《2013我愛香港恭囍發財》
本帖最後由 朗 於 2013-1-30 11:35 編輯yTA-5IMgebU {:6_193:} MzSsuBiOhyc BovpVFKO2OE 本帖最後由 劉一舟 於 2013-2-16 12:04 編輯
呢幾年冇睇賀歲港產片，今年有免費飛就入去睇咗 <2013我愛HK恭囍發財>，睇完即覺得過去幾年唔睇賀歲港產片是應該的，98分鐘片長好似睇緊大螢幕的高清翡翠台，唔係因為熟識的演員面孔，而係粗疏的故事和假到不得了的CG效果，主景和天台景係明眼人都睇得出演員係喺綠佈景前面做戲，可能係因為冇錢及冇時間去做，又或者佢地諗：駛乜做得咁仔細，入場嗰啲都係買過開心，睇X完就算嗰啲人，若果電影人咁諗，咁真係港產片嘅悲哀，你睇番當年 <最佳拍檔> 嘅製作，雖然唔可以相提比論，但唔該都認真番少少吖？影片嘅演員睇得出係好戮力演出嘅，惜故仔真係接受唔到，竟然將1996年 <嫲嫲帆帆> 大橋再兜亂炒過上枱，仲要加插早已outdate的載歌載舞大合唱，我睇到嗰度真係唔識笑，但戲院其他觀眾就卡卡咁大笑，我心諗係咪我有問題定而家嘅觀眾要求低咗？但點都好，賀歲港產片每年係要有嘅，只不過我要睇嘅時候係喺上畫後一年在公仔箱播放的免費版本。
(50 out of 100)
P.S. 片初嗰啲promotion shots真係突兀到想打柒佢 劉一舟 發表於 2013-2-16 11:59 static/image/common/back.gif
呢幾年冇睇賀歲港產片，今年有免費飛就入去睇咗 ，睇完即覺得過去幾年唔睇賀歲港產片是應該的，98分鐘片長 ...
過年時候, 避免亦唔想入戲院睇嗰啲所謂合家歡戲, 總會係有大量可能平時唔入戲院嘅人, 嘈雜喧嘩, 呼男喝女, 幾低B弱智嘅乜到笑一餐, 喺戲院好似喺屋企睇免費電視節目咁, 非常虐待! {:9_412:} 劉一舟 發表於 2013-2-16 11:59 static/image/common/back.gif
呢幾年冇睇賀歲港產片，今年有免費飛就入去睇咗 ，睇完即覺得過去幾年唔睇賀歲港產片是應該的，98分鐘片長 ...
唔讚同劉兄所講，套戲雖然係拍得粗疏d，亦冇往年幾部咁好笑，但係個主題非常明確，就係講點樣做一個有良心既香港商人，一開始見到ALAN個髮型的確唔想睇落去，尤其係少年版阿倫果種chok到爆既演技，真係睇到鷄皮起。不過套戲就好似片中金錢鷄一樣，又難整又冇錢揾，但係好多街坊中意睇，咁都要有人做。我愛hk系列基本入唔到大陸，同黃百鳴比已經輸咗成條街，不過好興幸曾志偉都肯拍落去，距都算係香港電影界既良心商人，肯支持本土電影。對香港呢幾年環境變化熟悉既朋友，或多或少會有點感觸，好似戲中阿倫那種只要仲捱得，都要堅持落去既老闆已經揾唔到，並唔係傻咁簡單。不過如果你一定要話套戲技術唔得或者太大團員乜乜物物，咁呢d就一定係呢個系列既硬傷，如果要睇大製作，可以去睇成蟲果d幾億成本既合拍片，呢套戲你只可以睇到一班有心有力既演員同製作人不惜工本去講一個有香港情懷既故事。 teddy 發表於 2013-3-31 10:04 static/image/common/back.gif
唔讚同劉兄所講，套戲雖然係拍得粗疏d，亦冇往年幾部咁好笑，但係個主題非常明確，就係講點樣做一個有良 ...
我都寧願支持呢類港產片都唔想睇D大製作合拍片
頁:
[1]