Ultrasone Tio 純文字分享及討論
本帖最後由 斯路 於 2013-8-22 12:53 編輯Ultrasone Tio：被忽略抑或係口味偏？
即使推出左一年，相比起Ultrasone同期推出既IQ，提及Tio既人實在唔多。當初推出時兩隻都有試，同幾位友人一樣都覺得IQ實在係大失所望，都唔知係因為無野推得郁定係真係出左問題，我係IQ無點能夠搵到Ultrasone自家個種特色既表達手法。[補充：最近再試多左次，比印象中好好多，有必要再好好玩多次先。]
反觀單動鐵單元既Tio，其訊息高、有機械感但係又些許水分既聲音、亮麗而又有穿透力既伸延，我覺得實在非常唔錯。到底係因為佢唔係旗艦型號所以無咩人對佢有興趣、抑或係佢有個線控所以大家覺得佢係流料？如果試聽過Tio既話，即使無衡動去買，我諗都重係會有人想講下掛。
包裝、配件及造功等非音質方面
包裝難以話好好睇，細細盒都裝有唔太少既配件。耳膠有5對，但我只有一對用得著，另外一對太細，其他三對過分地大；Comply耳棉有兩對，係Tx系列，棉網較厚會令聲音有改變。皮製耳機盒唔算特別好睇，而入面有發泡膠令耳機唔會互相刮花；可惜由於耳機線身較硬，基本上個發泡膠會頂到放唔到對耳機入去。
造功黎講算唔錯，L型插較實用。配有mic及control，android/i device對應；雖然非重但仍會下墜力，食野時侯要小心。Mic部分唔算非常靈敏但用以講電話已經足夠。線身非軟但應該還好，唔似太化學。整體感覺上可粗用。本身連mic/control加上無得換線令我當初無法下定決心入手，好在時移世易而家要個有mic既耳塞仔，所以就出左手啦！
有一定質素既耳機
Ultrasone Tio雖然為單單元耳塞，其表現卻非常不錯。之前有較為官方既評測講過Tio係著重中高音既耳塞，但我認為除左中高頻既亮點之外，Tio係一隻有一定完成度既耳塞。至於係其他地方被特別提及過既中高頻，其飄逸感以及伸延著實唔錯。雖然無Sennheiser IE800又或者係Ocharaku Flat4-KURO等既sub-bass，但係Tio既染色令我覺得佢對全頻有一定掌控性。的確Tio低頻量非泛濫地多，但Tio既低頻健在，有一定質數，可以講係有一定機械感，有一定密度，質感量感俱在。
另一樣值得一講既就係Tio既音場。Tio距離以及其比例做得相當合理，以入耳耳塞黎講做到有唔錯既開揚感，加上其具機械感染色，令其有一定空間感。Tio係少數可以係好輕便既前端之下都出到相當唔錯既中至大編制音樂，呢一點令我非常欣賞佢。
相信大家都見我用左一兩次機械感呢個咁新穎既詞。令我好欣賞Tio既係佢就係呢種機械感，有一種光亮既感覺但又非推唔好既Ultrasone個種硬聲。Tio全頻都有呢種機械感，表達手法頗cohesive。聽鋼琴時乾淨但卻順滑又有少少水分，非常好聽。當然呢種聲音未必會係好真實或者好definitive既一種表達手法，但Tio呢種乾淨，又或者轉個方法講：Tio呢種唔討厭既潔癖感，對我黎講相當新鮮。
易推？難推？
當初試Ultrasone Tio時用上唔同組合。出奇地iPhone/iPod直出會比落amp好聽。買左返黎插落AK100亦無直插iPhone易入口。感覺上係前端推力較細時Tio表現較好，又或者係真係optimised for iPod/iPhone吧。試過用上台機去推，變化明顯但非全面性提升，有種推爆左既感覺。所以我諗Tio應該係非常易發揮到一定程度既耳機；又或者係，要完完全全將Tio玩盡係一件太難既事，因為本身易發揮，再帶出其全面性加乘效果應該唔算太易。
小小總結
如果能夠係外國入返對Ultrasone Tio，其實都重係好抵既。入耳塞我雖然唔算玩得好多，但我覺得Tio既聲音相當特別，佢個種唔討厭既潔癖感好對我口味。以其易發揮既實力，有特色卻又無特別intrusive既音染，我覺得可玩性相當高。
Ultrasone Tio真係無咩人提。係咪我口味太偏？
補充部分
Tio作為直插型既入耳塞, 加上其線身重, 特別係行路既時侯, 會比較容易聽到攰。
而佢用上左OMTP, 有時插AMP要加轉插, 唔算極度方便, 但始終有個mic/control都實在無咩講。 好在本身原裝都有跟返個OMTP Adaptor。 又或者講講Pyco都好。
Pyco試左兩次, 雖然都有Ultrasone味但整體濕潤唔少, 非常唔錯既質素, 亦比Tio/IQ定價相宜, 合理唔少。
但係我覺得Pyco聲音水分過高, 低頻有少少混, 亦無左個種機械感以及潔癖既感覺。
雖然都正但係都係Tio岩我d 斯路兄ge review幾時都禁好睇{:6_193:}
曾有朋友跟我說過tio似ed8,看來連易推的特性也是如此呢
其實看到一半時已經在想像tio+ak1oo會不會把機械感發揮得更好,但看到比ip差有點意外{:6_210:} jasone_ti 發表於 2013-8-22 11:11 static/image/common/back.gif
其實看到一半時已經在想像tio+ak1oo會不會把機械感發揮得更好,但看到比ip差有點意外 ...
呢個組合嘛, 其實唔係差, 而且Tio我唔係買左好耐, 可能係未穩定時侯未試真
不過呢, 我部AK100改低左output impedance, 所以唔係好準
我覺得我個部同聽過既AK100唔同, 下次都係搵返部正經版夾夾Tio先
jasone_ti 發表於 2013-8-22 11:06
斯路兄ge review幾時都禁好睇
曾有朋友跟我說過tio似ed8,看來連易推的特性也是如此呢
...
都係師兄比面, 但都唔及師兄講野過癮
我重好記得上次師兄「笑」ACS
下次見面慢慢再玩下啦
至於師兄提及既友人唔通係common friend{:1_343:}
因為我都聽過同一句說話呢 大陆没有。。。。555或许这塞子对我来说不错 gxy 發表於 2013-8-22 11:16 static/image/common/back.gif
大陆没有。。。。555或许这塞子对我来说不错
我在淘宝找过, 价钱不相宜哦
Tio定价我觉得是稍稍过高的
英国Amazon或eBay倒不错, 可是运费什么的算上来也不大划算
师兄有空到香港一转什么都试一下吧 其實我也在尋找一隻易推的塞取代xba4
tio看來是劇毒呀 jasone_ti 發表於 2013-8-22 11:29 static/image/common/back.gif
其實我也在尋找一隻易推的塞取代xba4
tio看來是劇毒呀
對我黎講, Tio聽來是劇毒呀
反正唔難試, 師兄可以去玩玩呢 Tio係幾正
不過令我唔買既原因多數係因為條線有mic
同分線位下面條線粗左d