[76 特工玩家報告] 特工處男下海首發 - Sennheiser Momentum
首先多謝大家既支持!!! 既然唔Click都Click左入黎, 希望各師兄可以忍耐小弟既廢話, 我自問文筆唔好而且書寫混亂, 希望大家可以忍耐, 但我保證會以一個真正用家同埋最中立既態度去評論及感受每一件產品.好會我讚, 超好我會大讚; 差我會彈, 好差我會鬧爆! 同埋可以成為特工其實過左幾個關斬左幾個大將, 大家可以放心閱讀! 我地做曬壓力測試, 什麼打手, 利益衝突根本唔會有, 我過得檔黎呢邊肯定有我既理由! 呢度Pro好多同埋唔會打壓, 亂鎖A/C, 而且有個好全面既二手買賣區 (大佬, 起碼唔會delete曬所有post跟住reset所有帳號啦, 係咪?)
好啦抽完水講完廢話入正題先!
Momentum(以下簡稱M仔)係Sennheiser近期推出既Portable Headphone, 雖然出左短短幾個月, 但身邊朋友入手既都唔少, 主要原因如下:
1. 高性價比 (而加HP下下都5,6千…難得有對一半價錢左右)
2. 配戴舒服 (經親身體驗, 長期配戴都唔太夾頭, 4眼人士唔洗怕啦)
3. 容易驅動 (一般Portable裝備夠推有突, 但當你用勁野推就會…下文會講到)
4. 造工精美 (對比好多flagship, 佢既造工仍然突出)
以下為小量開箱圖 (順便測試一下剛入手既Xperia Z :P)
聽感分享:
基於管理層既要求, 希望由用家既角度入手, 所以我用詞盡量Layman小小, 希望資深玩家多多包涵同提點, 而新玩家就多多指教. 另外由於坊間太多專業開箱文, 篇章清晰, 層次分明, 論點精闢, 小弟之前既文章雖然都類似, 但自問文筆略遜, 所以由呢篇開始轉用其他風格, 大家不妨當一個故事黎欣賞 (大佬D人係專業架, 分分鐘靠支筆搵食 而我只係一個酷愛聽音樂既打工仔, 邊有得鬥…) 不過有四個字係非常緊要的, 就係 “耳聽為實”. 但基於大家時間有限, 所以不妨參考小小文字再去聽都唔怕, 成本效益更高!
一開聲………其實無咩特別, 可能一黎聽得好野多, 二黎我開聲機 (即係首次用黎推一樣新野既Player, 呢個term自己老作扮PRO only) 選擇左AK100, 最後發覺係正確既決定…下文會講
又講下造工先, 以呢個價錢雖然送左個好實淨既啡色盒仔, 而對野既造工真係非常精美, 耳罩略細但幾鬆軟, 頭頂BAR用皮做但唔硬, 簡直係一件藝術品! 對上令我非常滿意其造工既應該要去到IE800既陶瓷面啦!
呢對HP如果要用幾個標籤詞語黎形容可以話係 “溫柔”, “人聲”, “平均”, “舒服”
因為…聽聽下訓著左…哇哈哈哈! 佢既Bass唔多唔少, 唔深唔淺, 小彈但質數幾好, 至於高頻極少齒音而且一D都唔尖, 幾有穿透力但演繹得非常溫柔, 我試過聽搖滾類, 發覺不太夾, 但人聲系列 (尤其係毒女聲) 系列就非常滿意, 包你有驚喜
由於身邊有朋友用大磚頭黎推 (我體力又差, 又嫌麻煩, 所以出街一部AK100行走江湖), 好評如潮, 所以好奇心驅使之下決定換set-up再試.
今次用左IPC+SOLO+911 AMP黎試, 一開聲果然有驚喜! 分析力高左一個開而Bass比之前提升左 (不過 Bass絕非 M仔既強項, 請Basshead有定心理準備, 買錯唔好賴我…), 人聲真係好好聽, 好甜好靚好銷魂, YEAH~~~~~~
好! 一於再加碼! 由於我係家用新手 (另外兩位特攻成員記得幫拖呀~.~), 所以屋企無咩靚野, 得套加埋萬多元既冷門野. 我估都好過Portable掛, 所以照試!
一接上M仔…WOW!!! 係正WOR~ 對HP好似變左身咁…即刻唔似3000大元既質數! 由於手頭上既裝備唔多, 只能作有限既產品比較, 多多見諒
VS HD-25: 由於無長時間聽過Amperior, 所以同前期既HD-25比較, HD-25更夾頭而低頻演繹更有氣勢, M仔相反比較清新而更溫柔, 曲風不同但個人更偏愛M仔
VS ESW11LTD: 主要分別在於空氣感! 木殼既魔力我唔多講, 故此包圍感特別過M仔, 絕非好過但人聲有木味, Bass大家都唔強但人聲都係M仔好聽D, 不過低階產品發揮下ESW11LTD表現更出色, M仔原來都大食!
VS HD700: 越級挑戰! 價錢差一倍, 但聽落其實有得砌, 分析力低頻M仔爭D, 但人聲我覺得KO到700, 而且都係果句, 聽得好舒服
番外篇
話說有朋友到舍下作客, 見到我對野 (講緊M仔…唔好誤會)即刻問咩黎, 我二話不說獨樂樂不如眾樂樂, 係佢問完價後 (同上…唔好誤會)用IP5黎推: 好似感覺同其他 (佢有對幾百蚊既雜牌)唔係差好遠…邊值3000呀?
之後用我套Portable黎推: 哇, 首歌好聽左wor, 點解好似係耳仔隔離唱咁既? 同埋背景音樂多左D
最後用台機推: 哇哇哇!!! 做咩會咁既?!?! 超好聽呀頂!!! (之後霸住黎聽左半個鐘……)
所以實驗證明, M仔對唔同既音源有好大分別, 你俾飽飯佢食, 佢一定好招呼. 你俾平野佢食, 佢咪交行貨囉, 但D行貨一D都唔差, 我覺得幾適合我呢D窮人玩! 最恐怖既野就係……以上所有測試只係用原裝線, 所以肯定重有得上!
總結
好啦歡樂既時候過得特別快, 又係時候作個了結….講錯係總結…
如果你有一套唔錯既裝備而又唔想洗5, 6000買唔同品牌既flagship, 以呢個價錢黎講你無理由唔買! 當然唔好期待佢識飛 (試問有邊對HP識飛呢~~~), 但以CP值黎排我肯定佢排2012年TOP THREE!
總之我建議大家可以俾佢一個罩住你對野(我講緊耳仔呀)既機會, 聽完唔arm無野輸, 但arm聽其實不如俾個機會佢啦, 好野黎架~
YEAH~
YEAH, 特工隊首發~~~ 支持支持, 一陣有時間再睇真D內文先~~~{:6_178:} 人聲KO HD700, 真係禁堅, 好有性趣試吓喎~{:6_174:} 小瑟 發表於 2013-3-22 17:39 static/image/common/back.gif
YEAH, 特工隊首發~~~ 支持支持, 一陣有時間再睇真D內文先~~~
多謝大哥支持!!! ahnel 發表於 2013-3-22 17:54 static/image/common/back.gif
人聲KO HD700, 真係禁堅, 好有性趣試吓喎~
我個人覺得ja~
同埋HD700既強項絕非人聲~
幾時試下我隻momentum出個番外篇？ stevenyu2000 發表於 2013-3-22 18:31 static/image/common/back.gif
幾時試下我隻momentum出個番外篇？
因為想原汁原味, 加上唔係個個都會換線, 所以主要試原廠出品
其他DIY既我未必參與啦
不如你自己寫啦 {:8_390:} 處男下海!?{:9_407:}
支持 muffy兄！ {:6_176:} nicknick 發表於 2013-3-22 19:02 static/image/common/back.gif
處男下海!?
支持 muffy兄！
Nick兄, 好快到你啦！ muffy 發表於 2013-3-22 18:38 static/image/common/back.gif
因為想原汁原味, 加上唔係個個都會換線, 所以主要試原廠出品
其他DIY既我未必參與啦
不如你自己寫啦 {:8_ ...
小弟文筆差，哈哈