神谷英樹希望製作3DS版Bayonetta外傳~
本帖最後由 @肥狗仔@ 於 2013-9-4 21:33 編輯日本中堅新力軍PlatinumGames的WiiU處女作《The Wonderful 101》上星期正式推出。雖則話哩款獨佔遊戲通過優秀嘅遊戲性及品質搏得不俗嘅評價，但無奈本作銷量仍然遇上咗滑鐵盧，日本首周銷量只賣出三萬套，為遊戲在本月的歐美發行計劃蒙上陰影。
事實上好似《The Wonderful 101》哩類叫好不叫座的情況相信玩家已經習以為常，特別係日本，你唔難搵到有性格嘅製作人，但要搵一個識得包裝自己嘅就真係難過登天。本作製作人神谷英樹就算係其中一個，早前佢接受IGN訪問時就表示若果有機會，會好樂意製作《The Wonderful 101》續集。當然，神谷的"吹神"本色都唔係浪得虛名，到最後又補多句話自己冇咁嘅計劃，但講到續集，神谷代表作之一 Bayonetta的正統續作《Bayonetta2》就真係鐵定於2014年推出。而根據Siliconera在今年PAX2013的專訪，這個超硬派動作遊戲系列可能仲會有更多後續作品推出。
神谷在接受訪問時講道: "可以的話，我真係想開發一個3DS平台的Bayonetta作品。這是一部以Jeanne為主角的外傳式遊戲。規模不會很大，但可以快速進入遊戲。"值得注意係神谷同時亦表示想做款《大神》外傳，這個難度就比較大了。
硬派動作遊戲例如《Ninja Gaiden》及《God of War》過往都有過登陸手提機的例子，因此Bayonetta要由大電視剝到落小螢幕都唔係"Mission impossible"。只不過究竟Bayonetta系列仲有冇咁可觀嘅可持續發展性，就真係要等到出年先見到真章，若果今次都衰埋，Jeanne的第一次擔正演出可能就要獻俾iPhone了。 幾有睇頭 {:6_193:}{:6_193:}
頁:
[1]