Bethesda: "任天堂做咩都已經太遲了..."
用四面楚歌黎形容WiiU現在嘅處境一D都唔誇。game少之餘售價亦唔平,再加上年尾次世代主機面世,導致好多玩家都將哩部任天堂主機由入手名單中剔除。而創造咗Skyrim及Fallout等膾炙人口RPG大作的Bethesda,亦一早將WiiU剔除出開發名單。早在上個月,Bethesda就已經向玩家保證,冇任何一款已公佈的作品會推出WiiU版本。
究竟係咩血海深仇令到Bethesda可以樹起三隻手指與WiiU脫離關係呢,最近Bethesda市場策劃主任Pete Hines就喺GTTV的Bonus Round解答有關疑問。Hines在節目上指出WiiU對第三方遊戲渴求的情況純粹係咎尤自取,因為任天堂本應喺WiiU推出之前就意識到有關問題,但結果佢地冇咁做到。
"要推出一部新主機,你要學SONY及MS咁樣,喺構思新機嘅初期階段已經同Bethesda及Gearbox接觸,聽取我地嘅意見。雖然我地唔係次次都得到滿意嘅答覆,但起碼你要向我地解釋新機嘅概念及計劃,並向我地嘅技術人員進行諮詢。"Hines補充: "任天堂家下先去說服開發商推出WiiU遊戲已經為時已晚。"
睇返Bethesda以往的發行記錄,哩間老牌歐美大廠在任天堂主機的遊戲發行上都係傾向絕緣。所以相信今次Hines的言論並無為WiiU帶黎太大衝擊。不過再睇返EA年尾嘅一大堆王牌作品,好似《Battlefield 4》及《FIFA14》都缺席WiiU年末遊戲陣容,睇黎老任唯一要做嘅唔係鼓勵開發商加盟,而係挽留... 老 係老任個 老 遲D可能好似世嘉甘, WiiU係瑪里奧嘅代言人~ 無辨法, 睇開D啦 !!! {:6_194:}{:6_194:} 日本仔依然故我,太自我中心喇。
(Post76 Android 手機版送出) @肥狗仔@ 發表於 2013-9-4 00:29 static/image/common/back.gif
WiiU係瑪里奧嘅代言人~
自家開發的遊戲又未多到頂得起部主機, WiiU 都有機會是任記主機的末代. {:1_332:} taifat1975 發表於 2013-9-4 15:15 static/image/common/back.gif
自家開發的遊戲又未多到頂得起部主機, WiiU 都有機會是任記主機的末代. ...
嗯~哩家WiiU嘅處境係兩頭唔到岸,佢應付到現階段嘅遊戲運行,但開發商唔想再花資源去研發部機; 佢亦追唔上次世代主機嘅性能。至於雙mon玩法,PS4及XB1嘅smartglass某程度上已經做得到。變相現階段部機個吸引力基本上都落哂去遊戲上。
任天堂自家game唔少,但類型同題材基本上就係某年齡向或者粉絲向。哩家WiiU第一方遊戲陣容我覺得有好多無論係玩法定規模上與3DS唔會有太大分別。我比佢一年出10隻8隻,要吸引核心玩家嘅眼球都係比較困難的。如無意外今次WiiU同當年GC一樣都會好快收工。但以老任的IP,單單係寵物小精靈同瑪里奧已經夠佢賺,話佢會步SEGA後層個人覺得未至於。
頁:
[1]