InEar Monitoring Stage Diver Series SD3分享以及對低頻既伸延討論
本帖最後由 斯路 於 2013-6-23 10:54 編輯簡介
InEar Monitoring係一間有25年歷史，本身專做客製式舞台用入耳塞既公司。早前先係德國hifi-forum以及稍後係head-fi上面有風聲指InEar將會推出新既Stage Diver系列，大致上將會係其客制LivePRO系列既非定制版，現時分別有雙單元型號SD2以及三單元型號SD3；再高一級既SD4暫無消息，因為其客制版既LivePRO 4係現階段重未正式出街。由於hifi-forum上面既討論看似非常吸引，而且德國功藝以及技術係我心目中又無懈可擊，加上價錢唔算過分，未計運費380歐元左右，係外國某舞台用品網頁買重有3年保養，我就直接訂左對SD3返黎。
InEar網頁上Stage Diver系列簡介
The ultimate universal earphone made by ear. Here, our engineers have created a handset that fits perfectly in virtually any ear and is also externally indistinguishable from a matched system no. The basis for the case design was created by digital »superposition" of over 500 different ear impressions, as well as in-house prototyping. Many wear tests on "living ear," refined the design. In the final result we have one of the ear anatomy aligned, first-class housing by form Stop place, create earphones!
For optimum protection in the ear canal, we have three different sized ear tips S - M - L in the program. Of course, even here an individual adaptation of a otoplasty (small plug version) done!
Advantages of Stage Diver series
Perfect sound through high-quality drivers and crossover component precisely coordinated
Insulation of external noise by about 26 dB
Replaceable ear wax filter (filter for ear wax)
The cables used meet the global standard for in-ear monitors that are interchangeable and pass through the incorporated bending wire securely behind the ear
InEar網頁上StageDiver 3 Stage Diver 3簡介
This 3-way system with 3 drivers per ear has a bass boost and ensures a strong, extremely voluminous bass and spaciousness. Balanced, high-resolution centers round brilliant highs and this handset perfectly. Especially bass lovers and musicians from the electronic field is to recommend this handset. The Stage Diver 3 is equipped with our high-end cables.
Specifications
System: 3-way system (3 drivers)
Transmission range: 20 Hz-18000 Hz
Output sound pressure: 119 db
Impedance: 40 Ohm
Cable length: 140 cm
配件、造功以及配戴
SD3包裝只有一個Pelican Case既1010膠盒；配件唔多但還可以接受，包大中細三對耳膠，一個3.5轉6.3插頭，以及三包消毒濕紙巾。基本上SD3造功扎實，recessed socket設計，心理上無咁易爛。原裝耳膠品質唔錯，硬身耐用。原裝銀色線材非常軟身，但係根據head-fi用家表示，呢條線客易變錄，而我個條插頭位一開盒既時侯已經變黃，InEar實在唔多有誠意呢。
配戴感良好，正如InEar自己網頁所言，外殼係經過500對耳模數碼掃描之後比較過之後既產物，相信大部分人都可以戴到。係我個人情況而言，SD3隔音能力方面非常唔錯，同ER4系列差唔多。相信良好配戴感同隔音能力係同舞台用既設計有關係， 相比其某部分宣稱自己產品係舞台用產品既品牌，InEar係呢方面做得非常唔錯。
入手前期望及猜想
由於網上有被稱為大師級人馬既人大力推介，加上InEar網頁上面所提及到既技術及參數，令我對InEar有兩大期望。
第一係佢能夠用上一個完成度高既cross-over，令整體聲音涵接緊密，而每個單元唔會僭越超過自己領域既頻段。市面上其實有唔少多單元動鐵耳機雖則幾好聽，奈何分頻技術參差，令到唔少耳塞整體聲音涵接不順。有指唔同單元會因為cross-over部分做得差而一齊播同一段頻率，而礙於唔同單元設計唔同，令到重疊既頻段唔太自然。我對電子野理解唔太多，但就咁聽落我覺得部分耳塞係有呢個問題存在既。
第二個期望係Stage Diver 3 bass既表現。一直以黎我對於耳塞又或者耳筒，甚至乎係喇叭既低頻，特別係大規模大動態既低頻，都唔算非常滿意。雖然SD3只不過係入耳塞，物理界限明顯，但我都非常期待InEar會有特別既表現。
入手後聽感分享
失望。
雖然SD3理論上係恰如其分，係一隻專為舞台使用者設計既入耳塞，但我會預想到表現同預期中有咁大落差。
SD3絕對唔係一對差既耳塞，單就舞台用耳塞黎講我覺得呢一對係暫時我聽過最舞台向既耳塞。非常易推，iPod Classical下直推表現已經非常唔錯；但係落amp進步並非十分顯著，甚至落amp好容易令到SD3缺點更加明顯。SD3既presentation整體黎講都比較埋身，中頻，特別係人聲，以及低頻，都非常貼耳突出；配合佢隔音既良好表現，我認為係舞台上，特別係vocalist，好似會非常岩用。單就SD3既人聲既演譯黎講，我覺得佢突出得黎無侵略性，容易synchronise，就好比唔使除低一邊互相比較耳塞同身邊表演既唔同。除此之外，由於SD3既低頻緊密有力，十分punchy，相信係較為嘈既環境之下都應該聽到節拍。就聲音上呢兩點加上其配戴感同隔音能力，係未試過用所謂既舞台用耳塞做過表演既情況下，我好武斷咁認為SD3係一副唔錯既舞台用耳塞。
至於暫在一對高端入耳黎講，我覺得SD3雖然唔係無好處，但有較大既局限性。
先講講好處。SD3由於低頻緊密扎實而彈性高，聽起黎十分有動感。基本上音樂感都唔錯，幾engaging。成隻耳塞聲音格調一致，都係微微順滑，有種人為地修順左既感覺。基本上無特別刺耳既位。簡單黎講，SD3係較為實淨而帶暖既一隻入耳。
至於我唔鐘意既地方就有幾點。
第一，雖然以咁埋身既表達手法黎講音場幾大，甚至處於一個無前設既比較下SD3音場都唔係細，但絕對唔會用spacious黎形容。相比起其他耳塞，SD3音場表現只屬於中上，而非官網寫到咁值得自豪。
第二，到底係cross-over出事定係單元選擇既問題導致SD3整體格調變到沉實左同厚鈍呢？雖然未至於過暖，但係SD3個種順滑既聲音都算幾刻意，並唔自然。我幾認同head-fi上面一位師兄所言，SD3既低頻滲左上去中高頻。 呢一點大大打破左我第一個期望。好既cross-over理應可以減輕甚至係解決呢個問題啦掛？
第三，SD3既解像度欠缺一致性。特別被突出既人聲以及低頻的確係大舊左，明顯左，但係resolution無相應地提高。個感覺就好似zoom到一張相起左格一樣，係睇得大件左，但好難話好睇左。唔同頻段既解像度唔能夠互相緊扣，基本上有一定相斥性。
第四，SD3既低頻只係停留左係好punchy，好有節拍感，好扎實既低頻。伸延程度以及自然程度都有所欠缺，相比起某一兩隻出左無耐既高價入耳塞基本上唔算好有可比性。毀滅埋第二個期望。
概括及整合
SD3睇落好似好唔掂咁，但請大家留意，上面所講述既涉及個人偏好程度較多，以及上面係補充一下網上面幾位IEM gurus既一面倒好評，所以單單速讀既話，好易會覺得我講說話過度不留情面，係度倒人爐灶一樣。若果只係聽pop/rock，流行人聲主導既音樂應該幾有特色；又，或者聽簡簡單單既solo或者duet等等既話，以上既問題係可以接受既。
再非常簡單地作結 － 舞台用ok；聽流行及搖滾用ok；大一統總括性黎講的話，古典用no。
但我又好思疑，到底有幾多人會專業到同時又會鐘意用入耳塞黎係台上表演呢？
引延討論
老老實實，就咁打隻無咩人認識又得好少人聽過既耳塞評論討論空間好細。上次有幸邀得幾位相當有經驗師兄短聚，希望佢地唔介意評論以及討論一下啦。
之所以想講講呢隻耳塞其實重點係想討論一下大家所追求，又或者係大家所唔追求既低頻。始終講自己唔鐘意咩好似易過講自己鐘意咩呀嘛。至於單講低頻雖然有所偏頗，甚至失去左所謂既大圖畫，但今次先小試牛刀，如果大家有興趣就先試試只係討論一下低頻呢一點啦。
之所以令我咁有勇氣去馬，試都未試就訂副SD3既原因係黎自官網對其低頻既描述。係我玩耳塞短短既時間，對於大部分耳塞我最唔滿意既係低頻。好多耳塞，特別係動鐵耳塞，於塑造低頻既表現同我所聽開既聲音有所不同：初初聽又幾有趣，但聽耐左就覺得唔係好岩聽。即使係bass-heavy既小玩具們，有返咁上下質量既多數都會破壞左整體表現既平衡；至於站係頻響線上較為平衡既耳塞，我又覺得下盤若有缺失。
記得有次以前同位師兄交流既時侯佢講過「ER4系列既低頻係一束束既」，我覺得呢個描述都幾生動別緻，心諗又講得幾岩聽。慢慢開始，係聽唔同小玩具既時侯都會留意佢地低頻所留下、形象化左既所謂形狀。但後來有日我忽然覺得，點解低頻要有形狀呢？能夠比到我聯想到有形狀既低頻好多時侯都會同中頻同高頻唔連貫，呢度所指既係統一性而非涵接：就好比當中頻同高頻唔會比到我形狀印象，低頻忽然又咁有個性既時侯，就算好聽，聽耐左就會覺得有種格格不入既感覺。
站在一個對立面既比較角度，比起圓潤有彈性又或者係緊密錐形下潛好深既低頻，我會喜歡鬆弛而非鬆散，無線條，較為寬容既低頻。
對於多款耳塞既低頻我有唔少嘮叨，但一味自說自話又實在唔好玩，先係呢度停停。
今次拋磚引玉，希望大家可以分享一下唔同既睇法啦。未知各位師兄會唔會對某類型既低頻好有好感又或者好失感？有無邊隻小玩具既低頻令你不能忘懷？
---
補充聽感請參考hiyori師兄點評
http://post76.hk/forum.php?mod=redirect&goto=findpost&ptid=161394&pid=2629797&fromuid=74969 多謝C兄甘正的分享,尤其此機是有甚麼憂點及缺點!
好多分享只一面倒說其憂點,在參考上有點遗漏。
此終不是所有器材也有機會試嗎。
{:6_198:} c.m. 發表於 2013-6-22 18:16 static/image/common/back.gif
多謝C兄甘正的分享,尤其此機是有甚麼憂點及缺點!
好多分享只一面倒說其憂點,在參考上有點遗漏。
此終不是所 ...
哈哈好欣賞師兄寫用既憂字
的確係一定有憂點同缺點
近來博住咁買既玩具之中
呢隻都算係最失望個隻啦 對於低頻 就個人而言
se215太重太多又矇 人聲可能因低頻又矇
w4r 量適合 質素算係咁 下潛唔深 音樂感幾好
334 低頻令到包圍感同音樂感好好 但可惜貴
因為se215 令到我我唔中意低頻
但試得多之後 原來低頻係好重要
低頻可以令到音樂感好好
至於sd3 好似幾令 有d interest去試下 tommy852 發表於 2013-6-22 21:28 static/image/common/back.gif
對於低頻 就個人而言
se215太重太多又矇 人聲可能因低頻又矇
w4r 量適合 質素算係咁 下潛唔深 音樂感幾好
咦師兄介唔介意再講講334既低頻大約係點架?
我對於334既印象大約係唔傳統既日系
有種較為濃郁既染色
中頻好有特色
整體聲音密度高
但我對佢低頻就唔太大印象呢 本帖最後由 hiyori 於 2013-6-23 12:19 編輯
終於等到斯路兄既大作，希望我可以推到呢篇文上76頭條{:8_389:}
首先非常感謝斯路兄上次給小弟有機會聽呢對華文區幾乎無人提過既入耳，基本上德國制和舞台向這兩個特色加起來比較少有。
而家好多耳機都話舞台好多歌手會選用，或者是監聽向，但有時候這樣說，是希望告訴耳機燒友及客人，這些耳機是發燒向的。一般朋友會有個印象，就是舞台/ 監聽向，那應該是非常準備，平衡，真實，高還原度等等，但其實這些並不必然是舞台上的要求，如斯路兄所說，這些耳機都是給等定位置的舞台表演者，例如對vocalist來說，其實最好的耳機是中頻清楚，突出來分析力高，因為咁樣可以好清楚自己唱緊咩。所以如果大家有細心留意，不同的舞台表演耆，他們的CM都不同的，因為這些CM的調音取向可幫助他們聽他們演奏的部份，其實大家細心留意，也會愛現某些CM廠的民用及非民用是分得很開的，也會推一些真正針對舞台或某些監聽需要的產品，例如UE Vocal Reference Monitor，就是完全針對vocal monitoring，雖然這隻的藍本是IERM，但你可以留意到這隻的FR 是 100多~8K，官網也說了，因為那些高低頻是不必要的這樣
http://ultimateears.logitech.com/en-us/home/ue-vocal-reference-monitors#section=overview
而某家公司甚至曾有一段時間是不做民用市場，原因在此。
不過很多所謂的Stage monitor也只是比較有風格，而不會不合聽歌，因此這隻Stage monitor在試聽前，我也是猜想應會是差不多的東西，而結果卻是完全不同。
回應斯路兄的主題，我會分兩個部份，先說我對sd3的一些粗淺印象。然後另一帖我會說我對bass的一些淺見。
不少地方我都很同意斯路兄的聽感，所以以下大概是一些小小補充這樣
首先不得不說的德國人的做功，不計線材，耳機本身我覺得打做得比同樣是CM造型的334更好，整體平滑而找不到任何可挑剔之處，配載感非常特別，我感到這隻不是為我耳型而設的，但卻是fit到，舒服而且很隔音，一開聲的時候，因為我是聽日系人聲的歌曲，人聲非常搶耳，甚至比很多所謂人聲向的日系耳機更出，人聲的層次很優秀而且非常豐富，不過聽了一陣子，就會覺得有些不對勁，去到一些中段樂器比較多的位置，感到有幾種樂器陷了下去，不算很嚴重，勉強可以說聲音是有些W型，但這個W的右方(高)沒有中間和左方(bass)的高，認真聽會發現這些東西不是弱化了，而是被蓋過了。我認同斯路兄所說的，這隻是適合vocalist在舞台上使用的耳機。聲場方面是「正常」，沒有刻意謍做，但有點影響了定位，另外這隻耳機的分析力有選擇性，可說是和她的w型音色一致的，細節不是多的類型，你也不會聽到高清的聲音，和一般所謂的高清=動鐵非常不一樣。如果你問我，我只聽人聲買這隻耳機好嗎，如果你的人聲真的是比較清唱人聲，這隻耳機會做得很好，否則也許會有更好的選擇，至少日系流行上我覺得不是很夾。歐美系流行應該還是會不錯的。
說到bass，我覺得這隻的bass是有點aggressive的，attack很快有力，但層次不是很分明的，聽電系尤其比較弱，鼓打下來很大力但decay也匆匆，簡單來說不是有明顯的突出之處。至於Crossover的表現，如果說三頻的銜接，這隻只能說是一般，這W型的音色大概也反映了出來就是
bass的討論我會明天再開另一帖寫的{:8_387:} 本帖最後由 斯路 於 2013-6-24 00:49 編輯
hiyori 發表於 2013-6-23 02:43 static/image/common/back.gif
終於等到斯路兄既大作，希望我可以推到呢篇文上76頭條
首先非常感謝斯路兄上次給小弟有機會聽呢 ...
非常多謝hiyori版大既回應呢
係stage monitor上面講得好清楚
受教了{:1_259:}
我好認同W型既講法，的確係有突出到高頻中頻低頻。但係個人黎講會認為中頻低頻比高頻更加突出，就有種好似vV咁上下樣一個半大楷半細楷w，分析力亦的確係因此而有選擇性。
人聲方面多謝hiyori版大既補充呢，始終我無好深入研究有人唱既track，即使係歌劇及lieder都少掂。流行人聲方面日系既補充我只能估個大概所以都無點樣係正文上面寫出黎，hiyori版大既聽感應該會令大家更了解SD3呢
---
edit
至於有關bass既補充，我相信同我同hiyori師兄所聽既音樂唔同以致都有唔少分別。以我認知，流行樂上既bass會係mastering時侯稍稍增加，而古典樂係呢方面應該較少，加上錄音放咪位置以及對回播要求等等既唔同，hiyori師兄覺得aggressive既時侯我可能覺得還可以。至於突出方面，我所指既係hiyori師兄所提及到既「attack」，至於decay係正文上無點寫，因為潛移默化地認為當個bass過分有彈性時，其decay就會做得唔太好啦。好在經hiyori師兄提一提，唔係就好易有誤會呢。 更新少少聽感
至於更日雖然唔常聽SD3，但發現其實如果播一部分比較有drama既音樂，例如係Rossini既交響類短作或者前奏曲都有唔錯既感覺。其drama以及動感能稍稍抗衡其分析、音染以及涵接既問題，係聽歌既時侯會無咁既挑剔以上比較明顯既特色/缺點。 香港係咪應該未有行貨..?
反而想知入手價~ scene030112 發表於 2013-6-24 00:10 static/image/common/back.gif
香港係咪應該未有行貨..?
反而想知入手價~
會唔會有行貨都係未知之數呢，我買時加埋運費應該HKD 4300左右