陸太今年既誠意推介 - 秋田鐵板燒刺身專門店
小弟活在36年人, 陸太大大話話都同小弟食過十幾次生日飯, 今年呢次小弟覺得真係值得誠意推介 - "秋田鐵板燒刺身專門店"~~!!先講返少少background, 小弟自幼家貧, 唔好話喺香港食日式鐵板燒, 連大大樂嗰啲鐵板燒都少有機會食. 況且香港地既鐵板燒都係出名三個字:"好很貴"~~!! 所以今次應該係小弟第二次喺香港食鐵板燒(第一次喺啲比較便宜既地方食). {:9_434:}
不過今次係陸太請客, 小弟梗係唔會SAY NO啦(不過陸太最後埋單係碌我送比佢嗰張附屬卡.....). 入去坐底望吓個餐牌, 睇吓SET MENU(通常鐵板燒都係食SET, 除非你好有米)既二人餐都係由5百幾至6百幾per head, 心諗相對其他鐵板燒都算係平喎, 咁就叫咗個6百幾既SET, 跟住廚師就問我地會唔會UPGRADE個牛, 因為SET係薄切, 可以加大約6舊UPGRADE去厚切A5和牛, 小弟心諗就算比佢呃都係一次啫, 死就死試試佢~~!! {:8_362:}
開餐先嚟龍蝦, 隻龍蝦真係好新鮮, 因為廚師一路搞, 隻龍蝦就一路郁....
最後一把火燒咗佢, 好殘忍....{:9_422:}
啲肉就比我哋食咗, 個殼就去煲湯. 完全唔係點咩汁, 個廚師已經教好晒比你~~!! 正~~!!
跟住睇廚師玩咗好耐唔知做乜, 原來佢整咗個魚子鵝肝蒸蛋比我地, 勁~~!!
下一味係鮑魚, 又係出名菜之一, 有海水味, 無得頂~~!!
因為小弟係全枱人裡面最大年紀, 可以分到最大塊既鵝肝, 真係大過塊多士喎~~!!!
呢件就係加錢既和牛, 基本上廚師每做一味餸, 佢會先走入廚房拎食材, 然後比你睇吓啱唔啱先, 之後佢又會一路整一路同你傾吓點整點樣食.
呢塊和牛佢分開咗幾個部份比我地食, 再解釋係點解要咁整
唔好意思, 呢隻和牛實在太好食, 小弟無影到相, 總之就係入口即溶, 好味到爆炸~~!!! {:8_372:}
跟住又係呢間鐵板燒另一賣點, 煮炒飯時可以整公仔送比你~~!!
你哋估吓係啲乜...
個飯堅好食, 個廚師炒多咗比我拎走帶飯~~!!
鐵板燒可以整豆沙飽, 真係未見過, 好正~~!!
成餐飯由8點食到11點幾, 日式鐵板燒同刺身壽司一樣, 其實個師傅同你互動咁整真係好好, 佢又會知道你口味, 你又可以問佢點整, 又開吹吓水好開心. 呢樣嘢都係日本菜既成功地方, 唔係淨係煮比你食, 仲會招呼你, 照顧你感受~~!! {:8_377:}
埋單二千個大洋齊頭, 雖然比平時食飯貴好多, 但係一餐飯令小弟食到賓至如歸, 又食又拎又開心, 抵讚抵推~~!! 呢個地方小弟一定會反啅~~!! {:9_427:}
P.S. 原來佢仲有2個鐘免費代客泊車, 渣車既朋友可以記住喇 {:8_389:}
劃埋公仔咁攪笑{:9_407:}
6哥真係富貴.....{:6_128:} 喱幅圖份鐵板燒好得喎...{:6_193:}
真係好鬼恩愛{:8_389:} 本帖最後由 perrybeckham 於 2012-12-14 11:05 編輯
餐生日飯好很正吖{:6_240:}
小弟甴細窮到而家，只食過d平價鐵板燒{:6_244:} 而且服務又窩心！！！ RiceR9 發表於 2012-12-14 10:59 static/image/common/back.gif
劃埋公仔咁攪笑
6哥真係富貴.....
吓~~?? 富貴~~??!! {:9_433:}
36年嚟先食得一次仲叫富貴~~??!! 呢啲價位波哥4哥當早餐食咗喎......{:8_384:} 好鬼 {:6_149:} {:6_196:} ilavbnm 發表於 2012-12-14 11:00 static/image/common/back.gif
喱幅圖份鐵板燒好得喎...
So sweet!! {:6_149:} fungl 發表於 2012-12-14 11:09 static/image/common/back.gif
So sweet!!
6哥直頭o係到晒幸福啦...{:9_422:} ykluk 發表於 2012-12-14 11:04 static/image/common/back.gif
吓~~?? 富貴~~??!!
36年嚟先食得一次仲叫富貴~~??!! 呢啲價位波哥4哥當早餐食咗喎......{:8_3 ...
我見都未見過{:1_247:}