耳機與器材之間既體會
只從上個月賣出一部份耳機後只剩W4R, SE535R, IE80 三對耳機(仲有唔用既UM2)，高峰期有齊 w4R, SE535R, X10, IE80, ER4P, CK100PRO, UM2, UM3X, 回想番一開始真係有少少貪新鮮,,大廠一出新耳機就買，但玩到最後只剩依三隻,其中IE80換左TWAGS V2 BALANCE 頭, SE535R 換左TWAGS V3，以下有少少分享係選擇耳機上既體會，現時除左依三對外仲等緊對CM JH16PRO, 相信之後係耳機上已免疫(心唸)，經過4-5年既體會有以下幾點值得唸唸個人係一步到位派，除左第一對UM1 之外其本都係買各大廠既旗艦型號，最後放剩三對都係因為各有特色，但手頭仲有UM2應該唔會放，因為我覺得UM2 既聲真係比較特別，有人話UM3X 係佢升級，但其實係兩種風格，所以會留為記念，如果手頭真係鬆動又忍唔到手其實到最後一定會升到旗艦, 除非好清楚自己要咩聲，但其實就算旗艦耳機其實個聲都會因為唔同器材同配有唔同體會，但整體旗艦耳機一般較下一階既質量會較好,,所以我自從UM1同UM2之後只買旗艦算，唸番其實真係各有特式﹕
W4R - 無得傾,真係最平均高質耳機，基本咩都有,高中低頻、人聲亦算清，但注意低頻明顯上AMP先出得好，但無疑真係一對好好既耳機，唔想煩亦無咩特別喜好我推薦可考慮佢.
SE535R - 自問喜款聽女聲，中頻女聲真係無得輸，依家換埋TWAGS V3 空間感、音場、分析都高左,,幾滿意,,依排用佢黎聽陳潔麗放唔低。
X10 - 特別既聲底，我覺得一單元黎講佢同ER4系列都好正、個人覺得幾厚聲底、但都幾食器材。
IE80 - 唯一動圈耳機、已換左TWAGS V2 BALANCE 頭，感覺換左線配THE INTRUDER 音場再大在有2個GRADE, 其實喜款低頻真係幾好、因為佢未開聲時D聲已唔差、但我覺得要300小時以上煲過先穩定同好聲D,,當然如果中高頻愛好者真係要可能要選其他，因為佢中、偏高頻比較暗一D, 但整體都好好。
CK100PRO - 中高頻既代表真係、個人覺得真係好刺激, 因為佢直推已唔錯, 中高頻帶俾人有刺激感,低頻上AMP會更好,但注意AMP都幾難配、太大力既AMP 配CK100PRO 未必好, 試過既會明。
ER4P - 買依對時手上既器材麻麻地,但一聽既時候真係中左半年毒，因為佢果種清既聲底到今日我都未搵到代替有果種淡淡但清新既感覺。
UM3X - 一對我個人都聽得幾多既耳機，唸番起未試過用UM3X 上 AMP 聽, 但依對我都好高評價,,佢同W4R 可以話係WESTONE 兩款唔買都要試既耳機, UM3X 既人聲可好耐聽，但講真我認我係貪新,所以最後放棄左因為聽得耐有D 悶。
最後只剩三對因為互補不足, 所以對JH16PRO 收到後唔會再睇耳機住LU，最後,我同意慢慢升級的確有好處、但其實好多時因為器材問題同RUN IN時間有別，加上DEMO真係對對唔同，所以有時又係係要睇下文選耳機。
但依家玩左咁多對耳機，雖然可以放二手但其實一般都係得番半價多D,,但好處係依D旗艦實有二手市場，到最後點解上CM真係想終結入耳耳機既心引。
反而我係想講大家未有較好既器材時其實真係試唔真果D旗艦耳機，先唔好講AMP,,一開始用AMP時有D木耳會話感覺只係大聲左, 但我敢講你可以試下用AMP 一個月,,之後再就咁直推,你就會睇到好明顯分別，所以除左耳機外器材先係最先要唸既配備,,有好既PLAYER 試耳機都試真D。上唔上AMP就睇個人。
總結咁耐以黎好多人可能都好以我咁會不斷換耳機，但好可能會忽略左PLAYER OR 個SOURCE.. 樓主有冇試過ie800/tg334/3003之類?
見樓主列出既都係5k下的iem,或許試左會再燒{:1_343:} um2真係幾正既
如果高頻可以再盡d就..{:1_344:} jasone_ti 發表於 2013-7-30 20:35 static/image/common/back.gif
樓主有冇試過ie800/tg334/3003之類?
見樓主列出既都係5k下的iem,或許試左會再燒 ...
試過晒,,但冇一隻喜歡,,,去到高階好多時係口味既喜好多於升級,,或許有但SOURCE同播放器既升級可能會有更多驚喜。 幾正 {:6_193:}{:6_193:}
頁:
[1]