當306 遇上4020 就連呀DONNA SOMMER 都話黎襯下熱鬧
本帖最後由 louis001 於 2013-3-10 17:45 編輯今日朋友借左條306我反下 {:6_182:}心諗 正 已經好想試下呢條線 睇下佢同傳說中既分別係點先 {:6_138:}
咁佢一場黎到 我冇理由唔盡地主之誼搵返條蛇黎招呼佢架 咁我就搵左我條4020 諗住同佢PK一下{:6_176:}
測試器材 OPPO 93 (已換白金屎)
未P前先同呀6仔熱下身先
聽下歌仔先 先黎隻SACD 麗君既 月亮代表我的心先 {:6_127:}
一開聲 咦 乜咁既{:6_123:}除左中頻 高頻唔出 細節欠奉 低頻快收 冇尾音
我心諗唔通我部93 出左問題 即刻拿拿林換返條 呃瓜拎 7N 4020試下先
一聽 咦 唔係呀 我部機冇事喎 高音甜 低音準呀 點解條306冇低頻出呢
為左對條線公平的俾返多的低頻佢 我即刻換左條 Sine Louis PC 俾隻十仔 (之前係用Sommer)
呢條線單枝得黎都算夠力 應該會好的啦掛 {:6_131:}
再試麗君 低頻係好左的 但始終嫌佢收得太快 跟住望下地下 條SOMMER 同我講
喂喂喂 我又反呀 我又要PK呀{:6_180:}我心諗 你條PK 要同人PK 你實聽PK
人地2呎都等如你成條線咁滯 好 你要死我唔俾你死咩{:6_175:}
跟住我又搵呀麗君招呼下佢 奇怪既事出現啦{:6_130:}
真係估唔到聽音樂部份條蘇麻居然好聽過條306{:6_150:} 但中頻306係優勝 但高音部份完全輸晒
咁我再試聽蘇珊黃 SACD 既 Killing Me Softly 樂器同人氣部份又係條蘇麻好聲的
我心諗 唔係咁鬼屌呀 呢條話晒都係新一代神線 冇理由係咁既
咁就試AV啦 今次試晒三條
先試Y文演唱會 玲姐同袓兒既心淡
條306 一開 畫面 乾淨 好清 好靚 同條4020 不相伯仲
但聲就 合唱部份要好辛苦先勉強聽到呀玲姐和唱部份 又係高頻同低頻不足
條蘇麻畫質就真係輸20-30% 但聲就包圍感比306強 多好多細節位聽到
聲條4020 就真係嬴足成條街重有找
再試ADELE 既Rolling in th deep
條306完全冇包圍感 音樂感好不足 隻鼓要好留心先聽到{:6_150:}
再試 杜比試機碟 老變3 器械聲細節位唔出 低頻唔夠 關云長好少少 但都真係好少少
完全俾蘇麻 同 4020 KO
所以結論就係 畫面真係冇投訢 黑白 藍色彩好出 但綠色就相對比較淡
黑位同白位有的過份修飾 有少少唔夠實在 可能要俾的心機調下色會好的
上網都睇過有的評論話 306要配返相對頭尾先會好聲 但如就我手頭上呢條去睇
聲我就真係完全唔欣賞 我前前後後反覆測試左5個鐘頭 最後都係咁既睇法
以上袛係我不專業既測試結果 可能有的師兄唔認同 但我袛想講 我袛係不扮高深 但求求真
所以岩睇既師兄請袛作參考 唔岩睇既師兄唔好打頭 {:8_369:}
因為每個人睇同聽既標準都唔同 我都係一心想試下岩唔岩自己 但結果係咁我自己都相當失望
或者係條線未煲熟先係咁 所以我而家都煲緊 或者一星期後再試個感覺會唔同晒
不過我覺得一條線就算未煲 起碼最少都有6-8成功力 好似條紅腸未煲一插都好好聲
如果有師兄唔同意我既結論 可以自己搵條蘇麻同條306比拼下 自己去決定岩唔岩
多謝收看{:6_162:} (PS 每人家中器材不同我唔排除用係唔同器材上有唔同結果 呢個都袛係我個人試後感)
第二篇 平反篇
有師兄提議拎走個轉換頭 為求真相我一定會試
但結果竟然係.......................{:6_121:}
的高低頻全部返晒黎 分折力好夠 低頻好出 高音好靚 畫面既唔實在感覺冇晒{:6_143:}
再試麗君 的甜味出返晒黎
再試ADELE 既Rolling in th deep 嘩 乜咁靚聲 的包圍感全部出返晒黎
再試 杜比試機碟 老變3 器械聲細節出返晒黎 低頻夠勁 完全KO 我條4020
攪到我再試埋黑夜之神 鐵甲鋼拳 Y文演唱會 玲姐同袓兒既心淡
完全表現到佢既身價 CP 值相當高 原來個轉換頭真係影響咁大 真係估唔到係咁
今次測試完我可以話佢係一條值得俾BDP用既線黎 亦對之前既唔專業測試同各位講聲對唔住{:6_162:}
但有個奇怪既現象就係 我個拖版係英相 條306居然用美頭係反相之下出到咁靚既聲
真係千奇百怪 袛有還線時叫個個師兄都試下係咪出現同一個現像 {:6_147:}
多謝師兄分享，我估條線有性格同你啲器材八字唔夾啫。
但是咁貴一條缐係咪應該全面啲表現呢，For較聲用真係PK啦。 YYSKY 發表於 2013-3-10 02:02 static/image/common/back.gif
多謝師兄分享，我估條線有性格同你啲器材八字唔夾啫。
但是咁貴一條缐係咪應該全面啲表現呢，For較聲用真 ...
講真 我其實都對佢有幾大期望 我都估唔到個結果係咁
我袛係想講一樣野就係 討論區唔一定係講好 我覺得試完感覺唔好
都應該講出黎等其它師兄參考 當然最主要都係參考
因為人人聽野唔同或者我真係唔識亂吹 所以最重要係各位師兄自己用眼睇用耳聽為實{:6_182:}
本帖最後由 louis001 於 2013-3-10 02:08 編輯
Gorgeous 發表於 2013-3-10 02:03 static/image/common/back.gif
有冇試過用原裝電源線，可能仲岩聲
我有上過網睇過 但因為條線係人地借俾我試 我冇頭尾換
可能換完真係完全唔同晒都唔出奇 但我今日試到就係咁既感覺{:6_123:}
但話分兩頭 一條好既線 應該係有佢個性 你換唔同既野俾佢袛會越黎越好
唔會袛係指定某的先得 好似紅腸咁 真係你俾唔同既野佢有唔同個性
就算普通頭尾 都係好聲 louis001 發表於 2013-3-10 02:06 static/image/common/back.gif
我有上過網睇過 但因為條線係人地借俾我試 我冇頭尾換
可能換完真係完全唔同晒都唔出奇 但我今日試到就係 ...
會唔會假嘢呢？邊處入手可靠嗎？ 接頭唔係原廠配置果隻,仲要再加個轉接,如果叫好至出奇.
我用過301, 302, 305, 都係用番Aet HR最夾.估計,306都係同樣情況.
早排問過升級306既師兄,聽講係未煲既情況下比305有10%既改善.
或者升左級既師兄可以出黎講番D心得.聽多D意見,俾大家參考下!
PS蘇麻未用過,唔敢講,但係4020, 用係AV,畫面就一般啦. davidwutk 發表於 2013-3-10 08:30
接頭唔係原廠配置果隻,仲要再加個轉接,如果叫好至出奇.
我用過301, 302, 305, 都係用番Aet HR最夾.估計,30 ...
師兄岩 咁我咪話佢有個性囉 要配置返指定型號先會有超水準既表現 咁如果我買部amp返黎指定要用802D喇叭先好聲
咁我買唔起802咁咪永遠唔會買呢部amp就算我買得起 呢個世界AV野 沒有最好 袛有更好 如果佢連最基本入門配置要求都滿足唔到自己 咁就冇辨法 我都唔係求求其試 我都反反覆覆試左5個鐘 佢畫面係靚呢個係事實 因為我都想買 不過試完分享下睇法俾其他師兄參考姐 PS 我條4020夾我隻93 聲畫我收貨
YYSKY 發表於 2013-3-10 02:48
會唔會假嘢呢？邊處入手可靠嗎？
唔會係朋友借俾我 呢條306我都想試，不過好多人都話要用靚頭尾先夾，不過下下都要用都P/C004或者AET GR都幾金