今次真係忍無可忍！ （只希望有關方面關注）
本帖最後由 lampard 於 2013-5-8 21:24 編輯其實反反覆覆呢個題目都討論過好多次!
可能有好多ching唔介意，但係我仍然尊重"唱片"，
一張唱片係好多個單位嘅心血結集出嚟，
包括曲，詞，編，監，唱，録同包裝......，
作為一個設計人，包裝更是未聽碟，先研究嘅項目，
但係今日購買呢隻唱片一打開，隻碟重花過平時買90年出嘅二手碟!
只係外觀要求，駁位無理由做喺前面，咁難睇! 呢隻唱片，拎走面條紙套一打開，裏面果兩份嘢就跌出嚟！
左手拎紙套，唱片又三摺設計，重有兩本嘢，CD又咁難拎，
所以聽呢隻碟唔放低其它嘢係無手攞碟嘅！ 相比下小琳果隻就好D啦! 好多ching話隻碟花，又膠水漬，又幾乎屈斷隻碟先攞到出嚟！
本來以為粒EVA做大咗，度完發覺尺寸同隻重譯一樣，
但係粒EVA硬咗同高咗，攪到咁難拎！
其實做之前無試過嘅咩？？？ 原來如此，又真係幾鬼煩，最憎係D野散收收…… 明明隻碟係新，但個盒同歌詞都起晒白邊！
重殘過聽咗幾年嘅蘇永康so i sing同譚詠麟愛的根源! 其實做到個盒大細邊，如果目的係唔想壓到隻碟，咁不如加返個碟墊咪仲好!
又整齊，又無之前嘅問題出現! 今日下午換碟時見隻碟無咁花，所以本書嘅角摺起晒都算啦!
唱片除咗録音要靚外，唱片本身也有其收藏價值，
如果消費者唔鍾意個歌手或者裏面嘅歌都唔會買啦!
所以，請各有關業內人仕提高返行業嘅標準要求，
唔好成日賴無人買正版!
本帖最後由 lampard 於 2013-5-8 22:14 編輯
不過隻碟録得幾平行自然！靚過張生隻pink diva, 值得擁有！ 我都好x討厭啲紙盒紙套有花有巢，每次買時都要check吓八隻角有冇凹，又要睇吓個套有冇劃花，最PK就係內傷無得check，黄凱芹呢種包裝，絕對唔買。