ELAC BS244BE 聽後感
本帖最後由 leo25 於 2012-12-11 09:44 編輯雖然未算係非常滿意, 但肯定係唔會後悔......
唔覺唔覺對ELAC BS244BE 已經入手2個半月了, 連同用埋黎睇電視, 粗略估計都已經煲左150小時以上, 雖然肯定仍然未煲夠, 不過都想早少少同大家分享一下當中既變化, 小弟木耳一對, 墨水更加有限, 係度純粹分享一下個人感受, 並唔識用啲專業名詞寫出專業報告. 大家就當睇我自言自語啦! {:8_374:}
ELAC 一向比人嘅印象係難推, 聲薄. 但其實新一代嘅ELAC 已經改良好多. BS244BE响初段時期出黎既聲音, 唔知係咪一般師兄所講既毛燥感, 就算我已經係用膽前石後, 播人聲都仍覺頗難入耳, 初初只可以用黎聽吓純音樂, 但都係底音亂而欠線條, 某些高音亦帶刺耳感, 一味係大起大落. 當然, 全因當時只係用十大武器之首<摺凳>嚟安置佢 {:1_262:} , 衰聲亦係理所當然, 及後轉轉折折之下, 為佢搵左對原裝腳架. 同時亦灌入約7成滿白水晶砂, 聲音立時起左變化, 底音收得快左而冇再咁一舊舊, 而整個音場都開揚左, 人聲亦冇咁生硬, 但高音間中仍有啲咭耳. 整體仍然係未如理想, 估計都係因為仍未煲夠. 唯有耐心再繼續等待好聲嘅出現… {:8_365:}
如是者過左大約100小時, 但都只係有少少改善, 心急嘅我就係度諗有乜野可以先改動一下, 令到聲音變得更好呢? 最先想改善嘅係Blooming問題, 心諗Blooming問題除左環境影響, 亦可能係因為原裝嘅膠釘腳
反正遲早都會換左佢, 咁就聽左一位ELAC舊用家嘅意見, 換左呢套Soundcare SuperSpike M8挪威釘喇 {:8_395:}
一換之下, 証明投資絕對正確, 底音線條收得靚左. Blooming問題亦大為改善. {:6_237:}
再過一排, 心癮又起, 想諗辦法改善埋某些高音刺耳問題, 又唔想用ELAC跟喇叭附送既吸高音棉. 最後決定由Jumper落手. 因為實在負擔唔起買多對喇叭線, 而且亦唔知日後換Amp會唔會都係有AB兩組喇叭輸出, 所以放棄玩Bi-wire念頭. 其實之前已經將原裝銅片換左The Chord 既Signature Jumper. 但高音都只減左少少叫. 最後得知純銀Jumper可以令到高音滑啲, 當然二話不說, 入返套試下啦. {:8_402:}
結果係…. The Chord既Signature Jumper可以打入冷宮喇. 我唔敢講全部高音刺耳問題都收復哂, 但的而且確係明顯唔多覺再有出現. 而且高音又真係順耳左, 唔知係咪就係所謂既滑呢? {:6_182:}
連Jumper都換埋, 基本上可以為對喇叭做嘅都已經做左. 跟住日日都起碼聽返一個鐘享受一下. 因為我部強國天逸AMP可以選擇CLASS A 同CLASS AB輸出. 以往我通常只係用CLASS AB嚟聽, 因為冇錯CLASS A嘅聲明顯係純厚少少, 但機身真係好熱. 以對舊喇叭聽出只係有好少分別, 而且舊喇叭本身亦夠哂厚聲, 所以一直都只係用CLASS AB, 又可以慳返啲電費. {:1_253:}
到最近天氣開始轉涼, 諗到可能CLASS A對BS244BE 嘅控制力同中頻應該會有正面效果, 所以就轉用CLASS A嚟聽, 結果係我嘅判斷完全正確, 人聲既厚度明顯好左, 而聽出嚟既分別比起對舊喇叭係明顯好多. 而且底頻仲勁左添. 有一次聽緊小琳嘅Jazz them up, 我同我老細講估唔到呢對喇叭仔既底頻會勁過之前對座地, 佢即刻問我:乜你唔係開左Subwoofer 咩? {:6_138:}可想而知, ELAC既底頻真係唔講得笑. 同埋睇怕以後都幾難會轉返用CLASS AB嚟"喂"對ELAC喇. 可惜既係, 通常聽到2個鐘左右, 部天逸就會因為過熱而啟動自動保護功能, 自動跳返去CLASS AB {:6_123:}
而家無論男聲,女聲,輕音樂或者大棚野, 完全都應付自如, 聽得入耳而唔會有衰聲感覺, 至於BS244BE係咪一對好喇叭? 好難講, 因為聲音好壞從來都只係睇下啱唔啱口味, 就算係兩三千嘅喇叭, 只要係自己鍾意既聲音, 就已經係對好喇叭. 就個人而言, 雖然未算係非常滿意, 但肯定係唔會後悔買左佢. 同時期待日後有機會換部大功率既膽機黎招呼佢, 以BS244BE嘅中性特質, 相信會好夾同會有另一番味道...... {:6_210:}
在此多謝各位師兄嘥時間收看 {:6_162:} 用家心得，用心評論，又學到嘢{:6_162:} ver gooooooood!
fuman0123 發表於 2012-12-11 01:23 static/image/common/back.gif
用家心得，用心評論，又學到嘢
{:9_434:} 多謝吹水王者之王大文兄加分, 只係亂寫一通, 邊度算係咩心得 {:8_374:} C兄！{:1_351:}
真係很用心玩好對BS244BE 本帖最後由 appletim 於 2012-12-11 02:09 編輯
師兄，小弟亦剛購入LS70 stand，想知D白水晶砂在那裡可以買到(是不是金魚街呢？)。两邊7成滿大概要用多少Kg砂倒呢？謝！ Good ！{:6_177:} Very good, good sharing!!{:6_193:} {:6_193:} Good report, thanks for sharing! {:1_351:} leo25 發表於 2012-12-11 01:31 static/image/common/back.gif
多謝吹水王者之王大文兄加分, 只係亂寫一通, 邊度算係咩心得 ...
亂寫都咁好，再認真啲咪不得鳥{:9_431:}