有感而發........
唔知由幾時開始,自己由一個非常鐘意香港歌手,好鐘意睇勁歌總選嘅人,慢慢變得唔再關心有D咩新歌,總選入邊有咩人,咩歌都唔想再理,去唱K,都只係唱返舊時80~90年代嘅舊歌,相比起自己細個嗰個年代,不得不說,我覺得現今呢個世代嘅年青人真係好慘,成個樂壇D歌,好多都好垃圾,真正好少少嘅,就已經俾人推到上神枱咁滯(所謂金曲囉),更可怕嘅係,所有獎都係由CCTVB話事,一D都唔公平,亦無權威性,而且,相比起以前4大天王,SAMMI,KELLY出道嗰幾年,D歌嘅質素同埋多樣性,同而家真係差天共地,當年起碼仲有D唔係講愛情嘅歌,或者話唔係純粹講愛情嘅歌出現,而家D歌真係完全無意思,歌嘅旋律同埋歌詞完全唔MATCH,歌詞有意思嘅少之又少,主唱嘅所謂新晉歌手,係K房是但DICK件出黎唱功都好過佢,咁樣嘅歌同歌手,叫人點會有去買CD,或者買佢D歌去聽呢?嗰D人成日怪話BT同MP3令到唱片業死亡,計我話係D歌手同歌完全吸引唔到人去買囉,呢幾年我都有入手CD,起碼李克勤出嘅我都有齊,胡琳嘅碟都有入手囉,因為唱功同歌都令我覺得值得買,雖然我都係轉做WAV入電話聽.....但起碼覺得OK嘅碟會入手先...今年總選我冇睇(因為起碼有3~4年年時間都冇睇),但係睇到好多人嘅回響,真係O嘴O嘴再O嘴,亦都深深咁嘆息,因為講老實,所謂"十大"金曲,隨咗一首"牆紙"係因為我買咗WYMAN嘅演唱會BD入邊聽過吓之外,全部連名都唔知,而主唱嘅歌手,基本上有D連樣都未見過囉,咁樣嘅總選,已經唔再係已前曾經令到好多同我一樣嘅年青人嘅總選,亦都令我興幸我自己無哂幾個鐘嘅時間去追,過去嘅樂壇,就等佢永遠咁留係我哋自己嘅心入邊好了....真係無言+無奈呀.....
PS:打一大篇野,係因為我家姐俾咗另一篇關於琴晚嘅總選嘅文我睇,有感而發........ 冇计拉，老細冇耳冇遠见
当然星本身吾夠光更致命
吾知仲记吾记得梅姐果界
韋綺姗刀系第二咋 {:6_210:}{:6_229:}{:6_206:} 唉…新不如舊{:6_194:} TBB既頒獎禮得答笑已經係好耐既事啦, 所謂既公信力只係因為利益關係, 同4大唱片公司反面就唔比啲歌星plug歌拎獎, 上台第一件事係多謝TBB, 然後就係樂小姐, 一個唔覺意真係以為樂小姐係某大唱片公司老闆....{:9_436:} 當然其他台既都係無咩特別好, 只係利益所在喺邊, 啲獎就會喺邊.
至於樂壇既轉變, 其實小弟又有另一睇法既. 第一: 我諗唔係無一啲有諗法唔止講愛情既歌出現, 只係宜家能夠"聽"到其他歌既機會真係少咗, 如果淨係睇TBB, 我諗林峰應該係全宇宙"唯一"男歌星添~~!! {:9_407:} 小弟返工時可以聽收音機, 都有機會聽到多一啲唔同既歌.
第二: 樂壇搵食的確係越嚟越難做, 以前譚詠倫張國榮年代, 大家除咗買cassette之外, 根本仲未有任何老翻選擇, 最多只能夠買口水歌或者去唱片鋪買錄歌cassette. 到咗四大天王年代往後十幾年, 慢慢開始有老翻出現, 雖然係有影響, 但點都唔會夠宜家隨時可以上網download歌既影響咁大. 以前出隻碟得二三萬貨既叫你食屎, 宜家有一萬可能要開記者會....時而勢易, 唱片公司搵唔到食, 無銀用仲點可以有時間做好歌手做好歌曲呢....{:9_440:}
小弟唔知日後唱片業可以點做, 作為一個小小聽音樂既人, 喺可以既情況下, 聽到一啲OK既歌(宜家可能一隻碟有一二首歌OK都買, 唔可能好似以前咁出十首有八首都鍾意喇)都會盡可能買碟支持下....正如前幾日去黑膠活動嗰陣, 環球人問我地有咩碟可以推介出黑膠, 除咗啲舊碟, 新碟真係講唔出....{:9_428:}
唉.........學天與地JOE JUNIOR 話齋......香港樂壇is dying {:6_194:} {:6_194:} 唉，無奈...{:6_194:} 一蟹不如一蟹,無性趣睇. 本帖最後由 keke323 於 2013-1-14 11:38 編輯
我只係有個好簡單既感覺......十大d歌我到佢頒獎果一刻我先聽過果首歌...係咩歌...係邊個唱(首歌本身已經唔好聽架喇,仲要唱果個又唔知佢唱乜{:6_124:})所以我睇左一陣都熄左電視{:6_180:},好記得以前既十大勁歌要拎到呢個獎....真係個個爭崩頭都未必拎到....
舉幾個例子....好似鄭伊健咁....佢話晒當年都有唔小歌,而且有好多個人都覺得幾好聽(不過我承認佢都係唔多識唱歌{:1_332:})...但我相信佢有好多歌大家都仲好印象深刻{:1_351:},但大家又知唔知佢咁耐以黎...得1首歌入選十大勁歌{:1_260:}....舉多個例子....最近討論區大熱既彭羚小姐....佢隻靚聲經典相信好多 ching 都有買,入面d歌有幾好聽大家心中有數{:6_127:} ,但我留意過,原來去到彭羚小姐呢個級數又唱得,d歌又好聽,都係得4首歌入選到十大勁歌金曲{:9_433:} ,但對比起而家既所謂十大勁歌 wtf 我真係唔知而家發生緊乜事囉,只可以講 ,香港既樂壇已死 {:6_148:}
頁:
[1]
2