24-70II for sure, F2.8 is better than F4. F4 one is lighter only.
titus614 發表於 2013-2-5 10:19 static/image/common/back.gif
我自己既M43鏡入面25／F1.4好滿意, 所以唸返X2後既50/F1.4咋...如果定焦既餘下重有85 & 135不過用起嚟會 ...
兩樣嘢，第一，一係唔買，一買就買50.2，買FF但又用支50.4，幾個月後你又會覺得佢地唔得門當戶對，C忽行又走去換鏡，一入一出盞side錢，橫樹夠$，係買就買最好。第二，我同你差唔多情況&諗法，最終我入咗5D3，85L&1635L，個人認為85L室內無問題，大頭&半身一定OK，至於全身，個人意見無啦啦係屋企影乜鬼全身相呢，諗多咗喇C兄，再加上入完支85L，你隻手唔痕輪到隻腳痕，會心CC走出街影下相。當然，如果買85L，Budget一定突少少，世事豈能盡如人意，添D透支多少在所難免，最緊要玩得開心，過一排你就唔會記得洗左果幾千蚊，但果幾千蚊卻將你珍貴嘅回憶保留一輩子，值得的。
補充少少，我支85L係屋企影全身相係絕對OK，因為我嘅主要拍攝對象係我一歲多D的寶貝女兒，人仔細細無問題，係對焦for小朋友有少少困難，但相信係時間問題，日子有功可以操控自如，兼且搭檔5D3的強勁對焦系統，速度絕對OK。
早排我都好頭痕，家下買咗開心哂，希望少少餘見幚到C兄啦，但咪話唔提你，M43上5D3，操控上應該都幾唔同，努力鑽硏。
都係果句，2470係正，但個Outlook真係....一代有氣勢好多，小弟都係因為咁無買到，始終覺得內涵重要，但個樣同樣重要，影相都係因為鍾意靚嘢啫，拎支鏡出到街成支副廠咁，當堂信心都無哂啦，4皮嘢買返來嘅虛榮心都飛走埋，仲影乜鬼，不過我知道好多C兄笨唔認同我呢個睇法，anyway,分享下啫，只係小弟少少意見，無心攻擊用緊2470嘅C兄，唔好見怪。
NickHui 發表於 2013-2-6 00:34 static/image/common/back.gif
兩樣嘢，第一，一係唔買，一買就買50.2，買FF但又用支50.4，幾個月後你又會覺得佢地唔得門當戶對，C忽行 ...
多謝師兄分享經驗...及完全睇通我既唸法~我會考慮考慮你建議 ！！
NickHui 發表於 2013-2-6 00:55 static/image/common/back.gif
都係果句，2470係正，但個Outlook真係....一代有氣勢好多，小弟都係因為咁無買到，始終覺得內涵重要，但個 ...
師兄又講中埋我現還在掙扎中, 我去咗canon showroom再試清楚24-70 F2.8...感覺24-70果段焦其實對"我"嚟講用得著既只有尾果三分二段(大概40-70果段居多, 如果用$16000 or 加多少少買兩支"L"定焦會唔會好d呢? 我用M43果時都習慣咗定焦加後製Crop相, 而家Full Frame 像素更大寛容性...而且換嚟光圈又可大d...(申報本人絕對係好膚淺愛上淺景深大光圈果類人..) 變焦鏡反而有點唔習慣, 雖然有lock制但又擔心用耐咗個變焦筒又"鬆"咗成日凸出嚟...雖然好多師兄都推介24-70 F2.8, 但還在思慮中~~
如果影小朋友，我覺得輕便好重要！
比我會揀6d+24-70/4L+35/1.4L
一支室外，一支室內！
當你又要帶bb車，bb用品再加勁重攝影器材，你既影相意欲會大減！
ronaldlaw 發表於 2013-2-6 01:43 static/image/common/back.gif
如果影小朋友，我覺得輕便好重要！
比我會揀6d+24-70/4L+35/1.4L
一支室外，一支室內！
因為計輕便既我還會Keep EP-3做副機, 本來都考慮6D & D600 但試過去相機舖 & Showroom 試清楚三部機~在我感覺論睇相mon大d, setting & 測光追焦都係貴d果部5D mark3 強好多...全面d ~換嚟重d代價都要接受!!
titus614 發表於 2013-2-6 01:02 static/image/common/back.gif
多謝師兄分享經驗...及完全睇通我既唸法~我會考慮考慮你建議 ！！
唔使客氣，上得呢個肚能驅都係你幫下我，我又幫下你咁啫，記得買左之後將你抽嘢放上來大家高興下，記得仲要分享下你D靚相喎。
話樹話，得閒我都將D戰利品放上來等大家替我開心下先，哈哈。
NickHui 發表於 2013-2-6 00:34 static/image/common/back.gif
兩樣嘢，第一，一係唔買，一買就買50.2，買FF但又用支50.4，幾個月後你又會覺得佢地唔得門當戶對，C忽行 ...
CHING 好毒呀~~ 我鍾意{:6_238:}
titus614 發表於 2013-2-6 01:29 static/image/common/back.gif
師兄又講中埋我現還在掙扎中, 我去咗canon showroom再試清楚24-70 F2.8...感覺24-70果段焦其實對"我"嚟講 ...
呢個情況我之前都掙札過, 但我最後都選擇了買5d3+24-105 kit set。冇揀24-70既原因, 主要當然係價錢, 試想想入kit set只需要26xxx, 扣左24-105當全新拆kit價6,000, 5d3只需要2萬多d, 而且24-105同24-70既差價, 就差唔多夠買入枝小小白is或384, 題材可以多好多。另外, 需要說24-70有2.8光圈景深比24-105淺, 但之前睇過既測試, 差一級光圈既淺景深效果也不是差太遠, 而且24-105多了既70-105焦段, 亦可補償淺景深不足的問題。加上小弟是由apsc upgrade上FF, 景深已淺了一級, 4光圈對我黎講已有唔錯的效果。而且, 24-105還有著輕量化及防震的優勢。當然, 24-70無疑在變形、逆光控制, 以至解像度方面有著絕對的優勢, 雖然24-105已表現唔錯, 只係強中自有強中手而矣。
我會咁諗, 用上17000買24-70一枝優質鏡頭, 但同樣價錢可以買24-105一枝良性鏡頭加一枝70-200/4is既優質鏡頭。我條數就咁計:
17000=優=良+優
