尋找他鄉的黑膠 - A Man's Quest For Vinyl
新手上路。見咁多CHings 分享黑膠收藏，小弟亦趁吓熱鬧同大家分享吓我嘅收藏。今年剛好係離開香港20週年同時亦係收集黑膠20週年，所以希望來個小總結。同時亦希望同D值錢嘅黑膠及CD 影相做記錄;等老婆知到家中黑膠吾係垃圾，吾好等我死咗將我D珍藏全部捐晒去thrifty store.....哈哈。我係黑膠cheap友，從來吾會用超過US$20買一隻LP 因爲吾捨得; 全部LP都係2手貨除咗喺前兩年買嘅Mercury Living Presence Volume 1 同 The Decca Sound box set; 但每盒都吾過 US$100。
師兄得閒多啲過嚟分享下,歡迎你....{:6_190:} 當年剛岀來工作得到一份人人都覺得好的工作，有餘錢買音響同CD。初哥當然要買Hi-Fi 雜誌做參考書買CD; 同事介紹睇 Hi-Fi 音X咁就一睇5年。記得雜誌曾經介紹過 Chesky classical CD 同讀者文摘LP 的淵緣；咁我就上咗腦決定去到美國時要搵讀者文摘嘅LP。當時我都有捧Chesky場㗎不過買得兩隻CD咁多，因爲Chesky CD 比較貴同要儲錢讀書所以吾可以買多。
93年去讀書時我帶咗兩百幾隻CD同行; 其餘嘅要喺2年同8年之後先可以帶走。去讀書嘅小鎮喺偏遠嘅地方；當地冇Hi-F舗冇CD舗但有一間thrifty store 但冇乜好野。喺嗰度兩年買咗嘅LP最後轉校時賣咗大部份。其實頭兩年花喺LP嘅錢係當用嚟交學費; 好彩50仙一隻吾算交咗好多學費！不個有一次用咗$60買咗一堆LP (有幾盒讀者文摘LP 不過吾係古典) 俾錢時老婆冇出聲但係佢吾開心咗成個星期因爲嗰$60對窮學生來講好重要，D錢 夠買3個星期餸！ 初到步時去學校圖書館搵Hi-Fi雜誌竟然俾我見到 American Record Guide, Fanfare, 同其它幾本音樂雜誌。咁就搵mail order LP 舗然後寫信 joined 2 個mailing list。當時定期收到 For Sale List (2-30 頁厚 ＋非常細隻字）隻隻LP都起碼要$5-6 張，collectible 仲要幾十蚊張;對我來講跟本冇可能買得落手！但mailing list 俾我知到邊D label 係好嘢、值錢嘢；咁我就知應該留意邊D LP。Subscribed mailing list 幾年只係幫襯過一次、用咗十幾銀。其中一間 mail order 老板出咗本書叫 Canfield Guide, 當時要賣成幾十蚊; 當然冇錢買。喱幾年先知 Cannfield Guide 係本好嘢，而家最平都要百幾蚊先買到2手。頭兩年尋找讀者文摘LP的故事冇好結果; 2手舗冇，mail order 又貴！當年以下幾盒讀者文摘LP box set全部過佰蚊。所以一有機會出城 (240英里遠) 就會去城嘅2手舗搵但都係搵吾到；直至轉校去大town讀時日日放學行2手舗先俾我搵到吾單只讀者文摘LP box set, 仲加壓埋其它好嘢…..我大部份嘅 RCA Living Stereo, 一部份嘅 Mercury Living Presence都係當年喺大 town 讀書時用50仙一張買嘅。係大town 住咗6年買咗過千伍張LP 不過畢業搬屋時賣咗一半………. 係大town 住時搵到嘅讀者文摘LP box sets:
喱盒應該係早期發行嘅 late 50s 到 early 60s。係我第一盒 RD box set.而家行2手舗間吾中都見到 ctwdavid 發表於 2013-5-11 16:35 static/image/common/back.gif
師兄得閒多啲過嚟分享下,歡迎你....
多謝！一定會時常嚟。希望可以同大家分享尋膠嘅樂趣{:6_208:} 喱盒 Leibowitz Beethoven 當年 Chesky 都有出; 我都搵咗幾年先搵到佢。從來都吾會強求，遇到就買，遇吾到就算。喱盒咁多年都遇到過幾次。
Rachmaninov Piano Concertos: Earl Wild / Horenstein / Royal PO.
喱盒20年嚟只遇過一次！仲要係好偶然嘅程況下買到因爲佢冇咗嗰外盒所以好吾顯眼。都搵咗5到6年先俾我遇到。
個日照常放學去2手舗搵碟；搵完冇乜好嘢準備走，見到仲有盒黑色嘢未睇咁就順手攞喱望下；點知搵到寶。老婆問我點解咁興奮，我話盒碟值錢，同埋我等咗佢好耐終於俾我遇到。即俾2蚊走人。買咗佢都有十幾年、係2手舗一值冇見過第二盒。
Treasure of Great Music
呢盒20年嚟見過2 次, 一次見到我買左; 另一次幾年前見到買吾落手。呢盒既幾張嘅曲目比Chesky 出左CD
明天繼續