Unique Melody Miracles 聽感
大家好! 小弟先自我介紹一下. 我是經特工Muffy介紹下知道此論壇的. 小弟玩耳機的經驗非常淺, 聽過好少耳機, 而且仲未話好清楚自己最鍾意係邊種聲音, 可謂木耳. 經過超過三個月的CD-ROM, 發覺此論壇有一股很清新的氣息, 是其他論壇缺乏的. 而且整體氣氛都很正面, 而且高手雲集, 故以後我會常來逛逛. 請多多指教 :DHistory
以下落黎會做下自我介紹，怕悶親大家，想睇Miracles聽感可以直接跳去《Miracles聽感》部份。
講番小弟的聽歌history, 以前我都算係雜食, 乜都會聽D, 包括中文流行曲(男女都o岩), 英文歌(流行+oldies), JPOP (主要係Speed), Classical, Disney Soundtracks (我細細個就儲Disney碟架啦), Beat Mania Soundtracks (包含好多Genre既音樂), Jazz, Bossa nova etc…
不過我都係鐘意人聲多D（女聲多少少）.最鐘意既Genre 就係Bossa Nova, 因為我覺得聽歌係為左放鬆個人既, 但係又唔中意D歌好慢好軟賴賴咁, bossa nova 聽落個feel 就係最hit中我既sweet spot啦! 不過聽耐左有時都想聽番少少重beat既歌刺激下~
最近幾年因為信左主既關係, 又入左敬拜隊, 所以聽多左好多詩歌. 我都想藉此機會澄清一D人對詩歌既誤解, 以為大部分歌都係好慢好抒情, 其實而家既詩歌好多種類同埋好多係full band咁演奏. 好似香港最近出左<<鐘聲>>，羅敏莊等, 都係走靚聲方向. 國語既讚美之泉都出左好多好出名既詩歌, 外國IHOP同埋Jesus Culture既歌我覺得好正!
而format 方面, 之前都無乜講究, 都係mp3就算, 而且當年mp3…你懂的…真係好快好易就搵到. 之後工作同信仰既關係令我多D留意版權問題, 所以而家都會買碟再rip apple lossless, 最近iTunes HK解放後都響嗰度買多左碟(尤其係香港無得買嗰D嘅碟), 聽講Mastered for iTunes既歌都唔差。再高既格式暫時無乜興趣住.
話說回來, 聽歌呢四,五年都係用Westone 3. 當年W3係頭幾對有三動鐵單元的耳機, 風頭可謂一時無兩. 再之前我有UM1, 用左一段時間後壞左(又係一邊無聲, 嗰時唔知有得整), 咁啱見到出咗W3, 作為學生哥既我就把心一橫花了接近三千大洋的價錢買左第一對比較高階既耳機.
用左W3四五年, 基本上都好滿意（退燒）, 感謝主呢幾年都冇人毒我, 自己都冇走去被毒. 幾鐘意W3佩戴舒適, bass幾punchy, 其他都好平均既特點. 而source 有用過iriver, iAudio (唔記得咩model), IPC, 最後貪方便最多都係用iPhone 直推就算(唔使帶多舊嘢).
係啦, 講番轉頭, 呢篇文明明講緊UM Miracles, 點解講左咁多唔等駛既野? 唔好意思, 因為小弟第一次係度post 文, 所以用多少少(其實一D都唔少)篇幅介紹自己, 接下來我會儘量貼題D (lol)
點解會揀Miracles
點解會買Miracles呢？因為有一位教會弟兄同我講想買耳機，陪左佢去試各款耳機，竟然被隔山打牛自己中左毒 (記得舖頭哥哥”好好人”咁拿了對535俾我試, 我又”唔覺意”開左小野麗莎)… 而且潛伏了好幾年冇動靜，都有D心郁郁想買新玩具玩。
於是就開始左爬文的數個月。本身響HK forums周圍睇後尾越來越多睇head-fi。好老實說，我呢D新仔都係抱住一野攻頂的心態，而且買得新玩具都唸住有major improvement。嗰期幾間大廠都出左flagship model，例如Ultrasone IQ同埋Sennheiser IE 800。我對呢兩隻model都有好大興趣，尤其系IQ(我覺得會match番我聽開既歌曲)。如是者我都走左落去鋪頭試左幾轉，覺得對比我嗰對W3係有improvement, 但唔知點解硬系買唔落手…一黎佢四四方方，戴得無我之前對W3舒服，二黎覺得用呢個價錢好似唔算物有所值，聽左幾次都唔算話有心動到要即刻買既感覺
跟住我心血來潮，唸到用得呢個價錢不如去買CM啦，反正都未試過。左度右度爬左好耐head-fi.org最後Order左Unique Melody Merlin (4鐵1圈Hybrid), 因為自己都幾鍾意Unique Melody既品牌，信譽不俗，而且覺得自己應該唔系“鑒聽型”，而系鍾意人聲，暖聲少少，有音染都ok既。
於是膽粗粗就響UM落左Order買Merlin。但係再三思考同埋研究, 發現自己聽開既音樂類型都唔係話好重bass既, 自己又唔係basshead, 所以同負責人Stephen Guo傾, 佢好好人俾我轉Order去Miracles. 於是我就買左Miracles啦!
裝備
繼俾人毒左之後, 我就係咁爬文, 得知要有咁上下裝備先可以將耳機的聲音發揮出來, 因此有點盲目之下買左Venturecraft Go-Dap X (Op-amp LME49860 & modded to 10ohm) ，BTG Starlight SPC Cable，Chris Himself Silver + Gold cable(越睇forum越被毒) 同埋Music Heaven单晶铜USB线(其实我唔系好信USB线会对声音有咩影响)，配合我之前有既IPC 5G 120G使用。
話說我仲走左去改左我對W3做CM頭，可以用新既cable黎聽歌。老實講，凈系咁樣既改動我已經覺得好驚喜！W3既Dynamics好明顯大左好多，好有一種被音樂包圍的感覺。更令我期待我既Miracles到來的一天。
造工
因為呢對系我第一對CIEM, 所以我都無乜得比較，不過有D資深D既朋友都話造工唔錯。以我觀察，個body係無泡泡的，而且顏色都match我當初order既要求。Fit都唔錯，好隔音。我整左黑色作為body顏色以便我貼銀色的貼紙~ 我個人好滿意。
Miracles 聽感
因小弟經驗非常淺，無乜試過好多耳機，同埋木耳的關係, 唔係好識D好pro既terms例如音場、延伸、定位等等，所以都係盡我所能將我既聽感寫出來, 請多多指教.
首先我想講CIEM帶俾我聽感上的不同。好老實講CIEM唔係咁容易帶（起碼對我系咁）。我當初唔識帶仲以為個耳機模做得有問題，用盡力都塞唔入去。大家有經驗會知道CIEM如果戴得唔好其實系會好影響聽感的，尤其系bass會少左一大半。不過都多謝Stephen Guo好有耐性咁同我溝通，同埋Muffy教左我要點樣戴會戴得好D，終於我發現原來係我耳仔有舊軟骨頂住左，要撥開先可以戴得just fit. 識得點帶之後就發覺原來CIEM系可以做到咁隔聲。同埋因為導管會入到耳仔好入面所以個聼感同universal fit IEM系有D唔同既，我覺得主要係清晰左同intimate左。不過舒服黎講都係universal fit IEM舒服D，尤其係帶出街，唔係個個都鍾意有舊硬膠係耳仔度，仲要有番咁上下重量。
而聲音方面（而家我煲左大概100個小時）, 我第一個感覺係：清晰左，尤其係用埋Chris Himself Silver + Gold Cable（sorry 我無乜用過stock cable聽）。樂器的層次分明，都幾清楚可以知道變樣樂器響邊度發聲，唔會堆埋一舊。三頻表現方面，首先我想講講 個低頻，因為之前睇forum話呢個耳機係平衡型我成日有個感覺就係會好鑒聽feel，因而個bass會比較弱雞. 但係出乎意料，我覺得Miracles個bass仲好過Westone 3。應該咁講，Westone 3個bass係量好多，但質無咁高，所以會掩蓋左唔少人聲，令人好留意到個低頻，影響聽感。但Miracles個bass延伸好好，可以潛得好深，而且個attack有力又夠快，所以bass一D都唔覺得弱雞，量都唔係話少，襯托到成首歌的presentation好好。而中頻方面，我覺得有少少laid back，人聲密道唔算高，可能咁樣先可以做到個大音場+定位清晰，但係相對地無左我當初被Shure 535毒到既o個種甜+親密的感覺。高頻方面，我覺得係好過Westone 3，延伸都幾好，聲音明亮，而且幾欣賞佢個高頻唔會做到“鎅耳”的程度，聽耐左都唔會覺得累。
整體而言，我覺得在UM Miracles下音樂的presentation更有動感，三頻質量都好，更“合理”、清晰，會令我聽到多左以前留意唔到既細節，但唔算系鑒聽型，少少V shape，我個人非常滿意，覺得絕對無買錯。但係老實講我仲未有退燒的感覺，因為仲懷念緊當初被Shure 535毒到的感覺。看來是毒海無涯呀~~~ (會是Shure 846嗎？)
呢篇寫得非常精彩!!!
歡迎你黎到呢個毒海~~~~~~
話說我今日又買左CK100PRO, 可以正式同F111IS PK~
下次交換玩下~ 又多位師兄入來放毒...{:6_191:}
睇怕遲早都有得睇師兄SE 846 報告..哇卡卡{:6_211:}
我都做左CM...我個對仲要等多成個月..真係慢長
一步到頂既感覺真好..呵呵...我都係學生..已超出負擔
雖然係嘔血{:6_206:}...但攻完真係好開心{:6_208:} 值得既{:6_212:}
同信主一樣...無得回頭架啦{:6_165:} 雖然我都係基督徒,不過咁強宗教意識的review都係第一次看到,好怪www(絶無負面意思)
Ching是在那裡入手Venturecraft Go-Dap X 的?香港有售嗎?
知唔知邊道有得試venturecraft的產品? Jasone_ti: Haha 我開放自己既經歷俾大家認識下我嘛。再者，大家都係音樂愛好者，都唔想大家錯過一些正既音樂。
我唔知香港有無得試wor, 我係直接聯絡日本o個邊廠家直接買架，我研究過咁樣會最平（39,800 yen + shipping)。
Laikwunho: Ching 買左乜CM？ 同埋我都未必會立即買Shure 846，就算係我杯茶。暫時想增廣下閱歷先。
Congratulation!{:6_195:} Miracle 係香港好少討論呢，恭喜。 我個對係rdb +v1
金錢有限...直跳玩住先...
我都要up 下其他硬件先再上一層樓~
耳機呢家野一步一步來都好既...享受過程..呵呵...
我就冇咁既福份了{:6_234:} 恭喜師兄入手好物，也歡迎師兄上水開post，仲一開就開個咁正既post，當然都要多謝muffy兄啦{:8_403:}
師兄識得玩BTG Starlight SPC Cable，Chris Himself，應該都花過唔少時間去做功課同研究，BTG個條長期缺貨，小弟一直order緊唔知幾時有呢，而呢兩條cable香港幾乎無人分享過，師兄介唔介意比較下呢兩條線係miracle上既表現?
另外師兄下次做ear impression既時候可以同audiologist講下你軟骨既問題，佢地應該可以幫你就下架{:8_389:}