【碟評】張敬軒《Pink Dahlia》
本帖最後由 tinsly 於 2013-2-27 03:11 編輯只推出一天,已有不少師兄大讚,話好好聽,我都半信半疑………
我之前對張敬軒先生好感不大,總覺得他的創作其實一般(可能現在仍是),不過唱片公司宣傳技倆卻做得不差.老實講,「創作四小強」中他真的比下去,欠個人風格.
因而我一直無買他的專輯,但為了儲回Ivana的作品,近日才入回些少他的舊作.
不過當我聽完《Pink Dahlia》,真係完全改觀!!!!無入錯貨!!!!
這些「口水歌」唱片,小弟不是不愛,但一定不及全新作品咁吸引我注意………因為我好怕「口水歌」的歌手會過份賣弄其唱功,編曲也過份地造作為靚聲,搞到歌曲無感情.
不過《Pink Dahlia》就沒有這感覺,張敬軒先生一心只想從心去重新演譯,十位天后的精神,用一個最直接的表達方式,完全由心出發!
《Pink Dahlia》另一精景,莫過於大家大讃的「編曲」了!!!!
《完全因你》
開端的清唱引入,令我想起胡琳的《獨上西樓》,軒仔用一把好soft的腔來唱,沒有女神這種不奇然浮出的恐怖感覺.
將此曲配上Lounge jazz編曲,張敬軒的演繹真係一讃,真係摸到jazz的神髓,其中一句「………不迷惘~」這低音,極有感情.尾段那個長音,用這個淡然方式去「騒哥利」,心思一流,不作狀.
《完全因你》絕對是一首給眾人知道如何將Jazz融入Pop song內的示範作.
《夜機》
Intro兩支結他左右互揮,就係畀大家知道,《Pink Dahlia》的錄音係「發燒級」的!!!
節奏明快,但加上偏柔慢的弦樂,搭落指法偏急快的結他,形成對比,效果更突出十分靚的結他聲.
《風花雪》
初頭以為《Pink Dahlia》係另一《Jazz them up》,原來唔係喎~
《風花雪》弦樂版將此曲得凄慘,反而更貼切歌詞的環境.軒仔亦用一把無花巧的唱法,做到詞意的凍冷,感覺將《風花雪》「手望化」,即變成一套生死之戀,兩個世界,思念的情,十分凄美!
留意個鋼琴聲,好正!與及最尾音魂不散的小提琴聲,美!
《假的戀愛》
嘩!!!!個低頻!!!!沉到我老細走咗出嚟睇下咩料…………以為我開低音箱.
有一種C.Y. Kong式編曲FEEL,軒仔之前都有好多歌皆採用這模式,迷幻沉鬱.
軒仔的淡然,卻用上這激昂多層的編曲,又一完美的「MISMATCH」.
《值得》
令我想起他的《斷點》,都係這弱質書生式情歌最適合他唱~其中一段鋼琴加BASS的合作,做得氣紛幾舒服.
但由於這類曲太穩陣,就變得好平淡………
《親密愛人》
這旋律偏懷舊式一點,但軒仔則用了一個現代化腔口唱法,好自然,好舒服.
《未知》
神作!!!!!!!!!!!!!
原唱請…………………………………………………唔該晒~
將電子舞曲,變成一首慢版R&B,神奇超卓!!!!
好難用文字形容,綿綿的琴音,令大家墮進其意境………總之係一個十分豐富的編曲,絕對值得留意!
《滴汗》
聽到軒仔嗰D夾硬ROCK的“呀~”,我都「滴汗」呀……………
《少女的祈禱》
編曲極簡單,一個琴,一把人聲,更易突出軒仔嗓子,他偏偏用一把自然的聲線,來做回一個最純真無邪的「少女」.
簡簡單單,真情流露,叧一佳作!當然JONNY YIM的琴加了不少分數.
《不捨也為愛》
個發燒級結他又出場,這曲亦係軒仔唱得最「發燒級」的曲目,用多了技巧,我不太討好,但只听个結他聲都值得嘅.
總結:
全碟都係偏柔和,會容易給人一種「悶」的感覺,特别一班聽慣軒仔樂迷.
卻吸納了一些音響愛好者的注意,錄音質素真係一流!
不過,我真的對張敬軒先生改觀了,他雖則在創作上係「創作四小強」最不起眼的一人;但在歌唱演繹,特別感情上,他是四人之冠!
「簡單,無刻意花巧;不作狀又自然,從心出發」這句話,就是我由心而發,對張敬軒先生在《Pink Dahlia》的表現致敬!
Uq-PLO0Ifsg 一個唔錯嘅碟評 {:6_193:}{:6_193:} Good Choice {:6_162:} thx for ching's comments!!! 天時兄寫嘅碟評真係精彩，令我不能不買呢隻軒仔喺環球嘅最後作品了！{:8_362:} 好正嘅分享{:6_193:} {:6_193:} just listen this cd now,very good {:6_193:} jt24 發表於 2013-2-27 09:38 static/image/common/back.gif
天時兄寫嘅碟評真係精彩，令我不能不買呢隻軒仔喺環球嘅最後作品了！ ...
有些可惜,離開環球都無咩所謂,但去英記的話,我諗唱片質素未必保持到水準,人地寧願將資金投放在宣傳多於製作上……… Thanks for your report{:6_193:} tinsly 發表於 2013-2-27 11:31 static/image/common/back.gif
有些可惜,離開環球都無咩所謂,但去英記的話,我諗唱片質素未必保持到水準,人地寧願將資金投放在宣傳多於製 ...
都未必既......古巨基近兩隻廣東碟都幾好
同埋想知未知原唱個到有咩問題？