢管東南亞及澳紐為主，北亞地區佢好少埋又唔識理，拋低俾我就算叉數
本來一直相安無事
呢半年，佢個地頭條數唔掂，反而北亞就有增長
佢向美國交待唔到，於是就頻頻我地頭，插手北亞既事，意圖向上面邀功，掩蓋南亞及澳紐劣績
OK！你係上司，而且原則上北亞都 under 你，本來我無野好講
但佢令人髮指既行為，搞到我上星期終於忍無可忍，同佢炒大鑊
1) 無同我傾過就亂咁炒我teammate
四個星期前，係公司 Quarter End，埋數。條鬼婆到香港，本來我應該都留香港同佢傾下一條Q plan。點知佢唔夠兩日就駛開我，叫我去廣州 > 台灣 > 日本，足足兩個星期先至返香港。我出發後第三日，香港同事就打電話俾我，話我知條鬼婆用 "表現唔理想" 呢個行到無得再行藉口，炒我下面一個人。我即時打電話搵鬼婆理論，點知佢居然夠膽死，話其實我同事係二五仔，所以要佢走。我問佢有乜證據，佢就話confidential！激到我出煙
2) 又係無同我傾過，就亂咁簽contract
又係我出差期間既事。我出差第二個星期，臨返香港之前兩日，同事又打俾我，話條鬼婆唔聲唔聲，同一本雜誌簽9個專訪既contract，又無乜點講價，又無事先同我傾過，足足駛我半條 Q 既 budget！更離譜既係，佢夠膽死接受對方一年有效期！大帝呀...... 一年九個專訪，邊有咁多話題呀？我返之後即刻搵雜誌方面傾，人地話最多俾多三個月我！到期做唔晒都要照科水！激到我噴火之餘，仲要擔心今條Q唔夠 budget！
3) 條八婆到香港，周圍同人講，話佢澳洲邊點樣撐我，點樣同我爭取最多budget 同自主權，北亞區先至有今日。
又話我點樣感激佢，點樣同佢合作無間，話不論佢決定乜，我都一定 support 佢
4) 兩個月前，我地開慶功party，佢又特登飛香港，不請自來。
到又成日同人講，話係我要求佢過出席；又話佢真係好忙，但佢既 "No. 1 Guy"（頭馬）叫到，無計啦！
影相時，又搭 X 晒膊頭扮friend；影完之後仲叫我同事 send 返相俾佢。以為佢留念之用？錯啦！佢一個屈尾十就send俾佢美國既上司，大吹特吹自己如何受愛戴，仲公司期刊登埋出！
上星期，雜誌單野我忍無可忍，但佢係上司，唯有心平氣和同佢講以後呢種情況最好同我溝通先
佢話，上司無需要向下屬解釋咁多
（我預佢會咁答）我於是就叫佢，上司既然要自行決定，就唔該自行承擔後果，唔聽下屬意見就唔好叫下屬代佢埋單
佢忽然又厚顏無恥地改口，話佢從來都視我係朋友，唔係下屬
仲夠膽死問我：
We are always good friend! Right?
最終我向佢講，過埋CNY我就走人，叫佢開始請人替我，我會十二月之後放大假
再加多句俾佢
You see? I am giving you 3 month prior notice, because we are good friends!
多謝分享{:8_365:} 希望你搵到啱你的快樂工作{:6_149:} 半澤…同我上邊個條差唔多，不過無咁賤…{:6_199:} 東家唔打打西家{:9_436:}ching加油{:8_362:} Ching, 支持你既決定, 加油{:6_236:} ching加油！打工都係人夾人，梯下同呢個上司夾吾夾，好梯彩數。 佢有嚴重精神病WO {:8_370:} ching, 十卜十卜
扮工室就係咁, 我都扮左廿幾年, 滑晒啞了 {:1_333:} 自己開公司啦 支持師兄，加油。
(Post76 Android 手機版送出)
頁:
[1]
2