為何等咁耐? EA解釋《Mirror's Edge》收山五年之謎...
本帖最後由 @肥狗仔@ 於 2013-7-28 01:59 編輯u6PXba8X6N8
曾經有fd講笑咁講: "想知自己會唔會暈FPS，試下《Mirror's Edge》就知。然後你會發現9成人都會暈FPS。" DICE於08年推出的另類FPS遊戲《Mirror's Edge》當年主打第一身暴走玩法，其新鮮吸引了不少玩家，亦為這個過往只會開發軍事題材遊戲的開發團隊贏了不掌聲。但唔知係咪因為市場上比較少哩類冇劍又冇槍的FPS，雖然該款遊戲吸納了一定數量的支持者，可惜依舊賣唔出幾多。之後，續作消息不絕於耳，但更多傳聞指本作已經俾EA打入冷宮，直到過去的E3 2013，當EA正式公佈《Mirror's Edge》的未命名新作，手握磚頭嘅粉絲們先鬆一口氣。
有人問: "點解咁耐先公佈?" 其實奧運會都4年一度啦，前作一面嘅女主角全程三項鐵人咁點都要休息一下掛?若果大家唔接受咁行嘅答案，早兩日Gamereactor就訪問咗EA的執行副總Patrick Söderlund。當問到何解遊戲被冰封多年嘅時候，Söderlund只表示純粹因為唸唔到橋: "遊戲開發一開始必須具備兩個條件: 一係知道自己team人想整咩game, 二係要知道自己想整嘅game會唔會引起玩家共嗚。" Söderlund繼續指出: "之所以會等咁長時間係因為我們需要正確及正爆的遊戲構思。而當本作嘅製作人Sara Jansson向我同DICE的總經理Karl-Magnus展示自己嘅唸法時，我心唸『頂! 係哩個喇!』。而且Jansson的新構思確確實實咁混入了，次世代主機先可以做到的新元素。這將會係驚為天人嘅全新理念!"
Söderlund又補充道，《Mirror's Edge》新作的prototype已經成形，意味住玩家再要等上一段日子先可以知道...至少遊戲叫咩名。與日本遊戲唔同，歐美動作遊戲近年都集中於presentation方面。提到新作會有咩特色，"更逼真的爆炸"﹑"更具電影感的運鏡"還有什麼"更給力的折肢系統"。所以若果有好似《Mirror's Edge》哩類大賣關子話會有新idea的話，作為玩家不論是否感興趣都大可以留意一下。因為純粹畫面提升唔應該係次世代遊戲的未來...
*本作由DICE開發。使用了最新的Frostbite 3引擎，並會有開放式地圖。
頁:
[1]