【碟評】陳奐仁《矛盾》
TRACK LIST:
1. 矛盾
2. 相濡以沬
3. 毛毛蟲
4. 他她他
5. I Love You
6. 手牽手
7. 微博分手記
8. 小甜心
9. 心房的鑰匙
10. 還是老歌最感動
前日小弟買了陳奐仁新碟《矛盾》,返到屋企拆咗嚟聽.
老實講,小弟對陳奐仁先生好感不是太大,在他創作作品,所用的旋律往往都很類近……
其中一首我真係好記得,就係他為EASON所寫的《內疚》,根本係他和歐陽靖的《妥協》嘅倒模!!!!
雖則,這MELODY好好,但有點兒搬字過紙味兒…………
不過,陳奐仁又確能寫到陳冠希的《尼古丁》般優美韻律.
其實陳奐仁在編曲上的功力,較受小弟欣賞,他做節奏感較強曲目或跳舞快歌,他確有一手.
而且他之前有一隻唱片《買一送一》,與歐陽靖合作,歌詞好到肉,最重要係D聲錄得好清!!!
今次新碟《矛盾》,放棄他強項複雜多元化編曲,回歸《買一送一》,用一枝木結他,一把人聲,簡簡單單,呈現他創作全新十首抒情歌.
當CD一播,第一下結他聲已很有驚喜!!!
「好鬼靚聲喎~」
由於整張專輯以木結他配陳奐仁歌聲為重心,沒有五光十色大龍鳳編曲,令聽者更容易、更集中留意其結他弦聲及陳奐仁嗓子.
在結他聲音方面,專輯錄得好真,絕對達得上「發燒級」,與人聲的平衡位做不錯,沒有過搶人聲,也沒刻意收埋.
到陳奐仁的歌聲方面,他絕對有唱功,不過他聲底總有點怪,就算聽慣了好幾年,都總覺得他在按緊鼻子,狀著不抖氣咁唱歌………
你唔可以話他把聲唔靚(至少清過依家的EASON),但只能稱他的聲線好有個人風格矣………
最想講,不是錄音質素,也不是陳奐仁的歌唱技術上………而是陳奐仁的創作上.
上段表達過小弟對他作曲好感不大,今次新碟《矛盾》上,真係加了很多分畀陳生的創作及其誠意態度.
十首曲目全,自己作曲作詞;十首曲目,全自彈自唱;十首曲目,全自編自監
真心敬佩他的操藝,一人之力,能做出如此高水準作品,真五體投地!!!!
其中有幾首特別想講下聽後感:
《相濡以沬》
他與林雅慧合寫旋律,即《尼古丁》班底.因而這MELODY是整張大碟,最流麗凄美的曲目.當我聽完這曲不敢嘆,「Hanjin!點解你唔留畀EASON唱呀????」一首單慿MELODY,足以稱霸現今香港樂壇頒奬禮.
《毛毛蟲》
令我想起方大同先生《小小蟲》,一首談論「膽小鬼」對愛情的睇法.大家可以留意下結他彈奏都有配合其「膽小鬼」角色,聽落有一種頗為閃縮,幾有趣.
還有句歌詞「注定不會進球可觀眾最愛的永遠會是前鋒」,作為一個鐘意睇防守多過進攻的球迷,真係有丁點慨嘆~
《他她他》
單睇歌名潛台辭就已畀100分!!!一首講「家庭糾紛」歌曲,較少會流行曲探討,要鼔掌!!!最厲害係開聲唱前,Hanjin嗰下好輕的嘆氣聲,令所有聽者一拼與他婉惜.這故事,相信有孩子的家庭一定會經歷,應該說一定會演變為這曲境像,是可悲,但這是事實.
《手牽手》
一首催淚情歌.不是愛情,係友情,係人性之情.雖然他表達內容係正面,就算歌詞多勵志,叫大家突破隔膜,手牽手做朋友,但加埋個死人結他,緩緩的輕撥,就變成一個局外人在看,旁邊默默禱告希望能如此,實際上是並不會發生到的.
《還是老歌最感動》
那些年之歌,連MELODY都作得刻意80、90年代台灣勵志校園歌咁,幾有心思.
總結:
喜歡Acoustic,喜歡聽發燒級結他聲,喜歡反思,這碟必入!!!
《矛盾》這碟小弟畀幾高分下,再加上係本地製作,額外加多幾分尊重分.
不過畢竟十首皆為全新創作,若較少接觸現今本地新製作音樂,可能要花多點時間去消化吓各曲目. 經你評一評，我都有D興趣買隻聽聽，支持下{:6_183:} 我也有樓上的感覺!!! 我都想買 睇來要去買了.謝謝師兄發表的試聽心聲. 恕我愚昧,佢唱歌,真係不敢恭維.....
師兄真係要俾個叻你, 超强既聽感!! 聽後有共鳴...{:6_193:} {:6_193:}
期待再有機會睇你其他碟精采既聽感!! 佢唱歌,真係不敢恭維x2
但同意佢有天賦作曲的.
經你評一評，我都有D興趣買隻聽聽 freeport 發表於 2013-2-1 13:23 static/image/common/back.gif
恕我愚昧,佢唱歌,真係不敢恭維.....
佢把聲有D怪怪地,好似「鏈」住個鼻唱咁.
不過這碟最厲害都係他的創作嗰方面. 睇完評論,都去買隻碟聽吓>
頁:
[1]
2