家強: 對不起沒有 Beyond 了 家駒逝世 20 年紀念騷告吹 (轉載)
轉載自蘋果日報 2013 年 4 月 4 日網上娛樂版今年是搖滾班霸 Beyond 成立 30 周年，也是靈魂人物黃家駒離世 20 周年的日子，昨日清明前夕家駒墓前已放滿鮮花，死忠 fans 都希望 Beyond 能重組舉行紀念騷，可惜願望成空，葉世榮強調只是 Beyond 前成員，他希望用餘生追尋自己的理想，黃家強昨日更感嘆：「對不起! 沒有 Beyond 了!」兩人只會各自開騷，Beyond回歸舞台成了永遠等待!
http://static.apple.nextmedia.com/images/apple-photos/apple/20130404/large/04ec1p1.jpg
■今年是黃家駒逝世 20 年，也是 Beyond 成立30 周年，可惜三子理念有分歧，紀念騷頓成泡影。《壹週刊》圖片
隨着一代巨星張國榮 10 周年悼念告一段落，6 月 30 日就是黃家駒離世 20 周年，昨日清明前夕，將軍澳華人永遠墳場的家駒墓前放滿鮮花，也有人以煙代香拜祭，剛巧今年亦是 Beyond 成立 30 周年，很多忠實 fans 都想 Beyond 搞紀念騷，去年已有網友在討論區發起要求，據聞家駒弟弟黃家強也有一份情意結，製作人丘亞葵曾斟洽三子開騷，丘亞葵昨日在電話中承認說：「上年搵過家強，佢同阿 Paul (黃貫中) 都有興趣，但世榮唔想做，既然佢哋意向唔同，無謂勉強。」
巡唱可各袋千五萬
自 Beyond 失去靈魂人物家駒後，家強、Paul 和世榮一度失去方向，重組又拆夥，又屢傳不和，尤以 Paul 和家強的關係最緊張，因當年家強被指爆 Paul 和朱茵的拍拖行蹤。而近年世榮轉戰內地賺人仔後，有傳家強和阿 Paul 不滿世榮在內地用 Beyond 名義搵錢，故破冰後的家強和 Paul 於 09 年在紅館開騷也飛起世榮。雖然三兄弟決裂傳聞屢見不鮮，但有很多主辦機構依然不死心，不停游說 Beyond 開紀念騷，據知有主辦機構利誘三子，以 80 萬一場紅館價，內地則是 200 萬人仔，美加、澳洲和星馬則為 100 萬，估計 Beyond 開 40 場巡唱三子可各袋 1,500 萬。
http://static.apple.nextmedia.com/images/apple-photos/apple/20130404/large/04ec1p2.jpg
昨日本報記者透過 WhatsApp 聯絡家強，提到很多歌迷期待 Beyond 開紀念騷，他回覆說：「對不起! 沒有 Beyond 了，這個我不答了，見諒。」他留言謂感到無奈，相信會狠狠打碎歌迷的心，令人傷感。至於身在香港的世榮昨在電話中說：「今年家駒 20 周年忌日，任何人都懷念佢，希望佢喺遠方過得開心，我都有夢到佢夾 band。」
http://static.apple.nextmedia.com/images/apple-photos/apple/20130404/large/04ec1p3.jpg
世榮追夢無意重組
對於會否舉行 Beyond 紀念騷? 世榮說：「我身份係前 Beyond 成員，唔明點解個個問我搞唔搞? 仲有好多前成員，佢哋都好大貢獻，重組任何成員都可以，我只係一分子，我唔會反對重組，自己有原因唔想參與，對我嚟講 Beyond 喺 05 年已解散，我唔想重複重組解散，我有自己夢想要做，我年紀唔細，時間買少見少，人生無常，點解唔畀我人生最後 30 年做自己夢想? 我點解要滿足大部份人要求?」
世榮指自己不是唱幾年歌就滿足，他的夢想是做好音樂：「我一直鍾意重金屬搖滾，需要時間鍛煉；第二個夢想係培育新人延續精神，所以我寫咗首歌《薪火相傳》紀念家駒。」世榮強調跟家強及Paul兄弟情不變，他說：「我哋仲係好兄弟，我哋冇不和，講幾萬次為各自理想。」雖然 Beyond 紀念騷開不成，但家強將於 6 月在 Star Hall 舉行個人演唱會，世榮則於 7 月在九展開騷，尋找各自理想。
搖滾班霸: 光輝歲月
http://static.apple.nextmedia.com/images/apple-photos/apple/20130404/large/04ec1p10.jpg
Beyond，就是「超越」的意思，由結他手鄧煒謙所改。初期由地下音樂開始，85 年自資舉行「永遠等待」演唱會後知名度急升，將屬於他們的搖滾音樂帶到地面，甚至開拓日本市場，歌迷遍佈亞洲。
83 年
- 黃家駒、葉世榮、鄧煒謙及李榮潮組成 Beyond，並在雜誌舉辦的結他比賽中奪冠。
- 李榮潮及鄧煒謙先後離隊，黃家強84年加入。
84 年
- 與其他地下樂隊灌錄了唱片《香港》，當中有兩首英文原創歌曲。
85 年
- 自資在堅道明愛中心舉行「永遠等待」演唱會，因結他手陳時安離隊，
邀請當平面設計的黃貫中 (Paul) 加入。
86 年
- 自資推出《再見理想》錄音帶，結他手劉志遠加入。
87 年
- 推出首張大碟《亞拉伯跳舞女郎》，大賣異國風情。
http://static.apple.nextmedia.com/images/apple-photos/apple/20130404/large/04ec1p11.jpg
88 年
- 劉志遠離隊，Beyond 進入為人熟識的四子年代；
大熱歌曲《舊日的足跡》、《大地》、《喜歡你》同年面世。
89 年
- 阿 Paul 與家強拍攝無綫劇集《淘氣雙子星》；母親節必唱的《真的愛妳》面世。
90 年
-《真的愛妳》橫掃樂壇頒獎禮，Beyond 開拓內地、台灣、新加坡及馬來西亞等市場。
91 年
- 四子到非洲肯雅探訪貧民，家駒寫了一首《Amani》呼籲世界和平。
同年首度踏足紅館舉行五場演唱會。
92 年
- 與日本經理人公司Amuse簽約，推出日語專輯《超越》，進軍本市場。
http://static.apple.nextmedia.com/images/apple-photos/apple/20130404/large/04ec1p12.jpg
《壹週刊》圖片
93 年
- 家駒拍攝日本富士電視台遊戲節目時，不幸由三米高台墮下喪生。
94 年
- 三子簽約滾石唱片，主攻香港及台灣市場。
96 年
- 舉行四場「Beyond 的精彩演唱會」，家強在尾場含淚唱出《海闊天空》紀念家駒，場面感人。
99 年
- 舉行完「Good Time 演唱會」後宣佈暫時解散，三子分道揚鑣。
03 年
- Beyond 成立 20 周年，在紅館共舉行八場「Beyond 超越 Beyond 演唱會」，反應熱烈。
05 年
- 舉行完「The Story Live 2005」後，三子以音樂上有分歧為由，再度解散。
09 年
- 家強和阿 Paul 開騷，但世榮沒有參與。
2013 年 (昨日 ~ 4 月 3 日)
-家強承認 Beyond 年代已完結。 Thx to sharing.........Beyond good {:6_193:} "家強承認 Beyond 年代已完結。"
He just do the right thing. {:6_165:} 此情可待成追憶 只是當時已惘然 講真無左家駒既 Beyond 已經沒意思了 {:6_180:} keke323 發表於 2013-4-5 13:49 static/image/common/back.gif
講真無左家駒既 Beyond 已經沒意思了
完全同意, 就等BEYOND成為大家的記憶吧!!!! 小瑟 發表於 2013-4-5 13:57 static/image/common/back.gif
完全同意, 就等BEYOND成為大家的記憶吧!!!!
無辦法....Beyond 既靈魂重心人物落左係家駒到....
好簡單...我第一隻買 Beyond 既 cd果陣聽完成隻碟...
我無無聊聊睇下 d 作曲作詞...點知..原來所有 Beyond 既歌作曲全部都係由家駒負責{:6_121:}
對住家駒.....我真係要講個服字 {:9_426:} {:9_426:} {:9_426:} {:9_426:} {:9_426:} 家駒都好醒架勒, 之後隔一陣就會搵其他人上下, 咁樣可以保持到新鮮感又可以另大家更了解 BEYOND, 不過主音呢家野.............始終家駒都係冇人可以代替到呢~~~~ keke323 發表於 2013-4-5 13:49
講真無左家駒既 Beyond 已經沒意思了
又唔可以咁講......
無咗家駒既BEYOND一樣好BEYOND!
只係有家駒既BEYOND更BEYOND啫~
而且,真正既家駒仲未出現............ 245141525 發表於 2013-4-5 15:09 static/image/common/back.gif
又唔可以咁講......
無咗家駒既BEYOND一樣好BEYOND!
只係有家駒既BEYOND更BEYOND啫~
......................祺哥, 咩叫真正既家駒呀????? 難道, 你預計到家駒已轉世再戰香港樂壇???{:6_176:}