一步到頂既迷思 (吹水版)
我地香港人有個壞習慣，就係咩野都要快，最好就一步到位。呢種思維係番工做野既時候，當然係好事啦。
但就算現實來講，有時以為可以一步到位，結果發覺行太快太急搞錯野，都係好common既事。
尤其d野唔係咁黑白分明既時候，就更加會發生了。
正如我有位朋友成日都話︰「其實玩headphone就好似追女一樣, 無話一定一黎就係佢, 好多時都係要經過無數既考驗, 有D人中間有可能出現變節, 亦有D人可能一下就中招, 好難講~~~」
我明白好多朋友都唔想走冤枉路，但有事有d野唔係經歷過，其實係好難想像到，未見過既時候，大家都會話，最好俾個女神/ 男神我，個女神/ 男神要點點點就very good 啦，但大家有無留意男神女神多數都係單身，點解？唔係因為佢地唔好，只係大家一開始就誤會左咩野係好者。
耳機都一樣，初初開始接觸，一定會有人同你講，耳機要有音場分析力高要絲滑延伸低要爆心口有層次有attack有punch etc，其實可能一開始大家都唔係好知呢d係咩，但好多前輩話呢樣野先係發燒，係高保真，係神器，係好野。於是，好自然，追求一步到位既你，就會咁樣去馬啦，不過其實究竟呢d發燒高保真，係咪岩自己呢?好簡單，我唔bass得，你俾d 低潛到好盡打晒心口，就算你三頻平衡，我都無福消受，例如又有d人覺得d高頻要夠尖，夠刺，先至有金屬感，夠刺激，夠好夠真，有人就頂唔到，聽親都耳仔痛。真其實唔一定係好，其實就係咁簡單，更唔好講其實所謂真本來就唔係真係咁真，咁簡單。而一個好字，一個頂字，就更加令好多師兄行左好多冤枉路，好似頭先既例子，呢個bass既表現絕對係一個頂，但對我黎講就唔多好，bass head就梗係話好啦。
又有人話，呢d好其實有客觀既，係呀，正如男神女神都有d客觀既野，但你唔會見到個個人都係揀同一個，好簡單，d客觀野你未必樣樣都會在意，但有d野你就可能在意到死，例如有d人要男神一定要1.9m，你差1cm都好，其他野爆燈都無用，呢樣野其他人可能會覺得無聊，同你講佢樣樣滿分wor，你只會回佢一句「但係佢唔夠高wor」，其實有時就係咁簡單，興趣既野就更加係咁啦。
呢篇文小弟希望可以博君一笑之外，更希望大家有咩意見同睇法，可以分享下，無論你覺得我講得岩聽，或者你覺得「你只係吃不倒的葡萄是酸的而已」(我會答你︰只係因為我唔鍾意太甜既野者)，或者任何意見，都歡迎來吹下架。 除左追求即食，仲要有認同感～驚比人笑唔識“玩“ 係“木耳“
講到底headfi 都係興趣既一種 豐儉由人 ～
雖然“一步到位“ 係洗少好多錢 但唔係人人afford到之餘,亦少左好多機會去“理解“ 依一門興趣{:1_263:} 有能力一步到頂添置器材
不代表其配搭器材的能力同時一步到頂
下場往往是落得系統空有無敵音效,但自己聽來卻不什滿意
這時候就要看物主的心態和機緣了 人心不足蛇吞象....
說到底...也是錢作怪...{:6_210:} (都係俾我既藉口來)
猶記當初第一對耳機...當時未有追求...
只係跟機耳機...聽到音樂已經很開心...
到算係正式踏入....第一對已經係CKS90...
當時係咁上網爬文...買完返來又爬....
.發現自己個對網上評測呢個價位唔算好....又心郁郁想轉了...{:6_234:}
想試下動鐵...儲錢就買左對FINAL AUDIO heaven iv
其實我一路都剩係睇網上評...自己跟本冇咩試過其他同價位就買左
到而家...覺得不足夠..又想追求cm 了...
因為睇得太多師兄d毒文....中左d心癮...睇來好快又上4千幾蚊既cm
中路既二千幾三千幾535r w4r...根本都未試過...就一味跳跳跳跳....
雖然睇返覺得自己...係咪應該好似樓主文章咁一步一步來...
享受中間既過程...睇完之後其實都發現自己幾想行埋中間段路...
但無奈...不想再浪費金錢於中間的過程....一步到位享受算....{:6_211:}
抱著遲早都要買的心態...唉....隨緣啦...雖然未到師兄所講...fitear 之類境界...
但睇怕我都停留係呢個我自己既終點算...4千幾玩對耳機已經好好....
到時要換都係咁上下價錢算了...{:6_183:}
不過可能唔追呢樣又跑左去追鏡頭同hifi{:6_194:}
本帖最後由 googleli 於 2013-6-6 00:09 編輯
因為自已走過太多冤枉路，所以有經濟能力的朋友問親我都係叫佢直上custom，升級樂趣可能享受不到，亦都唔係話custom就一定驘晒，但起碼JH13/ES5/UERM等以我玩咁多耳塞（包括universal) 來說，都算相當平衡而有質素的作品，個別朋友真的很喜歡Bass我才會建議最貴的JH16 / UE18. 坦白講我沒有試過世上所有耳塞，但我推薦的custom都是親自跟其他universal和不同的source和耳擴配搭過而個人覺得較好的東西。 雖不敢說一步衝頂就一定是他最喜歡的東西，但以小弟玩耳塞耳擴的經驗，推這些雖不中亦不遠矣。而我所謂的頂是跟價錢無關的，唔係的話應該個個去買Final Audio啦。
而且耳機呢D野真係會浪費，喇叭正常人都係一對換一對，但耳機由於佔空間少所以買完一對又一對又唔捨得放實在是很常見，而現在大部份時間聽的都是喇叭的時候，回想起來那堆耳塞的確是挺浪費的，畢竟只有一對耳，所以才有所謂的一步到位之說。其實一步到位只係咁講而已，我同朋友都話，無人阻止佢上左custom再去聽番其他universal, 更無人阻止佢認為某對 universal 更好。所謂叫人一步到位，只是以我顯淺的經驗推薦一些個人認為最好的耳塞或耳機，僅此而已。
googleli 發表於 2013-6-5 23:56 static/image/common/back.gif
因為自已走過太多冤枉路，所以有經濟能力的朋友問親我都係叫佢直上custom，升級樂趣可能享受不到，亦都唔係 ...
googleli兄的經驗很有參考價值，相信係好多發燒過，行過多冤枉路既玩家既心聲
我因為行過冤枉路，所以希望分享自己經驗，推薦自己體驗過既好，等佢地可以避開d容易唔少心浪費左錢既位，我覺得係好有意思，亦係好保貴同好有價值既分享，各位師兄將呢d概念分享出來，可以幫到好多玩家做少好多功課同實驗，係好有價值。所以我好希望大家可以分享多d經驗，咁可以睇到唔同玩家對好既追求，幫助自己思考自己條路。
小弟如果表達得唔好，希望各位師兄唔好見怪{:8_387:}
其實小弟一路都唔係想叫人唔去追求同分享「頂」、「一步到位」同「好」呢d諗法，我覺得呢d經驗係好有意義同討論價值。
我只係擔心有一d開始接觸呢門興趣既朋友，有時會好易將人地既「好」，當左自己既追求。我一開始玩都有經過呢個階段，後來慢慢先搵到自己條路，我覺得玩左一段時間，自己對點為之好，一定已經有一套想法，亦都會搵到自己個頂，呢個時候，例如我自己都會希望，自己如果一開始就知道呢d，咁就唔洗行冤枉路同節省好多錢。
所以我寫呢個帖，主要都係俾開始玩耳機或者玩左一輪耳機但係有d迷失既朋友睇，試下俾多個角度佢地去思考下，會唔會自己其實一直都唔太了解自己既追求，只係單純咁跟隨前人既成功之道。
正如johnmo兄講，好多時我們學習成功人事，學到個型唔難，但了解其中奧秘就唔易了。
其實小弟最終都係各位師兄可以分享多d奧秘，咁就好好啦{:8_384:}
人外有人，天外有天，没有最好，只有更好！
何謂頂？
唔計口味，今日之頂唔等於明日之頂。
亦無需刻意一步步黎，求"玩野".
一切視乎自己對耳聽得出幾多，聽得出就上。
我曾經以為已上到很高，但而加回頭看，原來仲係入門。 我唔知往後回看現在係咩级數。
功力要自己累績，睇人意見只可參考，不能盡信。
講回實例可以分享下自己意見。
我絕對唔建議新手直上cm !
首先cm demo同實物已經唔同聲，唔一定會好左！以bass為例，demo 個bass啱聽，但fit左後可能會強左，強到over左都有機？
其次，好多新手其實自己要乜都未知，上左cm先發現唔啱，到時仲side錢。 就算ok聲，你都唔知咩係頂。 cm 二手要放難過乜！
除非自己好淸楚自己要乜同点玩先好搞cm.
有一次有位師兄自稱新手，用sony player直推stage 4 . 試左我套器材推er4b 後問我隻4b幾錢同換左咩線，点解會好聽咁多？ 我話佢知只係千七蚊原裝四仔！
Stage 4 夠頂级未？唔係stage 4唔好，亦非4b無敵，固中原因值得深思。
果位師兄如果見到請勿見怪。
新手最好玩下二手，頂唔頂唔緊要，二手黎二手去，了解多D。 玩喇叭都有分 HI-FI(音效)派 和 音樂派，一派追求音場定位，高低延伸，另一派講究自然流暢，聲音感染力，
其實耳機都差唔多，大家聽取其它人既產品推介和分享時最好自已消化一下，知道自已要乜，行少D冤枉路。 即係咁，你冇可能同個小朋友講「讀小學中學係冤枉路、吾值得，一讀就直接讀大學」掛，正常都係學識左小學d野再上中學，識左中學d野再上大學，學吾識咪留班再讀law，比你咩都冇讀過直入大學你都學吾識佢d野la。
迴避冤枉路可能係響呢d位吾好識左小學d野又再讀一次小學，或者簡間好d既小學黎讀
我有時都拎番對215出黎聽下複習下，諗下點解d人會咁評價呢隻耳機？佢又同我家陣d 一、二千蚊耳機分別響邊度？
小弟我響耳機方面，仲讀緊小學，甚至留緊班，留左響 hiyori師兄所講既「唔係好知呢d係咩」、「唔太了解自己既追求」果度 本帖最後由 jaffeinism 於 2013-6-6 11:37 編輯
CUSTOM太麻煩了, 要搞甘多野 ... 吾fit位又要重做, 真係無甘得閒
又吾係靠cm搵食, 蒜吧啦
而家一副ie800好滿意