談打口碟
談打口碟唔知你對上一隻買的鬼佬碟係幾時呢 ? 我就真係好耐都無買了 , 都變了買番中文碟 . 仲要係復刻 , 王傑啊 , Beyond啊 , 徐小鳳......
點解仲買鬼佬碟 ? n年前有朋友仲問我
"鐘意啊嗎"
"鐘意成箱送啤你都得"
"唔拿係啊"友人咩碟都唔買 , 點會有成箱唱片呢 ?
一講之後 , 原來友人的家姐在內地做廢料回收...週不時有成船成船的唱片從外國運到內地...當作廢物回收膠料處置 , 呢d就係打口唱片了
我估呢度的師兄 , 個個都有番咁上下資歷 , 咩叫打口唱片就唔講了 , 但都講下當時的狀況
我記得個時 , 朋友真係送了成箱唱片啤我 (幾十隻) , 佢屋企仲有兩箱 , 個時仲問我要唔要 ? 鬼佬歌他不曉欣賞 , 我記得個時成箱睇落去 , d碟真係同新的差不多一樣 , 有包裝膠紙 , 有貼紙 , 有埋價錢 , 但係好得意 , 每隻cd盒的邊都有一條1cm度的介邊 , 應該係啤機器介的 , 但又無介傷到碟 , 個時覺得好得意 , 就成箱托番屋企聽 , 仲記得個時箱野有唔少好野 , 同時也因呢個機會認識唔少歌手
之後有一次在信和底下一間鋪頭見到同類型碟,一隻賣成三,四十元 , 照樣有人睇, 心惗"唔拿係啊 "
後來試過幾次同朋友去探他家姐 ,我第一次去間廢料廠睇 , 真係o哂嘴 ,數之不盡的唱片 , 真係一箱一箱 !個時d箱用不同顏色包邊 , 有紅 , 有黑 , 有黃 , 有透明 , 後來聽朋友姐講 , 代表入邊唱片的質責 , 紅色就賣得最貴 一箱人民幣一千元度 , 邊個分 ? 佢個時請了兩個大學生part-time黎幫佢分碟 , 兩個人都係音樂發燒友 , 對外國音樂有一定認識 , 但無人工的 , 人工用唱片黎代替 , 每次收工都啤他們拿唱片走 , 但就唔啤他們用袋裝 , 只可以用手拿 ......
我每次去都趁朋友午睡時睇機 , 個時真係覺得時間好珍貴 , 有限時間要睇無數的碟 , 真係睇唔哂 , 仲要只睇紅帶碟... 每次我都滿載回歸 , 真係成個袋裝都裝唔哂, 睇碟時都見過有生意人黎睇碟 , 有些專買古典 , 有此專買搖滾 , 日本的都有 , 反而hip hop , 電子個d無物人會睇 。
要講呢 , 打口的質素真係愈來愈高 , 我記得之後試過成箱都係無打邊的碟 , 真係同你在hmv買的無分別 , 但印上的是外國家樂福的貼紙...
再後期開始有dvd , 也時全新 , 仲之d碟就愈出愈勁 , 質素愈來愈勁 ,
後來我朋友的個位家姐無做了 , 因...發左提早上岸 , 照顧小朋友 , 我也無在拿碟 ~ 鬼佬歌都係上網聽多 , 值得一提上邊提到的其中一位大學生 , 已做了老闆 , 在內地開鋪頭賣打口碟 , 仲有分店 !
但有時去到信和 和 特區 , 都會讚下班老闆的生意頭腦 , 真係將垃圾轉為金錢 , 難怪鋪租咁貴 , 二手唱片店一樣長做長有
試問呢個年代 , 仲邊會有咁多後生仔買碟 , 放碟啊
以下是價錢 , 大家可以參考 , 我唔係做廣告,但大家可以粗略計下信和老闆們靠買碟可以搵幾多 , "成本"又係幾多
1500一箱
http://item.taobao.com/item.htm?spm=a1z10.5.w4002-3233195667.20.sMlvyQ&id=17360454336
599一箱
http://item.taobao.com/item.htm?spm=a1z10.5.w4002-3233195667.35.sMlvyQ&id=22876020997
199一箱
http://item.taobao.com/item.htm?spm=a1z10.5.w4002-3233195667.32.sMlvyQ&id=22875852857
以上是淘寶的貨品 , 1500 , 599 , 199 是已被"分銷商"抽了錢 , 同"家姐"買就不用呢個錢 以前在信和地庫，都有買過一些打口日文single。不過好好時只有單碟冇了隻dvd，所以後期都冇買了。 一向都會在淘寶買打口碟聽, 平均5-10蚊隻, 算係幾抵. 依d打口碟節x賣到六七十蚊隻, 都咪話唔好賺! {:1_352:} 我有個朋友, 好多年前帶我去睇過. 佢地晌汕頭定係汕尾度拆櫃. 一櫃一櫃既打口碟晌度搵人分.
分開D好既同欄既. .跟住再分拆.裡面大多數都係垃圾. 賣唔去既. 但亦不乏一D好野. 一櫃碟裡面有好多部份係好野,
其餘既都係一般. 不過平平地十元八塊都總會有一買. 運到黎香港就賣幾拾蚊. DVD又係. 多到真係嚇死你...............
{:1_336:}不過~以後可能再無呢D打口碟啦. 因為大陸已經禁止左入口呢D垃圾., 以後都搵唔到呢D平碟架啦.
頁:
[1]