新年前買左呢兩日睇完，買之前無睇有咩歌因為後面D字密麻麻無心機睇，但聽落好多"單位"其實我都無乜興趣。
但碟都買左點都要聽一次{:8_398:}
我發覺好得意，比較舊一批歌，好多都係主歌詞重覆唱一之，副歌重覆兩三次咁。
但近期D歌詞就唔同，成份歌詞只係副歌重覆{:8_374:}
男子組明哥幾好，E神把聲好左少少，但可能得幾首歌唱未上身。Duo入面佢唱陀飛輪雖然把聲爛，但當時唱到上晒身，我第一次聽睇埋歌詞真係眼濕濕，今次比較詩文。另外側田同bonus入面張敬軒我都好鍾意，可惜得一首歌。
女子組何韻詩真係超掂，快、慢歌都有水準。另外王菀之首未日我都好鍾意。李蕙敏把聲係咪有問題? 因為真係好唔掂!! 唔計呢個泄海旗都算幾難聽之一.........重有李彩華、Twins..........
好多人講容祖兒同Cass，無疑Cass技巧同聲線都比較好。Joey把聲都幾多flaw，不過我又覺得，一個養尊處優，一個就忙忙碌碌，無謂去比較呀。
我以前都有買Cass碟，我覺得佢係唱得好，但感覺似女版李克勤，字正腔圓，但聽得多會覺得.........悶...........囉!!
隻碟聲畫以我D低級器材睇我就收貨，聲唔錯，畫中上啦 (其實好過倫伯個隻我都接受架啦{:8_374:} )
如果我認真睇過D歌未必會買.........貴!!
