"熱血喪男"玩"飢餓遊戲"...... J J 小評 (含內容)
先講講熱血喪男，估唔到喪C片唔玩Cult唔玩血腥，更加無大灑鹽花，我竟然覺得好好睇，故事性同選角功不可抹，首先故仔係講一條喪C有自己思想已經破晒格，再加上對女主角一見鍾情，之後因為愛而再感染其他喪C慢慢康復，由原本人類要對付喪C同皮包骨呢兩類型既生物，到最後喪C同人類攜手合作，劇情合唔合理並唔係重點，結局有情人終成眷屬亦都預左，o係情人節既時候上映真係應晒節，因為套戲真係岩晒情侶結伴去睇！講多小小套戲既配樂同選曲真係幾正。雖然我知道同"搓泥" (Twilight - 吸血新世紀 ) 比較並唔係好公平，但因為咁岩呢套戲既男主角塊面同Edward都係白檬檬，難免令我覺得有d Edward feel，但呢套戲我覺得好睇過"搓泥"9倍。74nL3PCeabE
飢餓遊戲係因為睇完失戀自作業後，女主角勇奪影后，想睇下佢首套擔正既電影演成點，睇完後翻查資料，至知道原來套戲係一套暢銷小說改編而成既電影，亦先知原來係有三部曲，作為打頭炮既首集，初段因為要交代呢個飢餓遊戲既玩法同來龍去脈，所以略為沉悶係可以理解，到中段開始遊戲後就漸催緊張，結尾留既伏線，我覺得續篇可拍可唔拍，當然而家套戲大賣，第二集已經鐵定o係今年11月上畫，預告片亦已經出左，有興趣可以睇睇。
故事我覺得其實最終係比喻有錢人同窮人既不公平，因為女主角既出現，加上仲要勝出呢場玩命遊戲，首集結尾留伏線就係引起呢班所謂有錢人既不滿，最終民眾起唔起到革命推翻呢項專政就要下回分解o勒。
vY9oBuwDR78
飢餓遊戲2 星火燎原 - 預告片
CwAJdFWiUy8
頁:
[1]