特工muffy第二發 – Bowers & Wilkins P3
首先多謝大家支持小弟既處男下海之作, 重要封咁多利是…真係意想不到!!! 第一次下海就有咁既反應, 所以梗係要再接再厲啦!今次要測試既係一個我好少接觸既品牌 – B & W. 之前果篇Momentum, 其實作為森海既粉絲之一既我 (我自掏荷包買過HD800, HD700, HD600, IE800, IE80)都好熟悉, 所以寫起上黎得心應手好多, 今次終於有挑戰!
講番對P3先, 為左原汁原味, 係收到實體前我刻意避開所有網上既評論同埋圖片 (真係堅辛苦! 我個人好有好奇心架嘛), 收到果刻果然有料到! 呢對係天藍色, 唉我連佢出左咩色都唔知, 不過呢隻藍色幾sharp! 一開盒…WOW!!! 原來入面重有一個盒…呢個半圓形既盒下低就係說明書, 同埋暗格入面收埋左多條無MIC既線, 都係藍色架…
好啦好啦知你地就黎鬧爆我啦…入正題! 個耳機盒一打開, 主角出場!
拎上手把玩左一陣, 發覺佢既線條非常優美, 應細既地方細, 應大既地方…都係細 (我講緊耳罩細ja…) 可以摺得埋, 搞到成對太陽眼鏡咁, 幾型棍
至於造工方面真係好正, 側面既 B&W logo用料上剩, 耳罩感覺似好柔軟既衣物料, 戴得幾舒服, 而且出奇地隔音唔錯, 所以雖然耳罩係細D, 但係無影響到配戴
對於好似小弟一樣既大頭人士…(我個頭堅大, Momentum兩邊要拉到盡咁滯) P3我都幾乎要拉到盡, 但一戴上頭既感覺良好, 幾貼個頭同埋個Head band幾舒服, 感覺上長期配戴都會好舒服 (可惜經過), 最緊要係對P3真係好輕!!!
耳罩果兩塊棉用左磁石而非一般既擰一擰, 扭一扭, 拔一拔, 拎開後發覺原來係可以換線架! 不過條線好幼, 同埋SIP左係入面, 應該一般線都未必插得入 (我測試過我果兩條HD700線雖然都係2.5mm頭但插唔入)
聽感分享:
今次既開聲機都係AK100 (唔知咩叫開聲機請參考我上一篇文啦:P 順便賣廣告哈哈哈), 一開聲發覺幾暖下, 隔音比預期好好多, 而且個Bass有點而明顯…
AK100係一部偏向中高頻既播放器, 證明P3既Bass量應該算多
聽真D發覺P3既特性係”動態強”, “音場偏細”, “人聲出”, “味精少”. 初步估佢聽快歌應該唔錯 (比我預期佢既賣點完全相反囉…個樣勁斯文但原來好開放!)
經過一段時間既測試, 佢既bass幾唔錯, 有小小打心口既感覺而且唔會過量, 聽快歌同埋重金屬幾有味道, 會聽到頭Fing Fing. 相對之下聽人聲 (尤其女聲)雖然唔差, 但感覺有D悶, 好似好平淡, 應該係D人講開既唔夠毒, 延伸程度一般, 尾音收得比較快, 由此可見人聲演繹絕非P3既強項
音場對比我聽過既其他HP相對較窄, 所以聽大型音樂真係一般. 分析力中上, 不過有時候分析力低未必係一件壞事, 樣樣野分黎曬會唔夠連結性, 聽起上黎會有D吃力 (雖然我都係prefer分析力高D)
定位反而唔錯, 以呢個價錢黎講其實都收貨
我用過唔同既Source黎聽歌, 發覺提聲唔大, 所以budget少既玩家可以考慮呢對P3, 唔會話要好貴既設備先推得出靚聲, 呢點都幾緊要(由於對比方面會有另外一位師兄測試所以今次唔寫啦)
由於最近較忙, 所以測試既時間唔多, 寫得不足之處請大家多多見諒! 總括黎講對第一次接觸B & W既我黎講, 對P3俾我一個幾好既印象. 佢既每一樣野都幾平均, 精美既造工, 舒適既配戴, 性價比合理既聲音, 以呢個價錢黎講, 喜歡portable HP而手上既設備又一般既師兄們可以多一個選擇!
份報告ok喎...睇完真係有d衝動添~~不過d相禁難load既, 等咗好耐都睇唔到... titus614 發表於 2013-4-16 19:52 static/image/common/back.gif
份報告ok喎...睇完真係有d衝動添~~不過d相禁難load既, 等咗好耐都睇唔到...
多謝支持!!!
Load多陣啦, 可能size大左小小 正呀, 個REPORT好毒下, 攪到我都想TRY TRY!!!!{:6_235:} 里隻藍色比較潮, 同個look有d唔夾{:6_165:} 估唔到同P5相反~~
咁佢應該係似C5多過P5 好吸引，聽日睇下有無機會會下佢先~ 我都買左對比我老豆，不過佢係旅行睇戲用，貪佢細細對wo.
估唔到P3 走P5既相反路線{:1_352:}，不過我有P5覺得P3耳罩真係有點細，
不過可以摺到咁細對有真係幾方便既。
多謝大家支持!
因為我無P5所以作唔到比較, 不過P3係幾方便下 本帖最後由 frankiechan 於 2013-4-17 12:06 編輯
幾靚仔、幾吸引喎!{:6_193:}
我都想試埋P5! 唔知P5 o的係點呢?
頁:
[1]
2