【碟評】馮允謙《 今天開始 BRAND NEW START》
本帖最後由 tinsly 於 2012-12-3 03:31 編輯馮允謙首張個人專輯終於推出了!!!小弟在他參賽「超級巨聲3」,第一首參唱歌玩Maroon 5《Sunday Morning》已經畀佢把聲攝住了,因為他嗓子好似方大同先生!!!剛巧當我狂REPEAT聽方大同先生《15》,令我十分留意這參賽者.之後我基本上每集「超級巨聲3」都會睇返,漸漸無型中成為他追隨者.
當然該節目令他嶄露頭角,非與另一前參賽者羅孝勇合唱《 I'm Yours 》莫屬!!!當時我睇電視,見其二人完全忘我投入音樂世界裏,完全拋開競爭的情緒,另我更對該小子更為欣賞!!!去到整個「超級巨聲3」完結,他只得第二名,其實作為一個小追隨者,都無咩所謂,因為係TVB嘛,心照吧!!!
早幾個月前電台聽到一首新歌,聲音咬字好熟識,又係我愛的英式搖滾,原本當然忙於工作的我,都停下手,慢慢細聽,等待主持人介紹……點知無講!!!!!
於是返歸慿歌詞SEARCH下,原來就是馮允謙的《 今天開始》!!!!
在一個零宣傳零通知的情況下,前晚收工去CD舖見到馮允謙的大POSTER,終於入了其首張個人專輯《 今天開始 BRAND NEW START》
TRACK LISTS:
今天開始
夜半敲門
想想想
Feel Like Dancing (馮允謙、鍾舒漫合唱)
笑笑
那是純粹的
我的九十年代
Spin Cycle
想寫一句歌
All I Need Is Time
小弟聽完了,隨意挑選幾首值得留意的曲目:
今天開始
作為一個普遍的本人新晉歌手,用這曲為首波主打,只會不過不失,但落在馮允謙身上,卻變得幾合身!!!歌曲可見其正能量的風格型像,這曲曲風外國味幾濃,甚至聽聽下有點會疑惑他係唔係唱緊粵語???因為他這咬字獨突的ABC粤語,下下字正腔圓首先是沒可能,但這咬字方式則完全適合在R&B身上!!!
整首曲其實可以幾高分的,但一到副歌,馮允謙的人聲好似有種MONO感覺,是刻意的嗎???我就聽得幾礙耳喇……
尾段和唱和拍掌聲就過分凋零,應該澎湃些,令該曲更大世界點!!!
夜半敲門
這歌可以肯定馮允謙先生最適合的曲風就係R&B!!!節奏感強點,馮允謙完全拿揑得十分出色,老實講本地樂壇這歌可能有不少歌手都會唱得好,但唱到其神髓,聲線配得上,真係寥寥可數,希望馮允謙能靠他這優勢,殺出個未來!!!!
想想想
慢版情歌,這曲好有恭碩良味道,畢竟這CD他是監製,選曲當然會帶點監製影子.
其實這歌,馮允謙唱得一般,這類節奏偏柔的歌,古巨基唱就屈機了,馮生努力磨練下吧!!!
最後想講,我聽這曲令我想起他,真的很久不見了-----------杜德偉先生!!!!!!
笑笑
一首完全係馮允謙「最佳主題曲」!!!!有點reggae的Bruno Mars式R&B,正正是眾人最有印象的馮允謙先生一面,陽光氣息重,開開心心,因為他曾用過《The Lazy Song》比賽,總會令人聯想起當年的他!!!
一首人人都不會討厭的歌,歌詞與編曲的配合十分出色,要挑剔的,馮允謙低音的穩定性仍需要努力!!!
那是純粹的
全碟最差!!!!証明港式慘情POP SONG,不是所有香港歌手都適合!!!請各大主流唱片公司,大胆點選曲吧!!!!
還有,馮生,快學好中文吧!!!!「近」音係僅(低去）,唔係讀「啟」!!!!!
想寫一句歌
之前講過吸引我,係因為有方大同先生影子,《想寫一句歌 》就係方大同先生有所創作,但估唔佢寫首咁沉鬱的歌給他.值得讚係真假音互轉發揮得幾好.
總括:
整張唱片幾有外國唱片感覺,作為新人第一張唱片其實合格有餘………但要成名,相信還有一段漫長路了!!!
聽完仍然洗不走「粵語版方大同」稱號,但令我勾起杜德偉先生………
PS.英皇!!!可唔可以畀返返個CD套我呀!!!用張紙包住隻碟,唔花都幾難!!!{:6_164:}
今天開始
Fl9bc1yZmpw
夜半敲門
6k6eD0hLlU8
我的九十年代
cxbeEA8CraA 本帖最後由 sanyoboy33 於 2012-12-3 07:55 編輯
天時兄！低比十分！用心的碟評{:9_423:} tinsly 发表于 2012-12-3 03:27static/image/common/back.gif
本帖最後由 tinsly 於 2012-12-3 03:31 編輯
馮允謙首張個人專輯終於推出了!!!小弟在他參賽「超級巨聲3」,第一首參唱歌玩Maroon 5《Sunday Morning...
師兄！冇野好講十分！我都係Jun Kung fans 由其鍾意佢d慢歌，有jazz feel 既歌，呢隻碟值得留意！試聽下你推介既（慢慢慢）唔錯！ 又一個唱得好好聽好有特色既男歌手, 不過又可惜又係一個比英皇吸咗去既男歌手, 啲碟既質素應該都係全無期望~~!! {:9_418:}
林欣彤, 羅力威, 宜家又到馮允謙, 搞到我想買碟都停一停, 諗一諗.....{:9_437:} 比得錢做宣傳, 都唔該比啲錢做好隻碟啦....{:8_370:} 非常詳細的分享!!!{:6_193:} 詳盡報告{:6_193:} giseegoobi 發表於 2012-12-3 08:44 static/image/common/back.gif
師兄！冇野好講十分！我都係Jun Kung fans 由其鍾意佢d慢歌，有jazz feel 既歌，呢隻碟值得留意！試聽下 ...
我都好欣賞Jun Kung,我有齊晒佢咁多張碟架!!!! ykluk 發表於 2012-12-3 09:59 static/image/common/back.gif
又一個唱得好好聽好有特色既男歌手, 不過又可惜又係一個比英皇吸咗去既男歌手, 啲碟既質素應該都係全無期望 ...
唉~~~當年隻泳兒《快樂眼淚》質素媲美「老翻碟」! tinsly 發表於 2012-12-3 12:10 static/image/common/back.gif
唉~~~當年隻泳兒《快樂眼淚》質素媲美「老翻碟」!
其實英皇都收埋唔少值得一唱既歌手, 不過啲歌好多又太MK又太K, 難得有好歌又錄得太衰, 同我哋呢啲所謂HIFI友真係無乜緣....{:9_440:}