XBOXONE智能配對系統"Smart Match"助玩家尋找好機友
本帖最後由 @肥狗仔@ 於 2013-8-1 09:44 編輯早個月當MS仲建議緊無連線的玩家返屋企玩XB360的時候，果陣貌似無論MS點樣推銷其次世代主機XBOXONE(XB1)都顯得站不住腳。時至今日，隨住XB1由"獨裁版"變成"開心版"，主機預定量就隨之而穩步上升。而MS亦由兩個月前的"微軟"變身成"巨硬"，並雄心勃勃地重返未完成的黑sell工作上。今次要介紹嘅係XB1的"Smart Match"功能。顧名思義就係"醒目線上配對"。
昨日XBOX LIVE的首席市場策劃Mike Lavin在Microsoft Blog上面分享了有關"Smart Match"的一些細節。首先在多人遊戲配對上，以往XBL只會針對地區server﹑連線品質和DLC等對行遊戲配對。來到XB1，Smart Match的進階演算系統就針對玩家的語言，技術及聲譽去更快更準地尋找適合，或者係玩家想遇到的對手。不論該名玩家是否好友，Smart Match都會統一進行分類配對，為求令每一位玩家都有一場"公平, 公正, 又公道"的多人遊戲。有咗Smart Match，他日什麼毒男就唔需要再怕與隊友有任何隔膜，因為可能成場都係同一類人...
喺Smart Match系統下，醒目嘅又點止係配對部份?Lavin表示當配對進行緊嘅時候，玩家可以隨便離開線上大廳去玩其他遊戲或者睇下電視咁。而完成配對嘅時候，系統又會自動彈出相關通知，好讓玩家可以馬上回到戰場之中。
自XB1公佈以來，MS不斷向玩家展示該主機的高智能，例如FZ5的AI就能夠模仿玩家技術(for外掛)，再加埋今次的"Smart Match"，真係搞到成個Skynet咁。反而要玩家花多100美金買返黎的新Kinect就暫時睇唔到有太多應用嘅地方...
頁:
[1]