Post76 2012年度十大遊戲選舉 (結果公佈~2012年度十大遊戲誕生)
本帖最後由 @肥狗仔@ 於 2013-3-3 03:50 編輯投票結果公佈
首先好高興「Post76十大遊戲選舉」可以舉辦到第二屆。其實哩個投票活動原意係捉進本區Ching交流，順便總結一年入面玩過咩好game，但得到小瑟兄支持後，活動可以上blog，令到其他區嘅Ching都知道有咁樣一個選擇並參與其中。黎到第二屆，活動加入咗唔少新嘗試，例如「最期待遊戲選舉」同「遊戲競猜」環節。而投票階段亦首次應用到論壇的投票功能。當然，我亦都首次以版主身份去舉辦哩個活動。不過活動所以成功實有賴各位Ching支持，特別係小瑟兄，因為哩個活動我煩咗佢好多次，實在係感激不盡。
吹水野講完，係時候報告一吓今次嘅投票情況同結果。多得投票功能，今屆投票數字非常之理想，一個月唔夠嘅投票活動總共有32位Ching參與，比上年多出一倍。而投票總數亦達到84張，比上年多出20多張。至於投票結果，頭兩名毫無懸念由《Sleeping Dogs》及《Biohazard 6》所包辦。其中後者本來一直穩佔第一，但可能因為香港玩家的關係，Bio6嘅喪屍再多都敵唔過純正嘅廣東話粗口，結果《Sleeping Dogs》以一票之微(13票)擊倒Bio6(12票)成為2012年度十大遊戲選舉嘅第一位。至於第三名，戰前估計可能會係機迷等咗10年嘅《Diablo 3》，但結果竟然係《Battlefield 3: Aftermath》(9票)。當中BF3上年已經入選十大遊戲第四名，今年再度以資料片性質入選證明遊戲質素得到玩家認同。但相信支持者最高興的莫過於BF3終於擊倒死敵COD。要知道上一屆《Call of Duty: Modern Warfare 3》同樣以一票擊敗BF3入選第三名。今屆兩者互換，《Call of Duty: Black OPS II》(8票)跌落第四，而緊貼住嘅就有獲得6票排第五的X360年度大作《HALO 4》。
今年嘅入圍名單除咗有PC/PS3/X360等平台遊戲之外，更首次出現手機平台遊戲，而該作品相信大家都唔會陌生 — 《Puzzle & Dragons》。這款仍然非常火熱嘅Android/IOS遊戲亦都獲得6票支持排行第六。至於第七﹑第八及第九名則由同樣獲特5票嘅《Tom Clancy's Ghost Recon: Future Soldier》,《NBA2K13》以及《Diablo 3》所包辦。第十名則為獲獎無數，由華人製作人陳昇漢領導開發的PS3冒險遊戲《Journey》所獲得(4票)。
十大遊戲嘅誕生，標誌住「Post76 2012年度十大遊戲選舉」正式結束。在此再次感謝各位Ching嘅踴躍參與。跟住落黎本人會繼續檢討今屆活動有所不足的地方，希望在下一年為大家舉辦一個更完善﹑更有趣嘅十大遊戲選舉。適逢今年大作爆發，又有PS4/新XBOX推出，相信下屆選情將會更加激烈。我地下屆再見，希望大家繼續支持!
最佳評論:
今年最佳評論係由曲街仔兄奪得。其在《Rocksmith》的提名上充分顯示出對該遊戲的喜愛及認知。再次恭喜曲街仔兄。
*凡於本次投票活動上分享過任何對遊戲的感想或者心得的參於者將可以獲得加分。若有發現收不到加分的參與者請與本人聯絡~THX^^
Post76 2012年度十大遊戲(點擊大圖)
*************************************************************************************************
入圍名單:
Biohazard 6 | 平台: PC/PS3/X360 | 開發/發行: CAPCOM
lkljason:「雖然到而家我只係爆左Leon篇，其餘都仲係待玩中，但對我呢d機齡深但關唔中打下機既機友，那些年既感覺好重要，當然仍有好多核深機迷覺得呢集左抄右抄樣樣有d不倫不類，但我覺得Capcom呢次叫做做到因應玩家要求，我覺得算係有交代。」
Sleeping Dogs | 平台: PC/PS3/X360 | 開發:United Front Games | 發行: CAPCOM
lkljason:「首先香港背景已經完全俘虜左我既心 (雖然d location搞到我亂晒龍~~XDDDD)，加上地道既廣東話同粗口 (當然對我地呢d香港仔黎講d粗口梗係未入流啦)，所以隻game未出前已經超留意佢，好期待佢有續篇將個系統同世界觀做得更好！」
Rocksmith | 平台: PC/PS3/X360 | 開發/發行: UBISOFT
曲街仔:「相信大家到封面就可能會聯想到rock band 這一類用"模仿"樂器來玩的遊戲，但Rocksmith在音樂遊戲中作出一場革命，用真正的樂器來連接，用真正的彈奏方法來玩。它不再是模擬發聲，它的發聲正正就是你彈奏的聲音。」
Halo 4 | 平台: X360 | 開發:343 Industries | 發行: Microsoft Game Studios
@肥狗仔@:「《Halo 4》絕對係系列入面嘅巔峰之作。343工作室將HALO系列嘅精髓抽出並進行整合，使到本作無論喺關卡節奏上還是戰鬥部份都得到最大發揮。特別係手感及音效有著非常大嘅進步，畫面進化更令遊戲成為X360畫面最出色嘅遊戲之一。雖然形同虛設嘅BOSS戰令遊戲最後部份失重，但作為343第一款HALO作品，已經十分難得。」
Tom Clancy's Ghost Recon: Future Soldier | 平台: PC/PS3/X360 | 開發: Ubisoft Paris | 發行: UBISOFT
@肥狗仔@:「儘管個人仍然較希望遊戲可以延續《Advanced Warfighter》嘅玩法，但本作結合左《Splinter Cell: Conviction》嘅節奏及特色後已經變成一款多元化戰鬥嘅槍戰遊戲。如果話《Advanced Warfighter》嘅遊戲性在於單位指揮的話，咁本作嘅遊戲性就在於實際單兵操控方面。」
Persona 4: The Golden | 平台: PSV | 開發/發行: Atlus Co
大佬John:「隻game場景唔多, 但就感覺好巨大, 我部PSV送左去驗身, 所以只係打左呢隻Game 幾十小時, 而幾十小時只係隻game的開頭。之所以巨大係因為game內角色有大量描寫, 而且美版又有水準配音, 對白精景, 除左幾個主角, 有social link的配角都好有個性/血肉, 就連game內商店都有用心寫對白, 唔係機械人一樣既自動售賣機, 甚至路邊貓狗都有自己的故事。」
NBA2K13 | 平台: PC/PS3/X360 | 開發: Visual Concepts | 發行: 2K Sports
Diablo 3 | 平台: PC/MAC | 開發/發行: Blizzard Entertainment
wesleylau:「diablo3 係佳作，但又未至於係神作，可能期望越大失望越大吧」
Battlefield 3: Aftermath | 平台: PC/PS3/X360 | 開發: DICE | 發行: EA
RiceR9:「雖然出左好多新game...但bf3都係玩最多果隻」
Forza Horizon | 平台: X360 | 開發: PLAYGROUND | 發行: Microsoft Game Studios
Call of Duty: Black OPS II | 平台: PC/PS3/X360 | 開發: Treyarch | 發行: Activision
Journey | 平台: PS3 | 開發: ThatGameCompany | 發行:SCEA
@肥狗仔@:「從來未有一款遊戲其流程只有兩小時，但可以帶俾我如撕震撼的遊戲體驗。本作玩法極之簡單，就是前進和跳，但過程中玩家能夠體驗一個前所未有的美麗國度。油畫般的畫面﹑優美的配樂再加上隨機挑選的線上同伴。在缺乏語言及提示的情況下，本作成功營造出一個獨一無二的遊戲風格。」
Dishonored | 平台: PC/PS3/X360 | 開發: Arkane Studios | 發行: Bethesda Softworks
@肥狗仔@:「《Dishonored》算係2012年的其中一隻黑馬。不過黑馬還黑馬，本作話俾玩家知道並非只要將唔同風格/時代嘅野夾埋一齊就可以做到《Bioshock》，亦都話俾玩家知道唔係咩類型嘅作品都可以拎黎做FPS遊戲。」
Far Cry 3 | 平台: PC/PS3/X360 | 開發: Ubisoft Montreal | 發行: UBISOFT
@肥狗仔@:「《Far Cry 3》是一款稱職的sandbox遊戲。廣闊的地圖﹑豐富的探索元素及支線任務。最重要是前作有如鐵甲萬能俠般的敵人設定已經得到改善。不過相對其他同類作品，你不會在本作中找到什麼特別之處。或者和《The Dark Knight》一樣，大反派才是亮點吧?」
Puzzle & Dragons | 平台: Android/IOS | 開發:GungHo Online Entertainment
*早前的提名活動﹑「最期待遊戲選擇」及「遊戲競猜」結果可見:
http://post76.hk/forum.php?mod=viewthread&tid=140190 我會投"Biohazard 6", "Sleeping Dogs", 及"Halo 4" {:6_193:}{:6_193:} 我揀左 Biohazard 6 {:6_195:} 我揀左Forza Horizon!因我同我親弟玩到停唔到手!
先說說好玩在你幾勁都好!如果一不小心都會炒到飛街!
尤其黑夜在公路飛馳時更覺恐怖!因有D地方冇街嬁!
有時又會行錯路{:6_134:}因冇睇地圖{:6_159:}
正!{:6_193:} = =站喺一個普通嘅玩家嘅角度，見倒哩個list真係好難揀倒10個出黎，5個都難。《Journey》同《Halo 4》一定會投。其他的...又應該話上年的確唔係咁多佳作。好彩係今年會多翻好多。 今年個LIST主觀意願比較重...... 頂左post十幾次都冇乜人覆,
我果個都係格硬寫...純撐場 一眼睇得出，生化六勝利多…{:6_235:} 投ed{:6_240:} 票已投{:6_165:}
頁:
[1]
2