我好懷疑華納出碟有冇人做qc，而家佢地出復克碟既質素真係差到得人驚，走音食帶聲都可以照推出街賣，仲要賣成百幾2百蚊，就算你賣50蚊1隻，比d咁既野人聽，都講唔通，我地買碟的人，都係想聽靚聲靚歌，我真係唔介意比貴d買隻靚聲cd,唔靚聲既平極都冇用
skyhon 發表於 2013-8-12 10:36 static/image/common/back.gif
我好懷疑華納出碟有冇人做qc，而家佢地出復克碟既質素真係差到得人驚，走音食帶聲都可以照推出街賣，仲要賣 ...
今次點解會買呢隻Abby Road Studio版的Sandy City Rhythm part 1, 全因為當年隻韓國T113膠圈版D聲太弱, 好似無高低頻，分離度及層次感不足又反相, 可以話聲音黏埋一舊又窄！結果見到華納一話出Hifi版本, 又5係老X易嘅LPXD45 M2, 諗住就算未必有AMCD咁堅, 都應該5會差得去邊掛, 結果一出呢隻鴨比路歐盟版本就好心急卜到去買，結果返嚟一播就知出事又白交學費了，我都係用唯一一隻Sandy Lam的AMCD精選回憶緦是溫柔的去比較，其實係對AMCD 5係好公平㗎！因為一般來說，精選是由大碟cut歌出來做的, 而精選係copy 再copy母帶造多，所以聲音一般較大碟差和弱！但經AB比較後，AMCD完全壓倒性擊敗Abby Road歐盟版CD, 其實兩隻碟大家只有兩首歌曲相同，分別是你是我的男人和還有！但就只係用呢兩首歌曲已經是高下立見！
首先又係比較本人最喜歡比較的相位, AMCD正相, 鴨比路反相！又係同一句，啱相位肯定係定位深度空氣感和層次感方面先天佔上風，而且高中低頻亦較平衡，不用加那麼多味精便可使高中低頻突出！經過一輪比較後, 結果不出所料, AMCD完全KO打低鴨比路歐盟CD，為什麼，因為正相.的AMCD無論空氣感夠深度不錯, 定位清楚，寬度好, 人聲和音樂聲比例相近，高音分析力好而不失柔和，絕對不會刺耳！中頻夠令人聲夠厚，低頻清晰有彈力令人清楚聽到每一下低音結他bass和keyboard低頻聲效，但又不會過火同硬聲！都算係幾自然無乜味精添加！但反相的鴨比路絕對搶耳, 俗稱剎耳驕！因為反相所以定位因為聲音散射效應diffusion而引致很難定位，不論空氣感層次感和深度也因為反相聲音反轉而較為差勁！而高音俾人好乾好硬的感覺，因為在反相情況下高中低頻會自然減弱情況下，而engineer在一般情況下都會狂加味精補救！結果又因中頻被扯高令人聲變礡！而低頻亦因過火欠缺彈跳力而死實實同聽不清楚彈什麼調子，結果就係迫人放棄同換碟！
