做左胡琳一年小粉絲既小睇法
本帖最後由 sachiel_chung 於 2013-7-23 12:33 編輯岩岩黎到呢度,發現呢度原來好多胡琳既FANS...
入正題,各師兄請抬貴手,不喜勿插.
n年前第一次見到胡琳係半夜播佢既"一個人",當時無玩開音響玩具所以無咩點理會過呢個人..
之後幾年間唔中都會見到巴士賣下廣告"亞洲爵士小天后"呢個名,直到上年見到佢隻"夢空間"起各巴士上面賣廣告,加上出黎做野後買左套雞雞入門級膽機,就膽粗粗買左佢隻2011 live黎聽下,發覺佢把聲起現今樂壇真係非常ok,我個人覺得香港黎計單係把聲同唱功一定係最top果一批女歌手,但係再買返佢自己既碟(夢空間),就發現佢既歌,同埋詞都係好麻麻.雖然我自認係fans,但我覺得佢本身既歌同詞都係麻麻,就算曲ok,d詞都係唔ok,或者細個比兩個偉文寵壞左,覺得果一種lv既詞先係good.之後返兜佢隻"jazz them up",4大天王舊歌新唱加上隻碟做唔出音質十分好,得到好多hifi友既好評,個人亦認為果隻係佢最好既碟,亦覺得因為本身曲詞太爛...先變成當佢唱口水歌就會好受歡迎.
舊年去左佢既演唱會,再現場聽返佢自己d舊歌同埋經典歌,更加肯定佢既唱功真係非常好(但係亦更加肯定佢既曲同詞超古怪+廢...),但當然唔係人人鍾意佢既唱腔(我既女友就係了,唔鍾意jazz+唔鍾意胡琳呢類型唱腔,佢起屋企我無得聽胡琳...Q_Q),但係見到有D師兄話胡琳係5線...我真係覺得太多人唔了解佢既實力..如果單係計歌手呢個職業既成績表--唱片銷量唔計其他活動,個人覺得佢最起碼都有2線吧???即使佢出去D雜錦音樂會係旁邊小圖既二打六,但佢2次個人演唱會卻都叫好叫座,呢個現象我相信係一眾樂迷對佢既肯定,亦係真正5線歌手望塵莫及既成就.
胡琳最近出返隻演唱會碟,就發現無啦啦D舊碟炒到傻左...好似"2011 LIVE"我上年買百零蚊,幾個月前見到2手店賣緊8草...無啦啦6月就爆左上400,好好彩6月前收左佢兩隻舊碟,包括當年既有佢隻"一個人"既(以前又唔買,依家走黎貴收,你話係咪犯賤...orz),但佢係既舊碟真係好貴,"jazz them up usa版"3舊水,"still a wonderful world 3舊半"(見到信和賣600...仲要賣得出!!!),基本上佢除左新碟同AQ版都係炒價...可能都係因為好多師兄好似我咁無啦啦走去認真聽佢唱歌,之後就想追返佢D碟,但係又好多師兄唔願割愛做成既現象吧?
話時話,佢既CD封面設計真係好鬼差,老實佢都唔係樣衰丫,點解會攪成咁!!好似隻SING TESS個背面影到有女鬼咁.我覺得佢公司既形象,美術指導真係好垃圾(特別係上年演唱會對波點絲襪,真係頂佢唔順...)另外如果佢既歌起曲詞方面有所改進(唔係話唔唱JAZZ唱流行歌,但真係非常多進步既空間囉)應該唔難唱出一D成為經典既歌曲.希望會多D人認識下胡琳,唔好再比人覺得佢只係一個"區區5線".
以上係一個大約做左1年小FANS既心聲....多謝大家收睇.
PS:今日發現佢新出左24K JAZZ THEM UP,小弟已經有USA頭版,如果只睇音質,仲應唔應該買???@_@ PS:今日發現佢新出左24K JAZZ THEM UP,小弟已經有USA頭版,如果只睇音質,仲應唔應該買???@_@如作後備用途應該入,除非學某師兄說收藏價值用途,不入也罷{:8_390:} 佢係真正純歌手，平時就已經養住把聲，唔會做太多唔關歌手身份的話動，所以有d人當佢係藝人，就當然會放左去五線了，佢錄音好多一take過，唔駛執，之前訪問過佢，就係因為唔駛執，所以先會聽到透氣聲，喉嚨聲，呢d係一般香港歌手都唔會做得到的！ 阿定 發表於 2013-7-23 12:41 static/image/common/back.gif
佢係真正純歌手，平時就已經養住把聲，唔會做太多唔關歌手身份的話動，所以有d人當佢係藝人，就當然會放左 ...
佢係一個好奇怪既現象,一邊有好多人讚佢,另一邊又好多人ABC佢,但每次有新碟都係大賣...而且舊碟仲炒到傻. 這世界已瘋癲
頁:
[1]