微軟再次"親民" XBOXONE確定支持獨立開發/發行遊戲
本帖最後由 @肥狗仔@ 於 2013-7-25 23:34 編輯唔知係咪因為移動平台興起，近年SONY同MS都力谷獨立遊戲。特別係前者唔係純吹水，早些年推出咗一個叫做"Playstation Moblie"的SDK，以供獨立製作人開發PS3/PSV遊戲，並上載到PSN上面謀利。但若果考慮回報問題，有關製作人會選擇將自己的創意放喺遊戲機上面，定iOS/Android?相信大家都心裡有數。
話雖如此，既然有次世代主機面世，兩廠都趁住哩個"洗牌"階段重新推銷自己的獨立遊戲支援政策。早前SONY已經確定獨立製作人可以自由在PS4上開發/發行遊戲，只不過想要SONY負責宣傳，前題係遊戲必須有高品質。至於"XBOXU"，微軟亦都發表了類似的宣言。
根據今早XBOX合作伙伴部副總Marc Whitten的聲明，當中指出任何一部XBOXONE(包括零售機)都能夠開發及發行遊戲，而詳情將於下月舉行的GC2013上公佈。在Kotaku的一篇兩個月前的訪談中，前XBOX頭頭Don Mattrick曾表示獨立遊戲不能自行發行，必須找到發行商先可以開綠燈。有關的措施在今次的聲明中明顯被修改，反映出MS針對各方意見上作出了積極的回應。對部份獨立製作人或者工作室而言，或者除了SONY之外，從今以後XB1會係另一個理想地。(至於老任...)
隨住Steam及手機平台出現，想憑(一部電腦) * (一個腦袋)去鋸大樹的製作人終於有出頭嘅一日。但究竟家用主機會唔會成為獨立遊戲的新市場，兩三年後自有分曉，到時大家不妨上去搜尋"麻雀"兩字睇吓會有咩結果... 開罪晒D inde devs 之後先來補鑊
頁:
[1]