The Last of us 全單機獎杯流程( 26/6 更新網戰補充 )
本帖最後由 marcolau 於 2013-6-26 14:56 編輯23/6 更新
全獎杯流程。
剛開始 The Last of us 時我感到奇怪，為何過了幾版仍冇彈出一個獎杯，因此睇一下個獎杯列表，原來除4個ONLINE外，其餘全是爆機及搜集等，沒有一點技巧，於是開始計算流程，了解到至少要爆3次機才可完成，這根本就是虛耗光音。
個人建議單機獎杯流程︰
[*]先用完成一次普通難度，主要是認真玩一次，及完成遊戲後開啟「生還者」難度，
其實「簡單」難度亦可以，不過D資源多到要諗辦法用左佢，打怪直頭全程用釘子炸彈及氣油彈已經玩晒，近乎冇必要潛行，這未免容易得過火了。
[*]直接開始「生還者」難度，同時開始進行搜集，因搜集太多了，因此對話得留待下次，順便開門，要留意的是生還者難度未必夠刀仔開晒所有門，因此先記住自己邊度門未開，留翻「生還者+」先開。而升級武器要留力了，主要升級後段武器，何解...之後會解釋。
為何不在普通難度時搜集呢？
1, 搜集即係要睇攻略（當然我唔排除有神人可以唔睇 youTUBE 都搵得晒百幾件物件），我唔建議人一開始睇攻略，請先靠自己打一次，之後你鍾意點玩到得。
2, 因為之後玩「生還者+」可以承繼技能。
[*]開始「生還者+」難度，這次主要做埋對話及開埋剩餘嘅門，而同時開始主力升級武器，但要注意，武器升級不是由9MM手鎗開始，而是由最後一支噴火器開始 ->強力手鎗 -> 短鎗.....總之先升晒後段的武器先。因為「生還者」及「生還者+」物資太少，即使完成也不能完全升級。
[*]完成以上流程就只剩下兩個單機杯「不管怎樣都撐過來了」及「情況緊急」，至少穿牆技能在生還者係升唔到的。因此要再開一次新遊戲+，但今次就用「簡單」難度就可以了，因為物資最多及最易打。
用維他命完全強化喬爾應該好快就完成，因為你應該只差"穿牆"未升而已。
而武器，就要睇你之前在生還者+時升到那一把，如之前已升晒"短鎗"及之後嘅武器，即係你打到去「博物館」搵到支"獵鎗"及升埋就開晒所有單機杯，反之如果你未升晒支"噴火器"，那你就要打到去「大學」了....當然，你能在「生還者+」之前升晒就更好，但似乎不可能有咁多零件。
所以話，隻GAME要爆3.5次機同時要不斷搵升級零件先可以開晒D單機獎杯，都幾係野.....
而 ONLINE 4個獎杯中的「火螢」及「獵人」要打百幾場網戰，又是浪費青春......
一來我未必會去做，二來只要你得閒冇野做你都會開到，只係時間問題，所以冇必要講了。
而另外「人口增長」及「基本技巧」兩個杯，基本上打網戰好快會開到。
補充︰
原來「火螢」及「獵人」並非打就有，而係要保護你營地嘅人，網戰一場等於一日，一般幾日都會出現一個任務，而一個任務期限為三日，如無法完成任務就有可能命營地嘅人大量死亡，或GAME OVER。
而我作日因連斷兩次線加上今日分別又斷兩次線，因斷線會扣一日及沒有補給物資，令本來人口有50人的營地死剩9人，及後因斷線扣了日數而不能在三天內完成任務，最後令全營死亡。斷一次半次唔係致命，但連斷就會令你無法達成任務條件而大減人口.....
所以哩兩個獎杯，難易與否唔重要，重要係求神拜佛個白痴 SERVER 唔好斷線.....
The Last Of Us 爆機後感
打爆NORMAL了，而加向生還者進發.....
之前計錯，唔係爆4次，係一次NORMAL解除生還者模式，再爆生還者開啟生還者+，總共3次。
不過的相信即使一開始有生還者模式大家也不是即玩吧...
NORMAL爆機時間為16小時14分。
整體上我喜歡這遊戲，不單是因為我喜歡潛行，故事劇情吸引亦是重點，感覺似在看一部電影。
回說同廠的 Uncharted 系列，老實講，我以沒興趣了，主要因為故事沒變化，一樣地被朋友出賣，一樣的被跟蹤。集集如是，感覺只是像同一個遊戲玩多次而已，起初有擔心 The Last of us 會否同樣我故事發展，幸好不是。
而少有地，我會留意邊行邊講的對白，小女孩的對白有時真的教人發笑。
在戰鬥方面，人類比怪更難打，一般對人戰會有幾埸強制槍戰，其他都是潛行，
潛行方面其實不太難，因為AI是盲的，只要了解其盲點及近視距離，就能輕易過關。
基於我慣於潛行，遊戲70%前，彈藥是夠用的，而後段因為敵人太多，比較會多用爆破武器及多做交剪近身武器，而後段有火鎗，怪以不再是威脅。
雖然後段有機鎗，但我沒開過一發。畢竟機鎗是留給喜歡硬併的人，用帶鏡手鎗一鎗一個會比較合理。
弓其實不錯，因為沒有響聲，但必定要一擊中頭，否則就大難臨頭。
不過......生還者模式或許資源更短缺.....
可惜的是遊戲bug比較多，而且是致命性的不能save導致hand機。起初以為只是小數問題，但兄肥狗兄也中過，因而擔心打生還者時會否更大情況，所以而加都習慣地留意有否autosave，如果見到長期顯示「遊戲保儲中...」即代表已經中bug，要退出遊戲，否則整段往後的章節都不能save而導致hand機。所以自行手動 save 比較保險。
但我亦試過被敵人殺了，之後RETAY就跳過了這排，幾神奇.....
今晚先找人打ONLINE.... 剛開始生還者，
與NORMAL最大分別是沒有聽覺能力，即係冇得睇穿牆.....死未 marcolau 發表於 2013-6-16 00:56 static/image/common/back.gif
剛開始生還者，
與NORMAL最大分別是沒有聽覺能力，即係冇得睇穿牆.....死未
咁大穫,{:6_198:}
睇黎真係好難玩{:6_192:} 海盜 發表於 2013-6-16 01:10 static/image/common/back.gif
咁大穫,
睇黎真係好難玩
先頭我剩一隻唔知係邊，好左比條女打左
我諗要留意清晒場未，清晒場佢會有對白。
同埋D怪聽力好似勁左，平時正常速係佢後面都唔多覺，而加要輕力行先埋到身，否則就中招，
似乎生還者模式唔係物資短缺問題..... 下年先玩...呢隻... 我都爆左普通 用左14個鐘 good~終於爆機了~遲下可能又打篇review~ 多謝分享！{:6_128:} 唔敢好detail咁睇你報告，立下眼同意你講人類難打過變種人！ lkljason 發表於 2013-6-17 16:25 static/image/common/back.gif
唔敢好detail咁睇你報告，立下眼同意你講人類難打過變種人！
放心，我唔會劇透的....
因為人要打硬仗，強制戰時因為你彈藥有限，所以比較難打。
但玩生還者MODE時，D怪勁左好多，相比人類，就同NORMAL一樣咁盲。
頁:
[1]
2