次世代XBOX細節洩露~二手再遭封殺~MS:「唔連線冇得玩!」
本帖最後由 @肥狗仔@ 於 2013-2-9 20:18 編輯記得早兩個星期電玩區的Ching們曾經為了一則關於「PS4滅絕二手」的傳聞而抓狂。當中所提到PS4以RFID檢測遊戲使用者是否同一人從而防止二手遊戲的做法確實毒辣。但相比過中效果，實行起上來又有另一個問題:「如果我唔上線玩咁咪冇事囉!」對此，比起SONY更早傳聞會有防二手措施的MS就用一個非常簡單的方法來堵塞這個「漏洞」，就是XBOX720必須連線才能玩!
根據EDGE的第一手消息，次世代XBOX(暫稱X720)將會提供更強大的XBOX LIVE，包括線上的遊戲售賣功能。但這不等於X720會拒絕零售光碟遊戲。其中光碟遊戲將會採用50GB藍光光碟，而每隻光碟都會附有激活碼，作用是令到除一手擁有者之外，任何玩家都不能再使用該遊戲。同時，X720會強制要求主機連接XBOX LIVE即連線後才能遊玩，即是說，這個防二手措施是100%覆蓋所有主機的，無一幸免。
至於硬件方面，和早前的PS4一樣，EDGE同時證實了之前所傳聞的X720硬件規格是真實的，即AMD 8核 x64 1.6GHz CPU, D3D11.x 800MHzGPU及 8GB DDR3記憶體。儘管現階段HDD容量還未肯定，但MS曾承諾過不會比現存主機最大的(500GB?)少。但就開環境而言，這次X720明顯處於劣勢。除了開發難度更大，開發成本亦比較高。此外，X720會大力發展體感感應式介面，並隨機附送一個增強了識別能力﹑更可靠的新版Kinect。
其實二手遊戲一直是近年不少獨立工作室的崔命符之一，SONY及MS加入防二手機制確能保證這些工作室的一定收入。不過當中所引伸的一連串問題包括主機銷量﹑零售市場等因素，究竟會對業界做成什麼影響，現階段也確實無法知曉。反正2月21日SONY如無意外就會帶領遊戲界進入下一個新領域，我們可以先看看他們有什麼板斧才擔心二手問題吧。
二手問題仲有得講，畢竟好多GAMER都係第一手就買，加上果D乜春PASS已經估到打擊二手是理所當然會實行。
但唔ONLINE冇機打就非常笨實之行為，等同自殺..... 好彩我對xbox死左條心，哈哈? marcolau 發表於 2013-2-8 00:35 static/image/common/back.gif
二手問題仲有得講，畢竟好多GAMER都係第一手就買，加上果D乜春PASS已經估到打擊二手是理所當然會實行。
但 ...
的確~我一開始買360都係冇online玩~我唸哩個比打二手更難實行~ 如果d game唔係咁易過到關....無打番個幾兩個月都打唔爆果隻,
d人咪少d等二手囉, 好似dmc咁....幾日就有ching打爆放售......{:8_365:}
不過我估唔會全部game都會防二手, 如果係咁d垃圾game就死得....
到時仲多game廠摺埋{:8_399:}
如果隻Game無二手，好多人買Game前都會變得更加謹慎，因為唔好玩就大鑊，就算好玩都會有一日厭。
而家變相唔使錢送俾人都唔得，好過份。
本帖最後由 @肥狗仔@ 於 2013-2-9 00:51 編輯
個人覺得如果吓吓將二手問題歸咎於遊戲質素唔係咁公平。事實上以前防二手呼聲冇咁高的，自從PS3/X360推出之後，第一係製作人思想有轉變(特別係歐美)如果以前嘅製作人係唸住隻game要整大約20關好讓玩家能夠玩上20~30小時然後爆機的話，咁現今嘅製作人可能就會唸整10關出黎，然後將最精彩嘅內容塞入去，而哩D內容雖然短但通常都有重玩價值。第二係玩家口味變左，有時候唔係話做唔倒以前果種規模，但遊戲商要做嘅野始終係要迎合玩家口味。好似Call of Duty咁，5﹑6粒鐘爆機，多人遊戲年年差唔多，字面上聽上來絕對唔係game迷可以接受，但吓吓俾佢千幾萬銷量，試問仲有邊個敢否定哩種快餐吸金game?前幾年仲有外國一項消費者調查想知到新一代玩家口味，結果係好多玩家都寧願7粒鐘精彩，都唔願意玩20粒鐘沉悶，原因係可能都市人生活忙左，如果遊戲唔可以短時間內吸引倒自己的話，就會選擇放棄。近幾年我地玩嘅3A動作遊戲有幾多唔係電影式火爆開場?而最重要嘅係開發成本多左。成本一高，遊戲規模要縮小之餘，遊戲公司都不得不整一D玩家受落嘅類型。當然因為咁而奶野嘅遊戲唔少，但唔想冒險嘅公司就更多。所以如果哩家你走到一間歐美工作室問一個製作人點解隻game會咁快爆同咁簡單，佢地會答你「因為我地想提供最佳嘅遊戲體驗，同埋一個適當嘅難度去滿足唔同玩家」。不過同一翻說話問一個經理，佢地可能會答你「你地又唔買，咁我地整咁長做咩?」
當然，如果D遊戲根本就唔得，再耐玩我地都未必會買，不過同時我地都應該唸唸邊一堆遊戲我地覺得係「得」。好似《Red Dead Redemption》﹑《Fallout 3》哩類耐玩又有趣嘅遊戲如果可以多D當然最好。不過事實上哩類RPG/Sandbox大作嘅開發費都係超大，連大公司開綠燈之前都要再三評估，唔好話D資源冇咁多嘅遊戲公司甚至係獨立工作室。即使規模縮細，畫面冇咁好的，製作時間都比一般遊戲要長。遊戲變質係成個業界嘅問題，當中玩家﹑製作人﹑市場一環扣一環。而防二手遊戲問題與其話係所謂「垃圾」遊戲嘅後遺症，倒不如話係業界轉型嘅產物。
至於究竟防二手遊戲會唔會真係保障得到某D製作人嘅飯碗，實際上根本未有咩數據可以支持，暫時係理論上可行。二手遊戲係基於一手市場，而一手銷情入面，可能係有一部份買家係為左玩完賣二手所以先至買，如果到時唔俾玩二手，哩類玩家自然少咗，一手銷量反而會下降。但另一角度，一隻二手遊戲仲可以賣三手﹑四手甚至五六七八手，當中遊戲公司損失嘅金錢實在無法估計，而且二手冇得玩，如果有興趣嘅玩家都會等佢降價再入手(如果冇興趣就算有二手都未必買)，如此遊戲公司亦可以收到錢。所以防二手理論上都係有錢賺的。問題係若果真係唔上網唔比玩的話，咁可能有反效果，不論係主機定遊戲。 本帖最後由 marcolau 於 2013-2-9 03:38 編輯
@肥狗仔@ 發表於 2013-2-8 21:05 static/image/common/back.gif
個人覺得如果吓吓將二手問題歸咎於遊戲質素唔係咁公平。事實上以前防二手呼聲冇咁高的，自從PS3/X360推出之 ...
製作人有佢嘅理論，講到底都係$...
對我們來說唔好玩嘅拎去放又有咩出奇，好玩嘅買你兩三個版本又如何。
基本上佢打二手及ONLINE對我都冇影響，一來我都唔放GAME，亦唔會亂買GAME，買左唔玩就大Q把，三來我一定ONLINE。
只係睇佢唔順眼.....咁死笨拙嘅方案都諗得出，自己搞衰自己。
老實講，如果佢要推Kinect 2就唔應用ONLINE哩招，因Kinect係for合家，因此又要合家又要online是自相矛盾，諗果個都白痴。
不過Fallout 3同之後果集我又係買左未玩..... DVD迷 發表於 2013-2-8 10:01 static/image/common/back.gif
好彩我對xbox死左條心，哈哈?
你從來條心都冇變過架.....XDD 我大部份game都係買二手, 呢個措施令我慳返唔駛買主機了。
頁:
[1]
2